အာရ်ကန်ရိုးမ
ရခိုင်ပြည်နယ်အစိုးရအဖွဲ့နန့် ကိုရိယားကုမ္ပဏီ BXT ရို့ ပူးပေါင်းလုပ်ဆောင်နီရေ စစ်တွေမြို့ တိုးချဲ့မြေထဲမှာ မြန်မာငွေကျပ်သိန်း ပေါင်း ၁ သောင်းကျော်အသုံးပြုပြီးကေ ဘုရားတစ်ဆူတည်ထားကိုးကွယ်လားဖို့ စီစဉ်နီကတ်ပါရေ။
ပြည်တွင်း၊ ပြည်ပသာသနာပြု မဟာဇေယျသိဒ္ဒိ အဓိဌာန်ဆရာတော်ကြီး ဦးဆောင်မှုနန့် တည်ထားကိုးကွယ်လားဖို့ဖြစ်တေ အဆိုပါဘု ရားမှာ ထိုင်တော်မူတစ်ဆူဖြစ်ပြီးကေ ရန်ပြေမာန်ပြေဘုရားကြီးလို့ နာမေပီးထားပါးရေ။
အဆိုပါထိုင်တော်မှုဘုရားမှာ ဉာဏ်တော်အမြင့် ၈၁ ပေရှိပြီးကေ ယင်းဘုရားတည်ဆောက်ဖို့ မြေနေရာပတ်ပတ်လည် ပေ ၁၂၀ ကျော်ကို လက်ရှိ ရခိုင်ပြည်နယ်အစိုးရအဖွဲ့နန့် ကိုရိယားကုမ္ပဏီ BXT ရို့ကပူးပေါင်းလုပ်ဆောင်နီရေ စစ်တွေမြို့မစျီးကြီးဖောင်တော်နား မြေထဲက လှူဒါန်းထားစော် ဖြစ်ပါရေ။
မတ်လ ၂၂ ရက်နိ ၈ နာရီခန့်က ပန္နက်တင်အုပ်မြစ်စီမင်္ဂလာပြုလုပ်ရာ အဓိဌာန်ဆရာတော်ကြီးနန့်တကွ သံဃာတော်တိ၊ BXT ကုမ္ပဏီ တာဝန်ရှိသူတိ၊ ရခိုင်ပြည်နယ်အစိုးရအဖွဲ့က တာဝန်ရှိသူအချို့နန့် မြို့သူမြို့သားတချို့တက်ရောက်ခကတ်ပါရေ။
498 total views, 1 views today