ArakanYoma|
ရခိုင်ပြည်နယ်မြောက်ပိုင်းမာ တည်ရှိရေ နံသာကျွန်းနန့် မေယုမြစ်ဝဧရိယာထဲက ၃၆၀၈ ဟက်တာကို ရမ်ဆာရီဝပ်ဒေသအဖြစ်သတ် မှတ်လိုက်ဗျာလ်ဖြစ်ပါရေ။
စစ်တွေနန့် ရသေ့တောင်မြို့နယ် နယ်နိမိတ်အတွင်းကျရောက်တေ အဆိုပါနယ်မြေမာ ကမ္ဘာပေါ်က မျိုးတုန်းပျောက်ကွယ်လုနီးပါးဖြစ် လာရေ ရှားပါးမျိုးစိတ်တိရှိနီရေအတွင်ကြောင့် ရမ်ဆာကွန်ဗေးရှင်းအတွင်းရေးမှူးရုံးက အဂုပိုင် သတ်မှတ်လိုက်ခြင်းဖြစ်ပါရေ။
Myanmar Biodiversity Information Platform ၏ထုတ်ပြန်ချက်အရ အဆိုပါနယ်မြေတိရေ မျိုးတုန်းပျောက်ကွယ်လုနီးပါးအန္တရာယ် နန့် ရင်ဆိုင်နီရရေ ရီညှောင့်နှုတ်ဝိုင်းငှက် ကမ္ဘာ့ကောင်ရေ၏ ၅ ရာခိုင်နှုန်းရို့အတွက် ဒုတိယအရေးကြီးဆုံး ဆောင်းခိုနရာဖြစ်တေပိုင် Great Knot နန့် Nordmann GreenShank စရေငှက်မျိုးစိပ်ရို့အတွက် အရေးကြီးဆုံးနရာတစ်ခုလေ့ ဖြစ်ပါရေ။
ယင်းအပြင် ပြင်သာလိပ်၊ လိပ်စောင်းလျား၊ လိပ်လှောင်းစရေ ရှားပါးမျိုးစိပ်ရို့ ကျက်စား၊ ပေါက်ဖွားရာနရာလေ့ ဖြစ်နီပါရေ။ ယေဇုနန့် ယင်းနေမြေကို ရမ်ဆာရီဝပ်ဒေသအဖြစ် သတ်မှတ်ပီးဖို့ သစ်တောဦးစီးဌာနက ရမ်ဆာကွန်ဗေးရှင်းအတွင်းရေးမှူးရုံးကကို တင်ပြရေခါ မေလ ၂၂ ရက်နေ့က အသိအမှတ်ပြုခံခရစွာဖြစ်ပါရေ။
လက်ရှိမာ စစ်တွေနန့် ရသေ့တောင်မြို့နယ်တို့အတွင်း ကျရောက်တေ နံသာကျွန်းနန့် မေယုမြစ်ဝှမ်းရို့မာ ကမ္ဘာ့ကအသိမှတ် ပြုခံရရေ မြန်မာနိုင်ငံ၏ ၆ ခု မြောက်ရီဝပ်ဒေသဖြစ်လာပြီးကေ ဧရိယာအရဆိုကေလေ့ မြန်မာနိုင်ငံမာ ရီဝပ်ဒေသဧရိယာစုစုပေါင်း ၂၇၈၆၉၉ ဟက်တာရှိလာနီဗျာလ် ဖြစ်ပါရေ။
578 total views, 1 views today