Arakan Yoma |
စစ်တွေမြို့ပေါ်က ရပ်ကွက်တချို့မှာ နွီရာသီ ရီရှားပါးမှုနန့် ကြုံတွိ့ နီကတ်ရပါရေ။
တစ်မြို့လုံးကို ရီမျှဝီပီးနီရေ ကန်တော်ကြီးမာ ပြီးခရေ မတ်လလောက်ကနီ ရီ ခမ်းခြောက်လာရေ အတွက်နန့် မြို့ပေါ် ရပ်ကွက်သားတိ အခုပိုင် ရှားပါးမှုနန့် ကြုံတွိ့ နီကတ်ရစွာလေ့ ဖြစ်ပါရေ။
တချို့ ရပ်ကွက်တိမာ ကန်တော်ကြီးရီ မလာကေလေ့၊ အဝီစိရီတွင်းကို အားကိုး အသုံးပြုလို့ ရနီကေလေ့ အဝီစိ ရီတွင်း တူးလို့ အဆင်မပြေရေ ရပ်ကွက်တိမာ တော့ခါ ပိုမိုပြီး အခက်တွိ နီကတ်ရစွာပါ။
ယင်းတွက်နန့် ကုန်စျီးနှုန်းတိ မြင့်တက်နီချိန် စားဝတ်နီရေး အခက်ခဲ ဖြစ်ရရေ ကြားထဲ ရီကို ဝယ်ယူ သုံးစွဲ နီရလို့ မလောက်မငှ ဖြစ်နီရေလို့ စစ်တွေမြို့ ဓညဝတီရပ်ကွက်မှာ နီထိုင်ရေ ဒေါ်မလှတင်က ပြောပါရေ။
စစ်တွေမြို့မာ ရီရှားပါးမှု ကြုံတွိရစွာရေ ဒေတစ်နှစ်တည်း မဟုတ်ဘဲ အရင်နှစ်ပေါင်းများစွာ ကပင် ဖြစ်တေလို့ လည်း ဒေသခံတိက ဆိုကတ်ပါရေ။
ဒေကိစ္စနန့် ပတ်သက်ပြီးကေ မြို့နယ် စည်ပင်သာယာရေး အဖွဲ့ကို မီးမြန်းခါတော့ကေ မြို့ထက်မာရှိရေ အဝီစိ တွင်း ၄၈ တွင်းကနီ ရီတိ စုပ်ယူပြီးကေ ဖြန့်ဝီ ပီးလားဖို့ ရှိရေလို့ အမှုဆောင် အရာရှိ ဦးကျော်မိုးက ပြောပါရေ။
373 total views, 1 views today