ရိုးမရေဒီယိုမဂ္ဂဇင်း

ရခိုင်ပြည်နယ်လုံးဆိုင်ရာ လူငယ်ညီလာခံက ချမှတ်နိုင်ခရေ မူဝါဒတိ့ကို အကောင်ထည်ဖော်နိုင်ဖို့ အစိုးရအပါအဝင် နိုင်ငံရေးပါတီ၊ အရပ်ဖက်အဖွဲ့အစည်းတိ့နန့် ပူးပေါင်းပနာ ဆောင်ရွက်လားဖို့ လူငယ်တိ့က ကြိုးပမ်းနီကတ်ပါရေ။

ရခိုင်လူငယ်ညီလာခံက တာဝန်ရှိလူတိ့စွာ သြဂုတ် ၁၉ ရက်နိ့က စစ်တွေမြို့ အာရီယန် စားသောက်ဆိုင်မှာ ပြီးခရေ မေလက လုပ်ခကတ်တေ ယင်း ညီလာခံဆိုင်ရာ သတင်းစာရှင်းလင်းပွဲနန့် တာဝန်လွှဲပြောင်းပီးအပ်ပွဲတစ်ခု လုပ်ခပနာ ယင်းပိုင် ပူးပေါင်းဆောင်ရွက်ဖို့ ဆုံးဖြတ်ခကတ်စွာပါ။

“အဂု လက်ရှိ အန်အယ်လ်ဒီအစိုးရရှိဖို့၊ ပြည်ထောင်စု အစိုးရ၊ ပြီးကေ ပြည်နယ်အစိုးရ၊ ဒေသန္တရ အစိုးရ။ အရပ်ဖက်အဖွဲ့အစည်း၊ ပါတီ ယင်းချင့်တိ့နန့် သဟဇာတိဖြစ်စွာနန့် စည်းလုံးမှုတိ့ကို တည်ဆောက်ပနာ ပူးပေါင်းဆောင်ရွက်လားဖို့ ကျွန်တော်ရို့မှာ အစီစဉ်ရှိပါရေ။” လို့ ရခိုင်လူငယ်ညီလာခံ ဦးဆောင်ကော်မတီဝင် ကိုမင်းသိန်းဇံက ပြောပါရေ။

ရခိုင်လူငယ် ညီလာခံက သဘောတူချမှတ်လိုက်တေ မူဝါဒ ၂၄ ချက်စွာ လူငယ်နန့် နိုင်ငံရေး၊ လူငယ်နန့် ပညာရီး၊ လူငယ်နန့် မူးယစ်ဆီးဝါး၊ လူငယ်နန့် အလုပ်အကိုင် အခွင့်အလမ်းစရေ ကြောရိုးကြီးလေးခုပေါ်မှာ အခြီခံပနာ ဆွေးနွေးထားရေ အချက်တိ့လည်း ဖြစ်ပါရေ။

ယင်း အစီစဉ်တိ့အနက် မူးယစ်ဆီးဝါးနန့် ပတ်သက်ပနာ ကျော်ဇောသတင်းရှိရေ ကွမ်းယာဆိုင်၊ ဈီးဆိုင်တိ့ကို စနစ်တကျ စစ်ဆီးဖို့၊ အရက်သီစာနန့် ဆလိပ်တိ့ကို ရခိုင်ပြည်နယ်ကို တင်သွင်းဖို့ဆိုကေ အကန့်အသတ်နန့်ရာ တင်သွင်းဖို့၊ မူးယစ်ဆီးဝါး သုံးစွဲမှု ရှိမရှိ ကျောင်းသားကျောင်းသူတိ့ကို အချိန်ကာလအပိုင်းအခြားလိုက် စစ်ဆီးလားဖို့၊ ကျောင်းသင်ခန်းစာမှာ ထည့်သွင်းပါရှိရေ မူးယစ်ဆေးအကြောင်းကို အလီးအနက်ထား သင်ကြားပီးလားဖို့ လူငယ်စင်တာတိ့ ထားရှိလားဖို့ စရေ အချက်တိ့ ပါဝင်ပါရေ။

 561 total views,  2 views today