(Unicode Version)
ထူး၊ ရိုးမရေဒီယိုမဂ္ဂဇင်း
နန်းသက်ပေါင်း ၃၃၅ နှစ်ကျော်တာရှည်ခပြီးကေ နှစ်ပေါင်း ၅၀၀ ကျော်ကြာရှည်နီဗျာလ်ဖြစ်တေ မြောက်ဦးမြို့ရေ ရှိဟောင်းလက်ရာ တိ၊ ယဉ်ကျေးမှုအမွီအနှစ်တိ စုရုံးတည်ရှိရာ မြို့တစ်မြို့ဖြစ်ပါရေ။ မြောက်ဦးမှာ အထင်ရှားဆုံးကတော့ ကျောက်ဆစ်လက်ရာတိပါ။
ယင်းပိုင်လက်ရာမြောက်တေ ကျောက်ဆစ်လက်ရာတိကို အကောင်ထည်ဖော်ခသူတိ မြောက်ဦးသမိုင်းမှာ တွင်တွင်ကျယ်ကျယ်ရှိနီ ခရေပိုင် လက်ရှိအချိန်ထိလေ့ ရှိနီဆဲဖြစ်ပါရေ။
ယင်းအထဲမှာ ဦးလှကြီးလေ့ ပါဝင်ပါရေ။
“မျိုးရိုးထဲမှာ တစ်ယောက်လေ့မဟိမ့်။ အခင်ရို့မိသားစုအတိုင်းအတာမှာ တစ်ယောက်လေ့မဟိမ့်။ (အခင်)တစ်ယောက်ရာဟိမ့်ရေ။ ညီအကို သုံးယောက်ဟိမ့်စွာ။ ယင်းအထဲမှာ တစ်ယောက်လေ့ မပါ။ မိဘကလေ့ လယ်ရာလုပ်တေ။ ကိုယ်ကရာ ဝါသနာပါရေ။ အ ငယ်ချေကတောင် ဘုရားလုပ်။ ထိုလုပ်ဒေလုပ်ဆိုကေ မလုပ်ကေ့။ အပြစ်ကျဖို့လတ်။ ကျချင်ကျ၊ မကျချင်နီ ငါကတော့ခါ ဝါသနာပါ ရေလို့။ ခဲတံနဲ့ ဆွဲကေလေ့ ဘုရားစေတီယာ။” လို့ သူရူးသွပ်ခရေအကြောင်းကို ဦးလှကြီးက ပြောပါရေ။
သူရေ အသက် ၅၂ နှစ်အရွယ်ရှိနီဗျာလ်ဖြစ်ပြီးကေ လက်ရှိမှာတော့ခါ မြောက်ဦးမြို့ ကြက်စျီးရပ်ကွက်မှာ နီထိုင်ပနာ သူဝါသနာပါ ရာ ကျောက်ဆစ်လုပ်ငန်း၊ သစ်သားပန်းပုလုပ်ငန်းနဲ့ ဘိလပ်မြေနဲ့ ရုပ်ထုလုပ်တေလုပ်ငန်းတိကို လုပ်ကိုင်နီစွာဖြစ်ပါရေ။ အငယ်ချေ ကနီ ဒေလုပ်ငန်းတိကို ဝါသနာပါခကေလေ့ မိဘလုပ်ငန်းကိုရာ လုပ်ကိုင်ခရစွာပါ။
ယကေလေ့ သူအခွင့်အရေးရရေနိမှာ သူ့လက်ရှိအလုပ်ကိုစွန့်လွှတ်ပြီးကေ ဝါသနာကို အကောင်အထည်ဖော်ခရေလို့ သူက ပြောပြ ပါရေ။
“ပထမကတော့ခါ လယ်လုပ်တေလုပ်ငန်းနဲ့ အသက်မွီးဝမ်းကြောင်းပြုရေ။ မိဘကလေ့လယ်လုပ်တေ။ အိမ်ထောင်ကျခါ မယား မိဘ ကလေ့ လယ်လုပ်တေဆိုခါ ကိုယ်လေ့ လယ်လုပ်ရပေါ့။ သား၊ သမီး ၃ ယောက်ရပြီးခါမှ ဒေလုပ်ငန်းကိုစလုပ်ဖြစ်တေ။ ဒေအလုပ်ကို က ဝါသနာရှိစွာ။ လယ်လုပ်နီလို့ ဒေလမ်းကြောင်းပျောက်နီရေ။ ဆိုခါ လယ်လုပ်ငန်းကို လုံးဝစွန့်လွှတ်လိုက်ပြီးကေ ဒေလုပ်ငန်းဘ က်ကို လှည့်လာရေ။”
နှစ်ဖက်မိဘတိပါးက တစ်ဘဝစာလုပ်ကိုင်စားသောက်ဖို့ လွှဲအပ်ခရေ မိရိုးဖလာလယ်လုပ်ငန်းကို စွန့်လွှတ်လိုက်ချိန်ရာဆိုကေ သူ့အ တွက် အခက်ခဲဆုံးအချိန်တိ ဖြစ်ခပါရေ။ ဒေအချိန်မှာ သား၊ သမီး ၃ ယောက်နဲ့ ဇနီးမယားတစ်ယောက်ကို တာဝန်ယူထားရရေဖခင် တစ်ယောက်အနီနဲ့ သူ့ဘဝကို ဇာပိုင်ရပ်တည်ခပါလေ။
“ဒေလုပ်ငန်းကို ဖြတ်လိုက်ခါ လက်သမလုပ်ငန်းနဲ့ ရပ်ခံရေ။ ယင်းအချိန်က လက်သမလုပ်လို့ (တစ်ရက်ကို) ၇၀၀ ရရေ။ မိသားစု တစ်စုစားဝတ်နီရေးက ၁ ထောင်ကုန်ရေ။ ယင်းနှစ်မှာ ဆန်စျီးတက်လို့ ဆန် ၁ တောင်းကို ၃၅၀၀ ရှိရေ။ ဆိုခါ မိုးဦးကျကနီ လုပ်လို့ လာစွာ အကြွေးကလေ့ တင်လို့တင်လို့လာရေ။ ဝါဆိုလပြည့်ကျော် ၆ ရက်နိရောက်ခါ အခင်ကို ဘုရားလုပ်ဖို့ ခေါ်ရေလတ်။ လိုက် လားခါ ရတနာ့မာန်အောင် ဆရာတော်က ဘုရားနှစ်ပါးလုပ်ဖို့ ပြောရေ။ ၁၀ ရက်လောက်လုပ်ရရေ။ ဖဲသာ ၁ သိန်းကျော်လောက်ရ ရေ။ ဖဲသာ ၁ သိန်းကျော်ရခါ အဆင်ပြေလားရေ။”လို့ သူက ဖွင့်ဟပါရေ။
အာရုံစူးစိုက်မှုအားကောင်းသူတိရာ ပြုလုပ်လို့ရနိုင်ရေ၊ ခက်ခဲနက်နဲရေ ဒေကျောက်ဆစ်လုပ်ငန်းနဲ့ တစ်ခုလေ့ အဆက်အစပ်မရှိရေ လယ်သမားမျိုးရိုးက ဆင်းသက်လာသူတိဖြစ်ကေလေ့ သူ့အတွက် ဒေလုပ်ငန်းတိက လွယ်ကူလို့ နီခပါရေ။ သူစတင်လုပ်ဆောင်ခ ချိန်မှာလေ့ မြင်ဆရာရာ ရှိခကေလေ့ သင်ဆရာတော့ မရှိသလောက် ရှားပါးခပါရေ။
ဒေချင့်ကလေ့ သူ့ဝါသနာဗီဇကြောင့်ဖြစ်ပြီးကေ ကျောက်ဆစ်လက်ရာတိပေါကြွယ်ဝလွန်းရေ ရှိဟောင်းယဉ်ကျေးမှုနယ်မြေ မြောက် ဦးမြို့သားတစ်ယောက်ပီသပါရေ။ သူငယ်ရွယ်ချိန်မှာ သူ့အသက်အရွယ်နဲ့ လိုက်ဖက်တေ ခဲခြစ်ပန်းချီ၊ ယင်းကတစ်ဆင့် သစ်သား ပန်းပု၊ ယင်းကနီတစ်ဆင့် ကျောက်ကိုဆစ်ပြီးကေ ရုပ်ထုထွင်ရေအထိ ပြုလုပ်လာစွာလို့ ဆိုပါရေ။
“လက်ရှိအချိန်ထိ လက်တွိသင်လာရေဆရာတော့ခါ မရှိသိမ့်။ မြင်ဆရာလောက်ပဲ ရှိရေ။ အချေဘဝကနီ သျှစ်သောင်းရို့၊ ထုက္ကန့် သိမ်ရို့၊ နောက်ပြီးကေ ဆင်ချဆိတ်မှာနီရေအတွက်နဲ့ ဆင်ချဆိတ်က ဘုရားနားမှာ အရုပ်တိရှိရေ။ ယင်းချင့်ကို ဝါသနာရှိရေ။ အ ငယ်က ၅ နှစ်၊ ၆ နှစ်လောက်မှာ သျှစ်သောင်းဘုရားကိုရောက်လို့ ဝင်ဝက အရုပ်ကို စိတ်ကတော့ ဒေအရုပ်စွာမင်းဗာကြီး။ အိမ်ကို ရောက်တေအခါ ခဲတံနဲ့ဆွဲရေ။ လူတိကိုပြခါ ကောင်းဟုတ်တေကာလတ်။ ဝါသနာကို အခြေခံရေ။ နောက်ပြီးကေ တောတောင်ရို့၊ လယ်ပြင်ရို့မှာဆိုလေ့ အမြဲတမ်း ဘုရားပုထိုးတိ လားပြီးကေလုပ်တေ။ ယင်းတွက်နဲ့ သူ့စွာနဲ့သူ အဆက်စပ်ရှိနီရေ။ ကိုယ်နီရေ နီရာ အနားမှာ စေတီတစ်ဆူ သို့တည်းမဟုတ် ဘုရားတစ်ပါး ယင်းချင့်တိဆိုကေလေ့ သစ်သားဆိုလေ့ ဓားနဲ့ ခွတ်ပြီးကေ အရုပ်တစ်ရုပ် ပေါ်အောင် လုပ်တေဗီဇရှိရေ။ နောက်ပိုင်းမှာဆိုကေ ကျောက်ရုပ်တိလုပ်လာရေ။ သစ်သားရုပ်တိလုပ်လာရေ။ နည်းနည်းပါးပါးအ ခြေအနေ အဆင်မပြေစွာတိရှိရေ။ အရုပ်တော့ဖြစ်တေ။ ယကေလေ့ တော်ရုံကောင်းရေအဆင့်ကို မကျသည့်တိုင်အောင်သာမန်အ ခြေအနေထက်ကောင်းအောင်ဆိုခါ ပန်းချီဆရာရွှေဖောင်သာက ပြပီးရေ။ ခဲလိုင်းနဲ့ အရုပ်ဆွဲရေနည်းတိ။ ဆရာဆိုလေ့ သူယာယေ။ ဆိုခါ ပဂျီဆွဲဖို့လေ့ တတ်လားရေ။ ခဲလှိုင်းဆွဲဖို့လေ့တတ်လားရေ။”
လက်ရှိမှာဆိုကေတော့ သူ့အနေနဲ့ သူနီထိုင်ရေမြို့ မြောက်ဦးမှာသာမက ရခိုင်ပြည်နယ်မြို့တော် စစ်တွေနဲ့ ကမ္ဘာကျော်ကမ်းခြေ တည်ရှိရာ သံတွဲမြို့နယ်၊ ရခိုင်ပြည်နယ် အနှံ့အပြားက မြို့နယ်တိ၊ နောက်ပြီးကေ ပြည်မဖက်ရို့မှာလေ့ ယင်းလက်ရာတိနဲ့ ပတ် သတ်ပြီးကေ ချဲ့ထွင်လုပ်ကိုင်နီပါဗျာလ်။
ဒေချင့်တောင်မကလို့ ဒေလုပ်ငန်းအပေါ်မှာ စိတ်ဝင်စားရေ တပည့်၊ သား၊ သမီးတချို့ကိုလေ့ မွီးထုတ်ထားသူဖြစ်ပါရေ။
ဒေလုပ်ငန်းခွင်ကို စတင်လို့ ဝင်ရောက်ချိန်ကနီ အသက် ၅၂ နှစ်အရွယ်ရှိနီဗျာလ်ဖြစ်တေ ဒေအချိန်ထိ သူလက်ခံလုပ်ကိုင်ခရေ ရုပ် ထုတိ၊ လက်ရာတိအကြောင်းကိုလေ့ သူက “(စစ်တွေက) ရွှေသဇင်ဟိုတယ်မှာ အရုပ်ပိုင်းဆိုင်ရာအားဖြင့် အားလုံးကို အခင်လုပ်စွာ ။ သံတွဲက ငပလီသဇင်နန်းတော်ရို့မှာ မြောက်ဦးတိုင်းခန်းလှည့်လည်ရေပုံတိ၊ ဆိုင်ဘိုးတိ၊ နောက်ပြီးကေ မြောက်ဦးက အခု ဆောက်နီရေ ဟိုတယ်မှာ ပြောရဖို့ဆိုကေ ပန်းပုပိုင်းဆိုင်ရာအားဖြင့် ကြီးကျယ်ရေ အဆောက်အအုံတိ၊ ယင်းမတိုင်ခင်က ရန်ကုန်မှာ နီပြီးကေ ရုပ်ထု ၂၀၀ ကျော်လောက်လုပ်ဖူးရေ။ နောက်တောင်သုံးလုံး စေတဝန်ကျောင်းမှာ ဘုရားတိ ယင်းချင့်တိလေ့ ဒေကထွင်း လို့ပို့ရေ။ မအီမှာ ရတနာ့မာန်အောင်ဆရာတော်မှာ ၉ တောင်ဘုရားတစ်ပါး၊ မိုးစဲကမ်းခြေရာတိမှာ ရပ်တော်မူဘုရား၊ ယင်းနောက် ဖက်က ၉ တောင်ဘုရား တစ်ပါး။ ၇ တောင်ဘုရားတစ်ပါးတည်ဖူးရေ။ အခုအတိုင်းတာအားဖြင့်ဆိုကေ ထင်ရှားစွာတိဖြစ်ပါရေ။ အခု လေ့ ၉ တောင်ရပ်တော်မူတစ်ပါးတည်နီရေ။”လို့ ဝဝင့်ကကြွားနဲ့ ပြောပြပါသိမ့်ရေ။
သူရို့ဒေသက ကျောက်ဆစ်လက်ရာတိ ပေါကြွီဝရေဒေသတစ်ခုဖြစ်တေအလျောက် ယင်းပညာရပ်နဲ့ အသက်မွီးဝမ်းကြောင်း ပြုသူ တိများပြားကေလေ့ အများစုကတော့ ရှိရိုးကိုအခြေခံလုပ်ကိုင်နီကတ်ဆဲရာဖြစ်ပြီးကေ လက်ရှိအချိန်ထိ ခေတ်မီနည်းလမ်းတိကို အ အသုံးပြုပြီးကေ မပြုလုပ်နိုင်ကတ်သိမ့်ပါ။
“ကိုယ်ခံစားပြီးကေ လုပ်ထားရေအရာတစ်ခုကို တစ်ခြားလူတစ်ယောက်က ဒေချင့်ပဲကောင်းရေ။ ဒေချင့်မကောင်းလို့ပြောစွာကို မလို ချင်။ ရှိခေတ်က သုခမိန်သောက်ခရေ ဗျာလရုပ်နဲ့ ပန်းတိနဲ့ သို့တည်းမဟုတ် ခြင်္သေ့နဲ့ ပန်းဒူကြီးတစ်ခုကို သောက်လို့ အာရုံခံစားပြီး ကေ လုပ်ထားရေအရာတစ်ခုကို ဒေချင့်က တစ်ခုလေ့ တန်ဖိုးမရှိလို့ ဖြစ်ချင်လေ့ ဖြစ်လားဖို့လေ။ ယင်းပိုင်မျိုးတိရှိရေအတွက်နဲ့ ပြိုင် ပွဲတိမှာ မပါချင်။”
ကျောက်ဆစ်လက်ရာတိကို ထုတ်လုပ်နိုင်ကတ်ဗျာလ်ဆိုကေလေ့ ထုတ်လုပ်ပြီးသားရုပ်ထုတိကို ဝယ်ယူနိုင်ဖို့ အတည်တကျစျီးကွ က် မရှိရေအတွက်နဲ့လေ့ ယင်းလုပ်ငန်းကို လုပ်ကိုင်သူတိအနီနဲ့ ဘုရားပုထိုးတိတည်ဆောက်ဖို့ ကိုယ်တိုင်လားရောက်လုပ်ဆောင် ကတ်တေနေရာမှာ အဆင်ပြေကြကေလေ့သင့် တကယ့်ထုတ်လုပ်ပြီးသားရုပ်ထုတိကို ရောင်းချနိုင်ဖို့ဆိုစွာက ကကောင်းကြီး ခက် ခဲလှပါရေ။
“ရှိရိုးကို အခြေခံရေဆိုစွာက ဓညဝတီခေတ်က ရုပ်ထုလုပ်ဖို့ဆိုကေ ကိုယ်ကြိုက်တေအချိုးတစ်ခုယူလိုက်တေ။ ယင်းအရုပ်မှာ မမဖြစ်ဖြစ်၊ ယောက်ျားဖြစ်ဖြစ် ဓညဝတီခေတ်အဝတ်စားဆင်ယင်လိုက်တေဆိုကေ ဓညဝတီခေတ်ဖြစ်လားရေ။ ဝေသာလီခေတ် ဆိုလေ့ ဒေအတိုင်းယာ။”
ယင်းတွက်နန့် ကျောက်ဆစ်လုပ်ငန်းလုပ်ကိုင်သူတိအနီနဲ့ ဒေလုပ်ငန်းကို အဆင့်မြှင့်ပြီးကေ နိုင်ငံခြားကို တင်ပို့နိုင်ဖို့ လိုလားနီကတ် ကေလေ့ တကယ့်လက်တွိမှာတော့ခါ မြန်မာနိုင်ငံအတွင်းက တစ်ခြားဒေသကို ပို့ဆောင်ရာမှာတောင် အဆင်မပြေမှုတိ အများကြီး ကြုံတွိနီရရေလို့ ပြောပါရေ။
“ကျနော်ရို့ဖက်က ဒေရုပ်ထုတိကို နိုင်ငံတကာကို တင်ပို့နိုင်ဖို့ကိစ္စက ပန်းပုဆရာတိအတွက် အခက်ခဲဆုံး။ တစ်ခြားနေရာတိမှာ ပန်း ပုဆရာတိ လက်ရာမြောက်တေ။ ငါရို့ရခိုင်ကလူတိကျောက်ဆစ်ရုပ်ထွင်ရေ။ ကျောက်ဆစ်ရုပ်သည် နိုင်ငံတကာမှာ လုပ်ထားရေ အ ရုပ်တိလောက် စံချိန်မမှီ။ အဆင့်မမြင့် ယင်းပိုင်တိရှိရေ။ ကိုယ့်ယဉ်ကျေးမှုနဲ့ကိုယ်။ အဓိကလိုရင်းက ဒေအလုပ်ကိုလုပ်လို့ လုပ်တေလူက ထမင်းဝဖို့ကေ ဒေအရုပ်တိက တိုးတက်ဖို့လို့ ထင်ရေ။ ယင်းချင့်က တစ်ကဏ္ဍ။”
“နောက်ပြီးကေ ခိုင်းရေလူကနည်းရေ။ အခု ရခိုင်ပြည်မှာဆိုကေ ဟိုတယ်နဲ့ ပတ်သတ်တေလူတိယာ သုံးရေ။ ရန်ကုန်ကို ဆိုစွာနဲ့ ရှိသုကနီပြီးကေ ထောက်ခံချက်ယူရစွာတိ၊ ပက်ကင်ပိတ်ထားရေ ယင်းအရုပ်တိထမ်းပြီးကေ ဘုန်းကြီးကို ဆွမ်းကပ်တေပိုင်ကပ်ပြရ စွာတိ၊ ချေင့်တိက လုပ်တေလူတိကို အနှောင့်ယှက်တစ်ခုပိုင် ဖြစ်စီရေ။ အမှန်မှာဆိုကေ အရုပ်လုပ်ထားရေ။ ဒေချင့်သည် ရှိဟောင်း မဟုတ်ဆိုစွာကို သူရို့လေ့ သိရေ။ သိယင့်သားနဲ့ ၂ ရက်၊ ၃ ရက်ကြာအောင် ပက်ကင်ပိတ်ထားစွာတိကိုဖွင့်၊ ဖွင့်ပြီးကေ ယင်းချင့်တိ ကို ကားထက်ကချပြ။ သူရို့လာကြည့်လေ့ရစွာကို။ ယင်းချင့်တိကို ရှိဟောင်းရိုးရာ ယဉ်ကျေးမှုတိကိုတောင်မှ ကမ်းအောင်လုပ်နီရေ ပုံစံမျိုးဖြစ်နီရေ။ အဓိကဇာလိုလေ။ ယင်းပုံစံမျိုး မဟုတ်။ အခုကနီပြီးကေ မိသားစုဝမ်းရေးအတွက်လုပ်ထားစွာတစ်ခုကို ရှိဟောင်း မ ဟုတ်။ ကျောက်ကလေ့ အသစ်မှာထားစွာ သူရို့လေ့သိရေ။ ယင်းချင့်ကို ပန်းပုဆရာတိကို တမင်တကာ ဖိချရေပုံစံမျိုး ဖြစ်နီရေ။”
သူဝါသနာပါရေအလုပ်ကို လုပ်ကိုင်နီရလို့ ကျေနပ်နီရေ ဦးလှကြီးမှာဆိုကေလေ့ တစ်ခြားလူတိပိုင် သူသက်ရှိစဉ်မှာလုပ်ချင်ရေ ရည် မှန်းချက်တစ်ခုလေ့ ရှိနီပါရေ။
မခို့တရို့အပြုံးနဲ့ ရယ်ရင့်နဲ့ သူက “ထိုးဖောက်ဖို့ဘာညာဆိုစွာထက် ဘဝမှာ မသီခင်လုပ်ချင်ခစွာတစ်ခုတော့ရှိရေ။ ခြံဝင်းတစ်ခုမှာ ပေတစ်ရာလောက်ကြီးမားရေ အဆောက်အဦးတစ်ခုလုပ်ဖို့။ ယင်းအထဲမှာ ကိုယ်တတ်တေအရုပ်ဟူသမျှ၊ အရုပ် ၅၀၀ ဆို ၅၀၀။ ၁၀၀၀ ဆို ၁၀၀၀ လေ။ ပြတိုက်ပုံစံမျိုး။ ယင်းပိုင်လုပ်ချင်ရေ ဆန္ဒတော့ခါရှိရေ။ ယင်းချင့်ကိုပဲ ဦးတည်နီရေ။ မထင်ရှားလေ့ မတတ် နိုင်။” လို့ သူဖြစ်ချင်ရေ ဆန္ဒကို မရှက်တမ်း ပြောပြပါရေ။
မြောက်ဦးတည်ရှိနီသရွိ ကျောက်ဆစ်လုပ်ငန်းတိကို ထိန်းသိမ်းချင်သိမ့်ကေတော့ တာဝန်ရှိသူတိအနီနဲ့လေ့ သူရို့တောင်းဆိုချက်တိ၊ လိုအပ်ချက်တိကို ဖြည့်ဆည်းပီးရဖို့ ဖြစ်တေပိုင် ပြည်သူလူထုတိကလေ့ အခုပိုင် ကျောက်ဆစ်လက်ရာတိကို အမြတ်တနိုးတန်ဖိုး ထားပြီးကေ တတ်နိုင်စွာချေတိကို ဝယ်ယူအားပီးကတ်ရဖို့ ဖြစ်ပါရေ။
(Zawgyi Version)
ထူး၊ ႐ိုးမေရဒီယိုမဂၢဇင္း
နန္းသက္ေပါင္း ၃၃၅ ႏွစ္ေက်ာ္တာရွည္ခၿပီးေက ႏွစ္ေပါင္း ၅၀၀ ေက်ာ္ၾကာရွည္နီဗ်ာလ္ျဖစ္ေတ ေျမာက္ဦးၿမိဳ႕ေရ ရွိေဟာင္းလက္ရာ တိ၊ ယဥ္ေက်းမႈအမီြအႏွစ္တိ စု႐ုံးတည္ရွိရာ ၿမိဳ႕တစ္ၿမိဳ႕ျဖစ္ပါေရ။ ေျမာက္ဦးမွာ အထင္ရွားဆုံးကေတာ့ ေက်ာက္ဆစ္လက္ရာတိပါ။
ယင္းပိုင္လက္ရာေျမာက္ေတ ေက်ာက္ဆစ္လက္ရာတိကို အေကာင္ထည္ေဖာ္ခသူတိ ေျမာက္ဦးသမိုင္းမွာ တြင္တြင္က်ယ္က်ယ္ရွိနီ ခေရပိုင္ လက္ရွိအခ်ိန္ထိေလ့ ရွိနီဆဲျဖစ္ပါေရ။
ယင္းအထဲမွာ ဦးလွႀကီးေလ့ ပါဝင္ပါေရ။
“မ်ိဳး႐ိုးထဲမွာ တစ္ေယာက္ေလ့မဟိမ့္။ အခင္႐ို႕မိသားစုအတိုင္းအတာမွာ တစ္ေယာက္ေလ့မဟိမ့္။ (အခင္)တစ္ေယာက္ရာဟိမ့္ေရ။ ညီအကို သုံးေယာက္ဟိမ့္စြာ။ ယင္းအထဲမွာ တစ္ေယာက္ေလ့ မပါ။ မိဘကေလ့ လယ္ရာလုပ္ေတ။ ကုိယ္ကရာ ဝါသနာပါေရ။ အ ငယ္ေခ်ကေတာင္ ဘုရားလုပ္။ ထိုလုပ္ေဒလုပ္ဆိုေက မလုပ္ေက့။ အျပစ္က်ဖုိ႔လတ္။ က်ခ်င္က်၊ မက်ခ်င္နီ ငါကေတာ့ခါ ဝါသနာပါ ေရလို႔။ ခဲတံနဲ႔ ဆြဲေကေလ့ ဘုရားေစတီယာ။” လို႔ သူ႐ူးသြပ္ခေရအေၾကာင္းကို ဦးလွႀကီးက ေျပာပါေရ။
သူေရ အသက္ ၅၂ ႏွစ္အရြယ္ရွိနီဗ်ာလ္ျဖစ္ၿပီးေက လက္ရွိမွာေတာ့ခါ ေျမာက္ဦးၿမိဳ႕ ၾကက္စ်ီးရပ္ကြက္မွာ နီထိုင္ပနာ သူဝါသနာပါ ရာ ေက်ာက္ဆစ္လုပ္ငန္း၊ သစ္သားပန္းပုလုပ္ငန္းနဲ႔ ဘိလပ္ေျမနဲ႔ ႐ုပ္ထုလုပ္ေတလုပ္ငန္းတိကို လုပ္ကိုင္နီစြာျဖစ္ပါေရ။ အငယ္ေခ် ကနီ ေဒလုပ္ငန္းတိကို ဝါသနာပါခေကေလ့ မိဘလုပ္ငန္းကိုရာ လုပ္ကိုင္ခရစြာပါ။
ယေကေလ့ သူအခြင့္အေရးရေရနိမွာ သူ႔လက္ရွိအလုပ္ကိုစြန္႔လႊတ္ၿပီးေက ဝါသနာကို အေကာင္အထည္ေဖာ္ခေရလို႔ သူက ေျပာျပ ပါေရ။
“ပထမကေတာ့ခါ လယ္လုပ္ေတလုပ္ငန္းနဲ႔ အသက္မြီးဝမ္းေၾကာင္းျပဳေရ။ မိဘကေလ့လယ္လုပ္ေတ။ အိမ္ေထာင္က်ခါ မယား မိဘ ကေလ့ လယ္လုပ္ေတဆိုခါ ကိုယ္ေလ့ လယ္လုပ္ရေပါ့။ သား၊ သမီး ၃ ေယာက္ရၿပီးခါမွ ေဒလုပ္ငန္းကိုစလုပ္ျဖစ္ေတ။ ေဒအလုပ္ကို က ဝါသနာရွိစြာ။ လယ္လုပ္နီလို႔ ေဒလမ္းေၾကာင္းေပ်ာက္နီေရ။ ဆိုခါ လယ္လုပ္ငန္းကို လုံးဝစြန္႔လႊတ္လိုက္ၿပီးေက ေဒလုပ္ငန္းဘ က္ကို လွည့္လာေရ။”
ႏွစ္ဖက္မိဘတိပါးက တစ္ဘဝစာလုပ္ကိုင္စားေသာက္ဖို႔ လႊဲအပ္ခေရ မိ႐ိုးဖလာလယ္လုပ္ငန္းကို စြန္႔လႊတ္လုိက္ခ်ိန္ရာဆိုေက သူ႔အ တြက္ အခက္ခဲဆုံးအခ်ိန္တိ ျဖစ္ခပါေရ။ ေဒအခ်ိန္မွာ သား၊ သမီး ၃ ေယာက္နဲ႔ ဇနီးမယားတစ္ေယာက္ကို တာဝန္ယူထားရေရဖခင္ တစ္ေယာက္အနီနဲ႔ သူ႔ဘဝကို ဇာပိုင္ရပ္တည္ခပါေလ။
“ေဒလုပ္ငန္းကို ျဖတ္လိုက္ခါ လက္သမလုပ္ငန္းနဲ႔ ရပ္ခံေရ။ ယင္းအခ်ိန္က လက္သမလုပ္လို႔ (တစ္ရက္ကို) ၇၀၀ ရေရ။ မိသားစု တစ္စုစားဝတ္နီေရးက ၁ ေထာင္ကုန္ေရ။ ယင္းႏွစ္မွာ ဆန္စ်ီးတက္လို႔ ဆန္ ၁ ေတာင္းကို ၃၅၀၀ ရွိေရ။ ဆိုခါ မိုးဦးက်ကနီ လုပ္လို႔ လာစြာ အေၾကြးကေလ့ တင္လို႔တင္လို႔လာေရ။ ဝါဆိုလျပည့္ေက်ာ္ ၆ ရက္နိေရာက္ခါ အခင္ကို ဘုရားလုပ္ဖို႔ ေခၚေရလတ္။ လိုက္ လားခါ ရတနာ့မာန္ေအာင္ ဆရာေတာ္က ဘုရားႏွစ္ပါးလုပ္ဖို႔ ေျပာေရ။ ၁၀ ရက္ေလာက္လုပ္ရေရ။ ဖဲသာ ၁ သိန္းေက်ာ္ေလာက္ရ ေရ။ ဖဲသာ ၁ သိန္းေက်ာ္ရခါ အဆင္ေျပလားေရ။”လို႔ သူက ဖြင့္ဟပါေရ။
အာ႐ုံစူးစိုက္မႈအားေကာင္းသူတိရာ ျပဳလုပ္လို႔ရႏိုင္ေရ၊ ခက္ခဲနက္နဲေရ ေဒေက်ာက္ဆစ္လုပ္ငန္းနဲ႔ တစ္ခုေလ့ အဆက္အစပ္မရွိေရ လယ္သမားမ်ိဳး႐ိုးက ဆင္းသက္လာသူတိျဖစ္ေကေလ့ သူ႔အတြက္ ေဒလုပ္ငန္းတိက လြယ္ကူလို႔ နီခပါေရ။ သူစတင္လုပ္ေဆာင္ခ ခ်ိန္မွာေလ့ ျမင္ဆရာရာ ရွိခေကေလ့ သင္ဆရာေတာ့ မရွိသေလာက္ ရွားပါးခပါေရ။
ေဒခ်င့္ကေလ့ သူ႔ဝါသနာဗီဇေၾကာင့္ျဖစ္ၿပီးေက ေက်ာက္ဆစ္လက္ရာတိေပါၾကြယ္ဝလြန္းေရ ရွိေဟာင္းယဥ္ေက်းမႈနယ္ေျမ ေျမာက္ ဦးၿမိဳ႕သားတစ္ေယာက္ပီသပါေရ။ သူငယ္ရြယ္ခ်ိန္မွာ သူ႔အသက္အရြယ္နဲ႔ လိုက္ဖက္ေတ ခဲျခစ္ပန္းခ်ီ၊ ယင္းကတစ္ဆင့္ သစ္သား ပန္းပု၊ ယင္းကနီတစ္ဆင့္ ေက်ာက္ကိုဆစ္ၿပီးေက ႐ုပ္ထုထြင္ေရအထိ ျပဳလုပ္လာစြာလို႔ ဆိုပါေရ။
“လက္ရွိအခ်ိန္ထိ လက္တြိသင္လာေရဆရာေတာ့ခါ မရွိသိမ့္။ ျမင္ဆရာေလာက္ပဲ ရွိေရ။ အေခ်ဘဝကနီ သွ်စ္ေသာင္း႐ို႕၊ ထုကၠန္႔ သိမ္႐ို႕၊ ေနာက္ၿပီးေက ဆင္ခ်ဆိတ္မွာနီေရအတြက္နဲ႔ ဆင္ခ်ဆိတ္က ဘုရားနားမွာ အ႐ုပ္တိရွိေရ။ ယင္းခ်င့္ကို ဝါသနာရွိေရ။ အ ငယ္က ၅ ႏွစ္၊ ၆ ႏွစ္ေလာက္မွာ သွ်စ္ေသာင္းဘုရားကိုေရာက္လို႔ ဝင္ဝက အ႐ုပ္ကို စိတ္ကေတာ့ ေဒအ႐ုပ္စြာမင္းဗာႀကီး။ အိမ္ကို ေရာက္ေတအခါ ခဲတံနဲ႔ဆြဲေရ။ လူတိကိုျပခါ ေကာင္းဟုတ္ေတကာလတ္။ ဝါသနာကို အေျခခံေရ။ ေနာက္ၿပီးေက ေတာေတာင္႐ို႕၊ လယ္ျပင္႐ို႕မွာဆိုေလ့ အၿမဲတမ္း ဘုရားပုထိုးတိ လားၿပီးေကလုပ္ေတ။ ယင္းတြက္နဲ႔ သူ႔စြာနဲ႔သူ အဆက္စပ္ရွိနီေရ။ ကိုယ္နီေရ နီရာ အနားမွာ ေစတီတစ္ဆူ သို႔တည္းမဟုတ္ ဘုရားတစ္ပါး ယင္းခ်င့္တိဆိုေကေလ့ သစ္သားဆိုေလ့ ဓားနဲ႔ ခြတ္ၿပီးေက အ႐ုပ္တစ္႐ုပ္ ေပၚေအာင္ လုပ္ေတဗီဇရွိေရ။ ေနာက္ပိုင္းမွာဆိုေက ေက်ာက္႐ုပ္တိလုပ္လာေရ။ သစ္သား႐ုပ္တိလုပ္လာေရ။ နည္းနည္းပါးပါးအ ေျခအေန အဆင္မေျပစြာတိရွိေရ။ အ႐ုပ္ေတာ့ျဖစ္ေတ။ ယေကေလ့ ေတာ္႐ုံေကာင္းေရအဆင့္ကို မက်သည့္တိုင္ေအာင္သာမန္အ ေျခအေနထက္ေကာင္းေအာင္ဆိုခါ ပန္းခ်ီဆရာေရႊေဖာင္သာက ျပပီးေရ။ ခဲလိုင္းနဲ႔ အ႐ုပ္ဆြဲေရနည္းတိ။ ဆရာဆိုေလ့ သူယာေယ။ ဆိုခါ ပဂ်ီဆြဲဖို႔ေလ့ တတ္လားေရ။ ခဲလိႈင္းဆြဲဖို႔ေလ့တတ္လားေရ။”
လက္ရွိမွာဆိုေကေတာ့ သူ႔အေနနဲ႔ သူနီထိုင္ေရၿမိဳ႕ ေျမာက္ဦးမွာသာမက ရခိုင္ျပည္နယ္ၿမိဳ႕ေတာ္ စစ္ေတြနဲ႔ ကမၻာေက်ာ္ကမ္းေျခ တည္ရွိရာ သံတြဲၿမိဳ႕နယ္၊ ရခိုင္ျပည္နယ္ အႏွံ႔အျပားက ၿမိဳ႕နယ္တိ၊ ေနာက္ၿပီးေက ျပည္မဖက္႐ို႕မွာေလ့ ယင္းလက္ရာတိနဲ႔ ပတ္ သတ္ၿပီးေက ခ်ဲ႕ထြင္လုပ္ကိုင္နီပါဗ်ာလ္။
ေဒခ်င့္ေတာင္မကလို႔ ေဒလုပ္ငန္းအေပၚမွာ စိတ္ဝင္စားေရ တပည့္၊ သား၊ သမီးတခ်ိဳ႕ကုိေလ့ မြီးထုတ္ထားသူျဖစ္ပါေရ။
ေဒလုပ္ငန္းခြင္ကို စတင္လို႔ ဝင္ေရာက္ခ်ိန္ကနီ အသက္ ၅၂ ႏွစ္အရြယ္ရွိနီဗ်ာလ္ျဖစ္ေတ ေဒအခ်ိန္ထိ သူလက္ခံလုပ္ကိုင္ခေရ ႐ုပ္ ထုတိ၊ လက္ရာတိအေၾကာင္းကိုေလ့ သူက “(စစ္ေတြက) ေရႊသဇင္ဟိုတယ္မွာ အ႐ုပ္ပိုင္းဆိုင္ရာအားျဖင့္ အားလုံးကို အခင္လုပ္စြာ ။ သံတြဲက ငပလီသဇင္နန္းေတာ္႐ို႕မွာ ေျမာက္ဦးတိုင္းခန္းလွည့္လည္ေရပုံတိ၊ ဆိုင္ဘိုးတိ၊ ေနာက္ၿပီးေက ေျမာက္ဦးက အခု ေဆာက္နီေရ ဟိုတယ္မွာ ေျပာရဖို႔ဆိုေက ပန္းပုပိုင္းဆုိင္ရာအားျဖင့္ ႀကီးက်ယ္ေရ အေဆာက္အအုံတိ၊ ယင္းမတိုင္ခင္က ရန္ကုန္မွာ နီၿပီးေက ႐ုပ္ထု ၂၀၀ ေက်ာ္ေလာက္လုပ္ဖူးေရ။ ေနာက္ေတာင္သုံးလုံး ေစတဝန္ေက်ာင္းမွာ ဘုရားတိ ယင္းခ်င့္တိေလ့ ေဒကထြင္း လို႔ပို႔ေရ။ မအီမွာ ရတနာ့မာန္ေအာင္ဆရာေတာ္မွာ ၉ ေတာင္ဘုရားတစ္ပါး၊ မိုးစဲကမ္းေျခရာတိမွာ ရပ္ေတာ္မူဘုရား၊ ယင္းေနာက္ ဖက္က ၉ ေတာင္ဘုရား တစ္ပါး။ ၇ ေတာင္ဘုရားတစ္ပါးတည္ဖူးေရ။ အခုအတိုင္းတာအားျဖင့္ဆိုေက ထင္ရွားစြာတိျဖစ္ပါေရ။ အခု ေလ့ ၉ ေတာင္ရပ္ေတာ္မူတစ္ပါးတည္နီေရ။”လို႔ ဝဝင့္ကၾကြားနဲ႔ ေျပာျပပါသိမ့္ေရ။
သူ႐ို႕ေဒသက ေက်ာက္ဆစ္လက္ရာတိ ေပါၾကြီဝေရေဒသတစ္ခုျဖစ္ေတအေလ်ာက္ ယင္းပညာရပ္နဲ႔ အသက္မီြးဝမ္းေၾကာင္း ျပဳသူ တိမ်ားျပားေကေလ့ အမ်ားစုကေတာ့ ရွိ႐ိုးကိုအေျခခံလုပ္ကိုင္နီကတ္ဆဲရာျဖစ္ၿပီးေက လက္ရွိအခ်ိန္ထိ ေခတ္မီနည္းလမ္းတိကို အ အသုံးျပဳၿပီးေက မျပဳလုပ္ႏိုင္ကတ္သိမ့္ပါ။
“ကိုယ္ခံစားၿပီးေက လုပ္ထားေရအရာတစ္ခုကို တစ္ျခားလူတစ္ေယာက္က ေဒခ်င့္ပဲေကာင္းေရ။ ေဒခ်င့္မေကာင္းလို႔ေျပာစြာကို မလို ခ်င္။ ရွိေခတ္က သုခမိန္ေသာက္ခေရ ဗ်ာလ႐ုပ္နဲ႔ ပန္းတိနဲ႔ သို႔တည္းမဟုတ္ ျခေသၤ့နဲ႔ ပန္းဒူႀကီးတစ္ခုကို ေသာက္လို႔ အာ႐ုံခံစားၿပီး ေက လုပ္ထားေရအရာတစ္ခုကို ေဒခ်င့္က တစ္ခုေလ့ တန္ဖိုးမရွိလို႔ ျဖစ္ခ်င္ေလ့ ျဖစ္လားဖို႔ေလ။ ယင္းပိုင္မ်ိဳးတိရွိေရအတြက္နဲ႔ ၿပိဳင္ ပြဲတိမွာ မပါခ်င္။”
ေက်ာက္ဆစ္လက္ရာတိကို ထုတ္လုပ္ႏိုင္ကတ္ဗ်ာလ္ဆိုေကေလ့ ထုတ္လုပ္ၿပီးသား႐ုပ္ထုတိကို ဝယ္ယူႏိုင္ဖို႔ အတည္တက်စ်ီးကြ က္ မရွိေရအတြက္နဲ႔ေလ့ ယင္းလုပ္ငန္းကုိ လုပ္ကိုင္သူတိအနီနဲ႔ ဘုရားပုထိုးတိတည္ေဆာက္ဖို႔ ကိုယ္တိုင္လားေရာက္လုပ္ေဆာင္ ကတ္ေတေနရာမွာ အဆင္ေျပၾကေကေလ့သင့္ တကယ့္ထုတ္လုပ္ၿပီးသား႐ုပ္ထုတိကို ေရာင္းခ်ႏိုင္ဖို႔ဆိုစြာက ကေကာင္းႀကီး ခက္ ခဲလွပါေရ။
“ရွိ႐ိုးကို အေျခခံေရဆိုစြာက ဓညဝတီေခတ္က ႐ုပ္ထုလုပ္ဖို႔ဆိုေက ကိုယ္ႀကိဳက္ေတအခ်ိဳးတစ္ခုယူလိုက္ေတ။ ယင္းအ႐ုပ္မွာ မမျဖစ္ျဖစ္၊ ေယာက္်ားျဖစ္ျဖစ္ ဓညဝတီေခတ္အဝတ္စားဆင္ယင္လိုက္ေတဆိုေက ဓညဝတီေခတ္ျဖစ္လားေရ။ ေဝသာလီေခတ္ ဆိုေလ့ ေဒအတိုင္းယာ။”
ယင္းတြက္နန္႔ ေက်ာက္ဆစ္လုပ္ငန္းလုပ္ကိုင္သူတိအနီနဲ႔ ေဒလုပ္ငန္းကို အဆင့္ျမွင့္ၿပီးေက ႏိုင္ငံျခားကို တင္ပို႔ႏိုင္ဖို႔ လိုလားနီကတ္ ေကေလ့ တကယ့္လက္တြိမွာေတာ့ခါ ျမန္မာႏိုင္ငံအတြင္းက တစ္ျခားေဒသကို ပို႔ေဆာင္ရာမွာေတာင္ အဆင္မေျပမႈတိ အမ်ားႀကီး ႀကံဳတြိနီရေရလို႔ ေျပာပါေရ။
“က်ေနာ္႐ို႕ဖက္က ေဒ႐ုပ္ထုတိကို ႏိုင္ငံတကာကို တင္ပို႔ႏိုင္ဖို႔ကိစၥက ပန္းပုဆရာတိအတြက္ အခက္ခဲဆုံး။ တစ္ျခားေနရာတိမွာ ပန္း ပုဆရာတိ လက္ရာေျမာက္ေတ။ ငါ႐ို႕ရခိုင္ကလူတိေက်ာက္ဆစ္႐ုပ္ထြင္ေရ။ ေက်ာက္ဆစ္႐ုပ္သည္ ႏိုင္ငံတကာမွာ လုပ္ထားေရ အ ႐ုပ္တိေလာက္ စံခ်ိန္မမွီ။ အဆင့္မျမင့္ ယင္းပိုင္တိရွိေရ။ ကိုယ့္ယဥ္ေက်းမႈနဲ႔ကိုယ္။ အဓိကလိုရင္းက ေဒအလုပ္ကိုလုပ္လို႔ လုပ္ေတလူက ထမင္းဝဖို႔ေက ေဒအ႐ုပ္တိက တိုးတက္ဖို႔လို႔ ထင္ေရ။ ယင္းခ်င့္က တစ္က႑။”
“ေနာက္ၿပီးေက ခိုင္းေရလူကနည္းေရ။ အခု ရခိုင္ျပည္မွာဆိုေက ဟိုတယ္နဲ႔ ပတ္သတ္ေတလူတိယာ သုံးေရ။ ရန္ကုန္ကို ဆိုစြာနဲ႔ ရွိသုကနီၿပီးေက ေထာက္ခံခ်က္ယူရစြာတိ၊ ပက္ကင္ပိတ္ထားေရ ယင္းအ႐ုပ္တိထမ္းၿပီးေက ဘုန္းႀကီးကို ဆြမ္းကပ္ေတပိုင္ကပ္ျပရ စြာတိ၊ ေခ်င့္တိက လုပ္ေတလူတိကို အေႏွာင့္ယွက္တစ္ခုပိုင္ ျဖစ္စီေရ။ အမွန္မွာဆိုေက အ႐ုပ္လုပ္ထားေရ။ ေဒခ်င့္သည္ ရိွေဟာင္း မဟုတ္ဆိုစြာကို သူ႐ို႕ေလ့ သိေရ။ သိယင့္သားနဲ႔ ၂ ရက္၊ ၃ ရက္ၾကာေအာင္ ပက္ကင္ပိတ္ထားစြာတိကိုဖြင့္၊ ဖြင့္ၿပီးေက ယင္းခ်င့္တိ ကို ကားထက္ကခ်ျပ။ သူ႐ို႕လာၾကည့္ေလ့ရစြာကို။ ယင္းခ်င့္တိကို ရိွေဟာင္း႐ိုးရာ ယဥ္ေက်းမႈတိကိုေတာင္မွ ကမ္းေအာင္လုပ္နီေရ ပုံစံမ်ိဳးျဖစ္နီေရ။ အဓိကဇာလိုေလ။ ယင္းပုံစံမ်ိဳး မဟုတ္။ အခုကနီၿပီးေက မိသားစုဝမ္းေရးအတြက္လုပ္ထားစြာတစ္ခုကို ရွိေဟာင္း မ ဟုတ္။ ေက်ာက္ကေလ့ အသစ္မွာထားစြာ သူ႐ို႕ေလ့သိေရ။ ယင္းခ်င့္ကို ပန္းပုဆရာတိကို တမင္တကာ ဖိခ်ေရပုံစံမ်ိဳး ျဖစ္နီေရ။”
သူဝါသနာပါေရအလုပ္ကို လုပ္ကိုင္နီရလို႔ ေက်နပ္နီေရ ဦးလွႀကီးမွာဆိုေကေလ့ တစ္ျခားလူတိပိုင္ သူသက္ရွိစဥ္မွာလုပ္ခ်င္ေရ ရည္ မွန္းခ်က္တစ္ခုေလ့ ရွိနီပါေရ။
မခို႔တ႐ို႕အၿပံဳးနဲ႔ ရယ္ရင့္နဲ႔ သူက “ထုိးေဖာက္ဖို႔ဘာညာဆိုစြာထက္ ဘဝမွာ မသီခင္လုပ္ခ်င္ခစြာတစ္ခုေတာ့ရွိေရ။ ၿခံဝင္းတစ္ခုမွာ ေပတစ္ရာေလာက္ႀကီးမားေရ အေဆာက္အဦးတစ္ခုလုပ္ဖို႔။ ယင္းအထဲမွာ ကိုယ္တတ္ေတအ႐ုပ္ဟူသမွ်၊ အရုပ္ ၅၀၀ ဆို ၅၀၀။ ၁၀၀၀ ဆို ၁၀၀၀ ေလ။ ျပတိုက္ပုံစံမ်ိဳး။ ယင္းပိုင္လုပ္ခ်င္ေရ ဆႏၵေတာ့ခါရွိေရ။ ယင္းခ်င့္ကိုပဲ ဦးတည္နီေရ။ မထင္ရွားေလ့ မတတ္ ႏိုင္။” လို႔ သူျဖစ္ခ်င္ေရ ဆႏၵကို မရွက္တမ္း ေျပာျပပါေရ။
ေျမာက္ဦးတည္ရွိနီသရြိ ေက်ာက္ဆစ္လုပ္ငန္းတိကို ထိန္းသိမ္းခ်င္သိမ့္ေကေတာ့ တာဝန္ရွိသူတိအနီနဲ႔ေလ့ သူ႐ို႕ေတာင္းဆိုခ်က္တိ၊ လိုအပ္ခ်က္တိကို ျဖည့္ဆည္းပီးရဖို႔ ျဖစ္ေတပိုင္ ျပည္သူလူထုတိကေလ့ အခုပိုင္ ေက်ာက္ဆစ္လက္ရာတိကို အျမတ္တႏိုးတန္ဖိုး ထားၿပီးေက တတ္ႏိုင္စြာေခ်တိကို ဝယ္ယူအားပီးကတ္ရဖို႔ ျဖစ္ပါေရ။
735 total views, 1 views today