Arakan Yoma |
ရခိုင်အမျိုးသားပါတီ ထိပ်ပိုင်း ခေါင်းဆောင် တစ်ဦးဖြစ်တေ မူဝါဒေရးရာ ဦးဆောင်ကော်မတီဝင် ဦးဖေသန်း ပါတီကနီ နှုတ်ထွက်လိုက်ပါရေ။
အာဏာသိမ်းပြီး နောက်ပိုင်း ပါတီ ရပ်တည်ချက်တိနဲ့ အမြင်သဘောထား မတူစွာတိ၊ ပါတီခေါင်းဆောင် တချို့စွာ မူဝါဒတိကို ဆန့်ကျင်ပနာ လုပ်ဆောင်နီစွာတိကြောင့် နှုတ်ထွက်ရစွာ ဖြစ်တေလို့ ကာယကံရှင်က ပြောပါရေ။
နှုတ်ထွက်စာကို ဇွန်လ ၁၃ ရက်နိကပင် တင်ထားခစွာ ဖြစ်ပြီးကေ သြဂုတ်လ ၂၁ ရက်နိမှာ ပါတီအတွင်း ဆုံးဖြတ်ချက် ချနိုင်သူတချို့ အွင်လိုင်းကနီ အစည်းအဝေး ပြုလုပ်ခပြီးကေ ဦးဖေသန်းကို နှုတ်ထွက်ခွင့် ပီးဖို့ ဆုံးဖြတ်ခကတ်ပါရေ။
ဦးဖေသန်းစွာ ပါတီတွင်းပြောရေးဆိုခွင့်ရှိသူ နီရာယူထားရေ ခေါင်းဆောင်တစ်ဦးဖြစ်တေပိုင် မြေပုံမြို့နယ် ပြည်သူ့လွှတ်တော် ကိုယ်စားလှယ်ဟောင်း တစ်ဦးလည်း ဖြစ်ပါရေ။
ပါတီနိုင်ငံရီးအရ ရွီးကောက်ပွဲအတွက် အဓိက ဖွဲ့စည်းခစွာဖြစ်ကေလည်း လက်ရှိနိုင်ငံတွင်း အခြီအနီအရ ရွီးကောက်ပွဲ ကျင်းပပီးဖို့လို့ ပြောထားကေလည်း ဖြစ်လာနိုင်ခြီ နည်းစွာကြောင့် ပါတီနဲ့ လမ်းခွဲလိုက်ရစွာ ဖြစ်တေလို့လည်း ဦးဖေသန်းက ပြောပါရေ။
လက်ရှိမှာတော့ အမျိုးသားရေးနိုင်ငံရေးနဲ့ တော်လှန်ရေးကဏ္ဍတိမှာ နိုင်ရာ တာဝန်ထမ်းဆောင်လားဖို့လို့ ဆုံးဖြတ်ထားကြောင်း Arakan Yoma ကို ပြောပါရေ။
369 total views, 1 views today