ArakanYoma|
ကမ္ဘာတစ်ဝန်းလုံး ရင်ဆိုင်နီကတ်ရရေ ကပ်ရောဂါ ကိုဗစ်-၁၉ အကြပ်အတည်း ကာလအတွင်း သတင်းသမားတိကို အကူအညီပီး လားဖို့လို့ မြန်မာနိုင်ငံသတင်းမီဒီယာကောင်စီက ထုတ်ပြန်ပါရေ။
ကောင်စီအနေနန့် သတင်းသမားတိကို တစ်ဖက်တစ်လမ်းက ကူညီနိုင်ဖို့အတွက် ကိုဗစ်ရန်ပုံငွေကျပ်သိန်း ၁၀၀ ကို မတည်ထားစွာလေ့ ဖြစ်ပါရေ။
လတ်တလော သတင်းရယူနီရေ သတင်းထောက်တိရေ ကိုဗစ်-၁၉ ရောဂါ ကူးစက်ခံရစွာ၊ Quarantine ဝင်ရစွာတိ ဖြစ်ပေါ်လာကေ တစ်ယောက်စီကို ဖေ့ချာ ကျပ် ၂ သိန်းနှုန်းနန့် ထောက်ပံ့ပီးလားဖို့ဖြစ်ပြီးကေ၊ ယင်းရောဂါနန့် အလုပ်ရပ်နားလိုက်ရရေ သတင်းထောက်တိကိုလေ့ အခြေခံစားသောက်ကုန်တိ ပ့ံပိုးပီးလားဖို့လို့ ဆိုထားပါရေ။
လက်ရှိမာ မြန်မာနိုင်ငံသတင်းမီဒီယာကောင်စီအနေနန့် ယင်းအကြပ်အတည်းရင်ဆိုင်နီရရေ သတင်းသမားတိစာရင်းကို ကောက်ယူနီပြီး သတင်းထောက်တိ၊ သတင်းဌာနတိက အလုပ်ရပ်နားထားသူတိရှိကေ သူရို့ပါးကို စာရင်းပို့ပီးဖို့ မိတ္တာရပ်ခံထားပါရေ။
541 total views, 1 views today