ရိုးမရေဒီယိုမဂ္ဂဇင်း
အောက်တိုဘာလ ၁၇ ရက်။ ဘင်္ဂလားဒေ့်ရ်ှနိုင်ငံတွင် ဖွင့်လှစ်ထားသော ဒုက္ခသည်စခန်းများကို အပြီးတိုင်ဖျက်သိမ်း၍ အေးအေးချမ်းချမ်းဖြင့် နေရပ်ကို အမြန်ပြန်စေချင်ပြီဖြစ်ကြောင်း ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ လူ့အခွင့်ရေး အထူးကိုယ်စားလှယ် ခရစ္စတင်းဘာဂနာ(Christine Schraner Burgener) က ပြောကြားခဲ့သည်။
ကုလသမဂ္ဂအထူးကိုယ်စားလှယ် မစ္စဘာဂနာနှင့် ရခိုင်ပြည်နယ်လွှတ်တော် ဥက္ကဌတို့ အောက်တိုဘာလ ၁၆ ရက်နေ့ နံနက်ပိုင်းက လွှတ်တော်ဥက္ကဌ ဧည့်ခန်းမတွင် သီးသန့်တွေ့ဆုံကြစဉ် ထိုသို့ပြောကြားခဲ့ခြင်းဖြစ်ကြောင်း ပြည်နယ်လွှတ် တော်ဥက္ကဌ ဦးစံကျော်လှက ပြောသည်။
“ဒုက္ခသည်တွေကို စခန်းတွေ အပြီးတိုင်ဖျက်သိမ်းပြီးတော့ သူတို့ဒေသကို အမြန်သွားစေချင်တဲ့ သဘောရှိတယ်။ နောက်တစ်ချက်က သူတို့ဟာ ရခိုင်တွေလိုဘဲ နေရာအသီးသီးကို လွတ်လွတ်လပ်လပ် သွားစေချင်တဲ့ သဘောရှိတယ်။ ဒါတွေကို ပြောပါတယ်။”ဟု ၎င်းက ဆိုသည်။
ယင်းအပြင် ခရစ္စတင်းဘာဂနာက မူဆလင်များအနေဖြင့် ကျန်းမာရေး ဆေးကုသရန်အတွက် လွတ်လွတ်လပ်လပ် သွားလာခွင့် မရသည့် အခက်ခဲများရှိနေသောကြောင့် လွှတ်တော်အနေဖြင့် အဆိုပါ ကိစ္စရပ်များအပေါ် တတ်နိုင်သလောက် ဖြေရှင်းပေးရန် ပြောခဲ့ကြောင်းလည်း ဆိုသည်။
မစ္စဘာဂနာ ဦးဆောင်ဆောင်သော အဖွဲ့သည် အောက်တိုဘာလ ၁၆ ရက်နေ့ နံနက်ပိုင်းက စစ်တွေဟိုတယ်တွင် ရခိုင်အမျိုးသားပါတီ တာဝန်ရှိသူများနှင့် တွေ့ဆုံခဲ့ပြီး ယင်းမှတဆင့် သက္ကယ်ပြင်ကျေးရွာသို့သွားရောက်ပြီးနောက် ပြည်နယ်လွှတ်တော် ဥက္ကဌနှင့် သွားရောက်တွေ့ဆုံခဲ့ခြင်း ဖြစ်သည်။
လက်ရှိ မောင်တောမြို့နယ်တွင် ဖွင့်လှစ်ထားသော ပြန်လည်လက်ခံရေး စခန်းများမှာ လက်ခံရန်အသင့်အနေအထားတွင် ရှိနေသည့်အတွက် နေရပ်စွန့်သူများအနေဖြင့် ပြန်လာလျှင်လာ၍ရနေပြီဖြစ်ကြောင်းနှင့် ဆေးဝါးကုသရန်အတွက် သွားလာခွင့် အခက်ခဲရှိလျှင် ပြည်နယ်အစိုးရအဖွဲ့နှင့် ညှိနှိုင်းပေးမည်ဟု ပြောဆိုခဲ့ကြောင်း သိရသည်။
407 total views, 2 views today