(Unicode Version)
ထူး၊ ရိုးမရေဒီယိုမဂ္ဂဇင်း
ဇာဒေသမှာမဆို အစားအစာပဲဖြစ်ဖြစ်၊ နေရာပဲဖြစ်ဖြစ် နာမည်ကြီးစွာ တစ်ခုလောက်တော့ကေ အနည်းဆုံးရှိကတ်တေ။ မဟုတ်ပါလား။ ကျွဲကူးမြစ်ကမ်းဘေးမှာတည်ရှိရေ ရခိုင်ပြည်နယ် ပေါက်တောမြို့မှာဆိုကေတော့ တင်းဝါးက နာမည်ကြီးရုံမကလို့ ရခိုင်မြောက်ပိုင်းတခွင်မှာဆိုကေ ဟိုးလေးတကျော်ပါ။
ပေါက်တောမြို့မှာ တင်းဝါးဖုတ်တေ ဒိုင်အကြီးကြီးတိ ရှိရေပိုင် တပိုင်တနိုင်ဖုတ်လို့ ရောင်းချသူတိလေ့ရှိပြီးကေ တချို့ကတော့ ဒိုင်ကြီးတိ ပါးက တဆင့်ခံ ဝယ်ယူရောင်းချကတ်ပါရေ။ ပေါက်တောမြို့ ရပ်ကွက် (၄) မှာနီထိုင်ရေ မစန္ဒာချေကတော့ တပိုင်တနိုင်ဖုတ်လုပ်ရောင်းချ ပါရေ။ ကောက်ညှင်းဆန်နဲ့ အုန်းသီးရို့ကို အခြေခံပနာ ဖုတ်လုပ်ရရေ တင်းဝါးအကြောင်းကို သူက အခုပိုင် ပြောပြပါရေ။
“အရင်ဆုံး တင်းဝါးပိုင်းပါရေ။ ကိုယ်ယူဖို့အတိုင်းအတာထိ ကြည့်ပြီးကေ ပိုင်းရေ။ လက်တစ်သစ်လောက်ပေါ့။ ပြီးကေအုန်း သီးတော်ရရေ။ ပြီးစွာနဲ့ (ကောက်ညှင်း)ဆန်နဲ့ အုန်းသီးနဲ့ ရောလို့ဆီးရေ။ ဆန်းကိုလှမ်းထားရေ။ ဆန့်သွေ့စွာနဲ့ (တင်းဝါးထဲမှာ) ဆန်ထည့် ရေ။ ဆန်ထည့်ပြီးစွာနဲ့ ညဦးအချိန်ရောက်ကေ ရီတိုက်တေ။ ပြီးစွာနဲ့ အဝတ်စချုပ်ထားရေ။ မိုးလင်းအရုဏ်ရောက်ကေ အုန်းဆို့ဆို့ရေ။ ပြီး ကေဖုတ်တေ။”
တင်းဝါးကို သူရို့က ညဦးကနေ အဆင်သင့် ဖုတ်လုပ်လို့ရအောင် စီစဉ်ထားလိုက်ပနာ မိုးထအရုဏ်ရောက်စွာနဲ့ ထပြီး ဖုတ်လုပ်ကတ်ပါ ဗျာလ်။ ဖုတ်လုပ်လို့ ပြီးပြီးချင်း သင်္ဘောမထွက်ခင် ဆိပ်ကမ်းကို အပြီးအလွှားလားရောက်ပြီးကေ သင်္ဘောမထွက်ခင် မိုးထပိုင်း ၈ နာရီ လောက်ထိ ရောင်းချကတ်ပါရေ။ သင်္ဘောထွက်လားပြီးခါ အိမ်ကိုပြန်ဝင်ပနာ ထမင်း၊ ဟင်းချက်ပြုတ်ကတ်ပြီး စားသောက်လို့ပြီးကေ လက်ကျန်တိကို စက်လှေဆိပ်ကမ်းတိနဲ့ မြို့ရဲ့လူစည်ကားရေနရာတိမှာ လားရောင်းကတ်ပါရေ။
“၆ နာရီဆိုကေ ရောင်းဖို့ထွက်ကတ်တေ။ ၇ နာရီကျော်၊ ၈ နာရီလောက်ဆိုကေ ရောင်းလို့ပြီးယာ။ ယင်းမှာရောင်းလို့ မကုန်လိုက်ကေ ဘုတ်ဆိပ်တိမှာ လားရောင်းရေ။ တင်းဝါးက ရမ်းဗြဲကထွက်တေ။ လားဝယ်ရေလူတိရှိရေ။ သူရို ့ပါးကတစ်ဆင့်ဝယ်ရေ။ (တွက်ခြေ) ကိုက်တေလို့ မဟုတ်ယာယေ။ တစ်ရက်ကို ၄၊ ၅၊ ၈ ထောင်လောက်တော့ကေ ထွက်တေ။ တင်းဝါးအစည်းတစ်စည်းစီ ၅၀။ အရှည် ၅၀ ဆိုကေ တစ်လုံးကို ငါးပိုင်းရစွာတိပိုင်းရရေ။ ၄ ပိုင်းရစွာရရေ။ ၁၀၀ ကို ၂၅ဝဝပေါ့။ (အိမ်ဆောက်တာမှာသုံးတဲ့ဝါး) ယင်းချင့် မှာက အကာမပါ။ ယင်းချင့်က အဆစ်တိုရေ။ (တင်းဝါး) ဒေဝါးတိဆိုကေ ကိုယ်လိုချင်သလောက်ကို ဆွဲလို့ရရေ။ တစ်လောင်ပိုင်းလေ့ရ ရေ။ တစ်ထောင့်တစ်ထွာပိုင်းကေလေ့ရရေ။ အိမ်ဆောက်တေဝါးနဲ့ဆိုကေ မရ။ လုပ်ကေလေ့ စားမကောင်းပါ။”
ရောင်းလို့ ကောင်းကောင်း၊ မကောင်းကောင်း အချိန်မလင့်ခင် အိမ်ကိုအယင်ပြန်လာကတ်ပြီးကေ နောက်တစ်နိအတွက် ပြန်လည်ပြင် ဆင်ကတ်ရပါရေ။ အခုပိုင် ရောင်းချကတ်ရာမှာတော့ ရောင်းအားကောင်းကေ ကောင်းသလောက် အမြတ်ရကတ်ပါရေ။ အမြတ်ရရေ ဆိုကေလေ့ တင်းဝါးစရိတ်၊ ကောက်ညှင်းဆန်စရိတ်နဲ့ အုန်းသီးစရေ အထွေထွေစရိတ်တိ ကြီးအားကြကီးလို့ လက်ရှိမှာတော့ အခက်တွိ နီကတ်ရရေလို့ ဆိုပါရေ။
“တိုင်းပြည်ရေးအခြေနေလေ့ မကောင်းခါ (ကောက်ညှင်း)ဆန်တစ်သစ်(နို့ဆီ ၄ ဗူး)ကို ၁၈၀၀၊ ၁၉၀၀ ဖြစ်နီချိန်မှာ ဝါးက ၂၂၀၀၀ ရာရှိရေ။ အခုဆန်စျီးကျကေ ဆန်တစ်သစ်ကို ၁၀၀၀ နဲ့ရခါ ဝါးစျီးတက်လားပြန်ယာ။ ၂၅၀၀၀ ဖြစ်လားရေ။ ဇာပဲလုပ်လုပ်။ ဝါး တစ်ရာကို သုံးသောင်းနဲ့ရာ လုပ်လုပ်။ တစ်သစ်ကို ၁၈၀၀ နဲ့ပဲလုပ်လုပ် စားဖို့သောက်ဖို့တော့ ထွက်တေ။”
“စားဖို့စွာကတော့ ဖူလုံရေ။ ကျောင်းစရိတ်၊ ကန်စရိတ်တိ မဖူလုံနိုင်။ တင်းဝါးက ဆောင်းတွင်းဆိုကေ ၃၊ ၄ ရက်ကနီ တစ် ပါတ်လောက်ထိခံရေ။ နိတိုင်းတော့ ကင်ပီးထားရရေ။ တစ်ရောင်းစာဖုတ်တေ။ ဆန် ၆ သစ် (နို့ဆီဗူး ၂၄ ဗူး) ရောင်းရရေ နိရောင်းရရေ။ ငါးသစ်(နို့ဆီဗူး ၂၀ ဗူး)ရောင်းရရေနိ ရောင်းရရေ။”
ဒေကောက်ညှင်းကျည်တောက်ကို ပြုလုပ်ရာမှာတော့ ဝါးကအဓိကပါ။ ဝါးရရေရာသီမှရာလုပ်ရစွာဖြစ်လို့ပါ။
ဝါးမှာလေ့ တင်းဝါးတစ်ခုတည်းနဲ့ရာ ပြုလုပ်လို့ အဆင်ပြေစွာပါ။ တစ်ခြားဝါးတိနဲ့ အဆင်မပြေပါ။ ဒေဝါးဆိုကေလေ့ ရခိုင်ပြည်နယ်မှာဆို ကေ ရမ်းဗြဲမြို့နယ်တစ်ခုတည်းကရာ ထွက်ရှိပါရေ။ ဒေဝါးရေ ရာသီအလိုက်ရာ ထွက်စော်ဖြစ်လို့ ဝါးရာသီ ကုန်လားစွာနဲ့ ဒေလုပ်ငန်းကို ရပ်တန့်ကတ်ရပြီးကေ နောက်လုပ်ငန်းတစ်ခုကို ပြောင်းလဲလုပ်ကိုင်ကရပါဗျလ်။
“တင်းဝါးက ဝါကျွတ်လမှာပေါ်ရေ။ ဝါကျွတ်၊ တန်ဆောင်မုန်း၊ နတ်တော်၊ ပြာသို၊ တပို့တွဲ၊ တပေါင်းလလောက်ဆိုကေပွဲ ယာ။ ယင်းအချိန်ဆိုကေ မလုပ်ရယာ။ စုမိရေလို့လဲ ဇာဟုတ်ဖို့လဲ။ စားရေ။ သောက်တေ။ နည်းနည်းတော့ ဝဖြိုရေပေါ့။ တစ်နှစ်ကုန် လားကေလေ့ စုမိရေလို့ မရှိ။ တင်းဝါးရာသီကုန်ကေ ငုံးဥရောင်းရေ။ ပန်းသီးတိရောင်းရေ။ စစ်တွေကိုလားရေ ခရီးသည်တိ အများဆုံး ဝယ်ရေ။ နယ်ကလာရေ လူတိလေ့ ဝယ်ရေ။ ဒေနား(သင်္ဘောဆိပ်) မှာရောင်းကေ စစ်တွေကို လားရေလူတိဝယ်ရေ။ စက်လှေဆိပ်မှာ ဆိုကေ နယ်ကလူတိဝယ်ရေ။”
ရခိုင်ပြည်နယ်ရဲ့ တစ်ချို့ဒေသတိမှာလေ့ တင်းဝါးပြုလုပ်ကတ်ကေလေ့ ပေါက်တောမြို့က တင်းဝါးကိုရာ လူကြိုက်များစွာပါ။ ဒေပိုင်လူ ကြိုက်များ ရစွာကလည်း ဖုတ်လုပ်တေနေရာမှာ နည်းစနစ်ကျစွာ၊ ပါဝင်ပစ္စည်းတိကို ပေါင်းစပ်နှုန်း မှန်ကန်စွာတိကြောင့်လို့ ဆိုရပါဖို့။ နောက်ပြီးကေ ပေါက်တောမြို့ရေ ဆိပ်ကမ်းမြို့ တစ်ခုလေ့ဖြစ်တေအလျောက် ရီကြောင်းလမ်းကို အသုံးပြုရေ သင်္ဘောနဲ့ဘုတ်တိ ဆိပ် ကပ်ရာမြို့လေ့ဖြစ်လို့ လူဝင်လူထွက်များပါရေ။
ယင်းကြောင့်လေ့ ခရီးသည်တိက အိမ်ပြန်လက်ဆောင်အဖြစ် တင်းဝါးကို ဝယ်ယူလားလေ့ရှိစွာပါ။ သူရို ့ဖုတ်တေအခါမှာ အသုံးပြုရေ နည်းလမ်းကိုလေ့ စိတ်ရှည်ရှည်နဲ့ ဒေအတိုင်းရှင်းပြပါရေ။
“ဖုတ်ဖို့တတ်လို့ရှိပါဖို့။ တချို့မှာက မသွီးနဲ့ မဖုတ်ဘဲနဲ့ ထင်းနဲ့ထည့်လိုက်တေ။ အကျွန်ရို ့မှာ ဖုတ်လို့ပြီးကေ တင်းဝါးကို အဝတ်စကို ရီဆွတ်ပြီးကေ သုတ်ရရေ။ စစ်တွေက တင်းဝါးတိဆိုကေ မီးနဲ့ ဖုတ်ခါ မဲတူးလားရေ။ ယင်းတွက်နဲ့ရှိပါဖို့။ မဲတူးမလားအောင် လို့ မသွီးနဲ့ ဖုတ်ရရေ။ မသွီးကို မီးရဲအောင်လုပ်ထားရရေ။ မသွီးရဲလာရေ။ ပြာကျလာရေဆိုစွာနဲ့ ခင်းလိုက်တေ။ ဟိုဖက်သံလုံး၊ ဒေဖက်သံလုံးနဲ့ ခင်းလိုက်တေ။ ပြီးကေ အလယ်မှာ တင်းဝါးကိုချရေ။ ယင်းတင်းဝါး ဆူလာရေ။ အရည်ထွက်လာရေဆိုကေ ပြန်ပီးရရေ။ ယင်းပိုင်ဆိုကေ မချစ်လား။ ပြန်မပီးလိုက်ကေ ချစ်လားရေ။”
တစ်ခြားဝါးနဲ့ ဖုတ်လို့ အဆင်မပြေရေအကြောင်းကိုလေ့ သူက “ဝါးခြောက်လားလို့ မီးဖုတ်မခံ။ ဖောက်ဆပ်ကျရေ။ မီးမှာ ခုရာ ချလိုက်တေ။ ချစ်လားရေ။ အစိမ်းဆိုကေတော့တစ်ခုလေ့မဖြစ်။ အခြောက်တိဆိုကေ ဖုတ်ရစွာ အခက်ခဲရှိရေ။ ပြန်လို့လေ့ မရ။ အမြဲတမ်းပြန်ပီးနီရရေ။ အကျွန့်မှာက အားလုံးအိမ်ထောင်ကျလားယာ။ မိဘနဲ့ တစ်ယောက်တစ်ခြားနီရေ။ အမိက ထမင်းစားချိန်ကျကေ အကျွန့်အိမ်မှာလာစားရေ။ ယကေလေ့ ကိုယ့်အိမ်နဲ့ကိုယ်သီးသန့်နီရေ။ အကျွန့်မှာလေ့ သမီးချေတစ်ယောက်တော့ ရှိရေ။ ခြံတစ်ခုတည်း မှာ ၃ အိမ်ဆောက်ထားစွာ။ အေးမအိမ်တစ်အိမ်။ အမိအိမ်တစ်အိမ်။ အကျွန့်အိမ်တစ်အိမ်။”လို့ ဆိုပါရေ။
ကောက်ညှင်းတင်းဝါး တစ်ချောင်းစီရေ လက်တံတောင်ဆစ်လောက် အတိုင်းအတာရှည်လျားပါရေ။ အရင်က တစ်ထောင်ဖိုးမှာ ၆ ခု၊ ၇ ခုလောက်ထိ ရောင်းခကတ်ကေလေ့ ကုန်စျီးနှုန်းတက်လာပြီးရေ ခုနောက်ပိုင်းမှာတော့ တစ်ချောင်းစီကို ၂၅၀ ကျပ်လောက်ကနီ ၅၀၀ ကျပ်လောက်ထိ စျေးမြှင့်ရောင်းချကြရပါရေ။ ပေါက်တောမြို့ ရပ်ကွက် (၄) က ဒေါ်မဘုဆိုကေ တင်းဝါးကို ဒိုင်တိပါးက တစ်ဆင့် ဝယ်ယူရောင်းချနီစွာဖြစ်ပါရေ။ သူ့မှာတော့ မစန္ဒာချေရို့ပိုင် ကိုယ်ပိုင်လုပ်စွာ မဟုတ်လို့ အမြတ်က ကောင်းမကျန်ပါ။ တစ်ထောင် ဖိုးလောက်ရောင်းရမှ ၂၀၀ လောက်ရပါရေ။
“မမှာတော့ကေ ကိုယ်တိုင်မဖုတ်။ သူများပါးက ဝယ်ရောင်းရေ။ သူများပါးက ဝယ်ရောင်းရစွာကလေ့ ကိုယ့်မှာ တင်းဝါးဝယ်မရလို့။ သူများပါးက ဝယ်ရောင်းကေ ၁ ထောင်ဖိုးရောင်းရကေ ၂၀၀ အမြတ်စားရရေ။ ကိုယ့်မှာဖုတ်တေဆိုကေတော့ ၁ သောင်းဖိုးရောင်းရကေ ဖဲသာ ၄ ထောင်လောက် ကိုယ့်အတွက်ကျန်ရေ။”
ကောက်ညှင်းဖုတ်လုပ်ရာမှာ အဓိကအသုံးပြုရေ တင်းဝါးကို ရမ်းဗြဲမြို့ကလားဝယ်ကတ်ရစွာဖြစ်လို့ ဒိုင်ကြီးရောင်းချသူတိက လားဝယ် နိုင်ကေလေ့ တပိုင်တနိုင်လုပ်သူတိကျကေ ကိုယ်တိုင်လားရောက်မဝယ်နိုင်ပါ။ ယင်းတွက်နန့် သူရို ့က သီးခြားလာရောင်းသူတိပါးက တစ်ဆင့် ဝယ်ယူပြီးကေ လုပ်ကတ်ရစွာပါ။ ယကေလေ့ ဖုတ်လုပ်သူတိုင်းက ဝါးမရနိုင်ပါ။ ယင်းကြောင့် သူရို့က တစ်ခြားသူတိပါးက ဝယ်ယူရောင်းချကတ် ရစွာလေ့ ဖြစ်ပါရေ။
“ဒိုင်ကြီးသမားတိရှိရေ။ ဒိုင်းကြီးတိကျခါ ဝါးကိုလေ့ ကိုယ့်စွာလားဝယ်ရေ။ ကိုယ့်ဘုတ်နဲ့ ကိုယ်လားရေ။ သူများကိုလေ့ တစ်ဆင့်ခံရောင်းရေ။ သူရို့ကျခါ ဝါးကလေ့ အမြတ်ရရေ။ ဝါးဖုတ်လို့ရောင်းရေထဲကလေ့ အမြတ်ရရေ။ ၂ တန်ရရေ။ မရို ့ကကျခါ သူများပါးက ယူရောင်းစွာဖြစ်လို့ အမြတ်နည်းရေ။”
အခုပိုင်ရောင်းချရာမှာလေ့ တင်းဝါးထဲမှာမှ စိမ်းစိုနီရေ ဝါးတိနဲ့ ဖုတ်လုပ်ကေ အရသာကလေ့ ပိုကောင်းရေပိုင် လူကလေ့ပိုကြိုက်ပါရေ။ တင်းဝါးမဟုတ်တေ တစ်ခြားဝါးနဲ့ ဖုတ်ကေချစ်လားစွာ၊ ပြာကျလားစွာတိ ဖြစ်တတ်လို ့ ဂရုတ်တစိုက်ဖုတ်ဖို့လေ့ လိုအပ်ပြန်ပါရေ။ ‘
“ဝါးလှကေလှသလောက် လက်တည့်ရာ၊ လက်တည့်ရာဝယ်လားကတေ။ ဝါးလှဖို့လေ့လိုရေလေ။ အဆက်မပြတ်စားနီရေ လူတိကျခါ ကောင်းမှစားရေ။ လူ ၁၀၀ မှာ ၅၀ တောင်မက ၉၀ ရာခိုင်နှုန်းလောက်က ဝါးလှစွာကိုကြိုက်တေ။ လှကေစိမ်းနီစွာကို။ ယေနန့် ပိုစားလို့လေ့ကောင်းရေ။ အသစ်ဆိုကေလေ။ ဝါးက ရမ်းဗြဲတစ်ခုတည်းကရာထွက်တေ။ ယင်းဖက်ကို ဘုတ်နဲ့ ကားနဲ့ လားလို့ရ ရေ။ ဇာတ်ဝန်တင်ပိုင်ကားကြီးတိနဲ့လေ။ တစ်ခါတစ်လီ လမ်းပိတ်ထားကေမရ။”
ပေါက်တောမြို့ပေါ်ရပ်ကွက်သားတိရဲ့ ပြောဆိုချက်အရ သူရို့မြို့ကို အရင်ကထက် လူသူအရောက်အပေါက်နည်းပါးလာပြီးကေ စီးပွား ရေးကလေ့ အရင်ကလောက်အဆင်မပြေကတ်ယာလို့ ဆိုပါရေ။ ဒေအတွက်ကြောင့်လေ့ တိုင်းရေးပြည်ရေးအီးချမ်းပြီးကေ ကုန်စျီးနှုန်းတိကျစီ ချင်ရေလို့ ပြောကတ်ပါရေ။
“တိုင်းပြည်ကို အအီးချချမ်း ဖြစ်စီချင်ရေ။ ပြီးမှလေ့ လူလားလူလာများရေ။ လူလားလူလာများမှလေ့ ဝယ်သားလည်းများ မယ်။ ခုက လူတိလည်း အလာနည်းရေ။ အရောင်းချမကောင်း။ အရင်က စက်လှေတစ်စီးမှာဆိုကေလေ့ လူအယောက် ၄၊ ၅ ဆယ်ပါရေ။ ခုက ဘုတ်တိမှာလေ့ လူမပါယာ။ အရောင်းချ မကောင်းခါ စားဝတ်နီရေးအဆင်မပြေကတ်ယာ။”
သူက နွေရာသီရို့မှာဆိုကေ ရခဲသုတ်ရောင်းချကေလေ့ အခုကတော့ အအီးပိုင်းရာသီမှာဖြစ်လို့ ယင်းလုပ်ငန်းကိုရပ်တန့်ပနာ အခုပိုင် ကောက်ညှင်းတင်းဝါးကို ရောင်းချနီစွာပါ။ ယကလေ့ အရင်ကလောက်ရောင်းမကောင်းဘဲ စားဝတ်နေရေးအခက်ကြုံနီရရေလို့ ပြောပါရေ။
“တင်းဝါးရောင်းစွာတော့ လခွဲလောက်ရာရှိသိရေ။ နီရာသီဆိုကေ ရခဲသုတ်တိဘာတိရောင်းရေ။ ခုရခဲမရောင်းရလို့ ဒေချင့်ရောင်းနီစွာ။ တင်းဝါးကိုလေ့ ကိုယ့်စွာကိုယ်ဖုတ်လို့ ကိုယ့်စွာကိုယ်ရောင်းကေတော့အဆင်ပြေဖို့။ လူများပါးကဝယ်ရောင်း စွဖြစ်လို့။ ရခဲသုတ်ကတော့ ကိုယ့်စွာကြိတ်၊ ကိုယ့်စွာ သံပုရာရေစပ်ခါ မြတ်တေ။ ရောင်းကောင်းကေကောင်းသလောက်။ ခုက ဆောင်းတွင်းဖြစ်လို့ မရောင်းရ။” ‘
“သား၊ သမီး ၃ ယောက်မှာ တစ်ယောက်ကတော့ အလုပ်လုပ်တေ။ ၁၅ နှစ်သားချေလေ။ စျီးကြီးမှာလုပ်တေ။ ၈ တန်းကျောင်းထွက်။ အိမ်မှာက ပြီးခရေနှစ်က အချေတစ်ယောက်မွီးလိုက်ခါ အလုပ်အကိုင်ကျပ်တည်းလားရေ။ အချေနဲ့ဆိုခါ သားက ကျောင်းဖို့လည်းပျင်းလို့ ထွက်ပြီးကေ စျီးမှာလုပ်ခိုင်းလိုက်တေ။ လုပ်နီစွာက ၂ လ၊ ၃ လလောက်ပဲရှိသိရေ။ အဖကတော့ ကျောက်ခွဲရေ။ လမ်းခင်းကျောက်ပေါ့။ မက ဒေပိုင်ရောင်းရေ။ ဆန်ဖိုးမရ။ ငါး၊ ဟင်းဝယ်ဖို့ စရိတ်ပဲရရေ။ ဆန်ဖိုးကိုတော့ အိမ်ရှင်က(အမျိုးသား) ရှာပီးရေ။ နောက်ထပ် ၄ တန်းကျောင်းသားချေ တစ်ယောက်ရှိရေပေါ့။”
ယသူရို့ရေ စားဝတ်နီရေးအတွက်၊ မိသားစုအရေးအတွက် တိုက်ပွဲဝင်နီကတ်သူတိ ဖြစ်နီစီကာမူ သူရို့ရဲ့လူပ်ရှားနီရေ မြင်ကွင်းတိရာဆို လို့ရှိကေ ပေါက်တောမြို့သင်္ဘောဆိပ်ရဲ့ အလှကို ဖော်ကျူးနီပိုင်၊ သူရို့မြို့ကို လူသိများအောင်လုပ်နီပိုင်ပါဗျာလ်။
(Zawgyi Version)
ကြ်ဲကူးျမစ္ကမ္းနားက တင္းဝါးသည္တိ
ထူး၊ ႐ိုးမေရဒီယိုမဂၢဇင္း
ဇာေဒသမွာမဆုိ အစားအစာပဲျဖစ္ျဖစ္၊ ေနရာပဲျဖစ္ျဖစ္ နာမည္ႀကီးစြာ တစ္ခုေလာက္ေတာ့ေက အနည္းဆုံးရွိကတ္ေတ။ မဟုတ္ပါလား။ ကၽြဲကူးျမစ္ကမ္းေဘးမွာတည္ရွိေရ ရခိုင္ျပည္နယ္ ေပါက္ေတာၿမိဳ႕မွာဆိုေကေတာ့ တင္းဝါးက နာမည္ႀကီး႐ုံမကလို႔ ရခိုင္ေျမာက္ပိုင္းတ ခြင္မွာဆိုေက ဟိုးေလးတေက်ာ္ပါ။
ေပါက္ေတာၿမိဳ႕မွာ တင္းဝါးဖုတ္ေတ ဒိုင္အႀကီးႀကီးတိ ရွိေရပိုင္ တပိုင္တႏိုင္ဖုတ္လို႔ ေရာင္းခ်သူတိေလ့ရွိၿပီးေက တခ်ိဳ႕ကေတာ့ ဒိုင္ႀကီးတိ ပါးက တဆင့္ခံ ဝယ္ယူေရာင္းခ်ကတ္ပါေရ။ ေပါက္ေတာၿမိဳ႕ ရပ္ကြက္ (၄) မွာနီထိုင္ေရ မစႏၵာေခ်ကေတာ့ တပိုင္တႏိုင္ဖုတ္လုပ္ေရာင္းခ် ပါေရ။ ေကာက္ညွင္းဆန္နဲ႔ အုန္းသီး႐ို႕ကို အေျခခံပနာ ဖုတ္လုပ္ရေရ တင္းဝါးအေၾကာင္းကို သူက အခုပိုင္ ေျပာျပပါေရ။
“အရင္ဆုံး တင္းဝါးပိုင္းပါေရ။ ကိုယ္ယူဖို႔အတိုင္းအတာထိ ၾကည့္ၿပီးေက ပိုင္းေရ။ လက္တစ္သစ္ေလာက္ေပါ့။ ၿပီးေကအုန္း သီးေတာ္ရေရ။ ၿပီးစြာနဲ႔ (ေကာက္ညွင္း)ဆန္နဲ႔ အုန္းသီးနဲ႔ ေရာလို႔ဆီးေရ။ ဆန္းကိုလွမ္းထားေရ။ ဆန္႔ေသြ႔စြာနဲ႔ (တင္းဝါးထဲမွာ) ဆန္ထည့္ ေရ။ ဆန္ထည့္ၿပီးစြာနဲ႔ ညဦးအခ်ိန္ေရာက္ေက ရီတိုက္ေတ။ ၿပီးစြာနဲ႔ အဝတ္စခ်ဳပ္ထားေရ။ မိုးလင္းအ႐ုဏ္ေရာက္ေက အုန္းဆို႔ဆို႔ေရ။ ၿပီး ေကဖုတ္ေတ။”
တင္းဝါးကို သူ႐ို႕က ညဦးကေန အဆင္သင့္ ဖုတ္လုပ္လို႔ရေအာင္ စီစဥ္ထားလိုက္ပနာ မိုးထအ႐ုဏ္ေရာက္စြာနဲ႔ ထၿပီး ဖုတ္လုပ္ကတ္ပါ ဗ်ာလ္။ ဖုတ္လုပ္လို႔ ၿပီးၿပီးခ်င္း သေဘၤာမထြက္ခင္ ဆိပ္ကမ္းကို အျပီးအလႊားလားေရာက္ၿပီးေက သေဘၤာမထြက္ခင္ မိုးထပိုင္း ၈ နာရီ ေလာက္ထိ ေရာင္းခ်ကတ္ပါေရ။ သေဘၤာထြက္လားၿပီးခါ အိမ္ကိုျပန္ဝင္ပနာ ထမင္း၊ ဟင္းခ်က္ျပဳတ္ကတ္ၿပီး စားေသာက္လို႔ၿပီးေက လက္က်န္တိကို စက္ေလွဆိပ္ကမ္းတိနဲ႔ ၿမိဳ႕ရဲ႕လူစည္ကားေရနရာတိမွာ လားေရာင္းကတ္ပါေရ။
“၆ နာရီဆိုေက ေရာင္းဖို႔ထြက္ကတ္ေတ။ ၇ နာရီေက်ာ္၊ ၈ နာရီေလာက္ဆိုေက ေရာင္းလို႔ၿပီးယာ။ ယင္းမွာေရာင္းလို႔ မကုန္လိုက္ေက ဘုတ္ဆိပ္တိမွာ လားေရာင္းေရ။ တင္းဝါးက ရမ္းၿဗဲကထြက္ေတ။ လားဝယ္ေရလူတိရွိေရ။ သူရို ႔ပါးကတစ္ဆင့္ဝယ္ေရ။ (တြက္ေျခ) ကိုက္ေတလို႔ မဟုတ္ယာေယ။ တစ္ရက္ကို ၄၊ ၅၊ ၈ ေထာင္ေလာက္ေတာ့ေက ထြက္ေတ။ တင္းဝါးအစည္းတစ္စည္းစီ ၅၀။ အရွည္ ၅၀ ဆိုေက တစ္လုံးကို ငါးပိုင္းရစြာတိပိုင္းရေရ။ ၄ ပိုင္းရစြာရေရ။ ၁၀၀ ကို ၂၅၀၀ေပါ့။ (အိမ္ေဆာက္တာမွာသုံးတဲ့ဝါး) ယင္းခ်င့္ မွာက အကာမပါ။ ယင္းခ်င့္က အဆစ္တိုေရ။ (တင္းဝါး) ေဒဝါးတိဆိုေက ကိုယ္လုိခ်င္သေလာက္ကို ဆြဲလို႔ရေရ။ တစ္ေလာင္ပိုင္းေလ့ရ ေရ။ တစ္ေထာင့္တစ္ထြာပိုင္းေကေလ့ရေရ။ အိမ္ေဆာက္ေတဝါးနဲ႔ဆိုေက မရ။ လုပ္ေကေလ့ စားမေကာင္းပါ။”
ေရာင္းလို႔ ေကာင္းေကာင္း၊ မေကာင္းေကာင္း အခ်ိန္မလင့္ခင္ အိမ္ကိုအယင္ျပန္လာကတ္ၿပီးေက ေနာက္တစ္နိအတြက္ ျပန္လည္ျပင္ ဆင္ကတ္ရပါေရ။ အခုပိုင္ ေရာင္းခ်ကတ္ရာမွာေတာ့ ေရာင္းအားေကာင္းေက ေကာင္းသေလာက္ အျမတ္ရကတ္ပါေရ။ အျမတ္ရေရ ဆိုေကေလ့ တင္းဝါးစရိတ္၊ ေကာက္ညွင္းဆန္စရိတ္နဲ႔ အုန္းသီးစေရ အေထြေထြစရိတ္တိ ႀကီးအားႀကကီးလို႔ လက္ရွိမွာေတာ့ အခက္တိြ နီကတ္ရေရလို႔ ဆိုပါေရ။
“တိုင္းျပည္ေရးအေျခေနေလ့ မေကာင္းခါ (ေကာက္ညွင္း)ဆန္တစ္သစ္(ႏို႔ဆီ ၄ ဗူး)ကို ၁၈၀၀၊ ၁၉၀၀ ျဖစ္နီခ်ိန္မွာ ဝါးက ၂၂၀၀၀ ရာရွိေရ။ အခုဆန္စီ်းက်ေက ဆန္တစ္သစ္ကို ၁၀၀၀ နဲ႔ရခါ ဝါးစီ်းတက္လားျပန္ယာ။ ၂၅၀၀၀ ျဖစ္လားေရ။ ဇာပဲလုပ္လုပ္။ ဝါး တစ္ရာကို သုံးေသာင္းနဲ႔ရာ လုပ္လုပ္။ တစ္သစ္ကို ၁၈၀၀ နဲ႔ပဲလုပ္လုပ္ စားဖို႔ေသာက္ဖို႔ေတာ့ ထြက္ေတ။”
“စားဖို႔စြာကေတာ့ ဖူလုံေရ။ ေက်ာင္းစရိတ္၊ ကန္စရိတ္တိ မဖူလုံႏိုင္။ တင္းဝါးက ေဆာင္းတြင္းဆိုေက ၃၊ ၄ ရက္ကနီ တစ္ ပါတ္ေလာက္ထိခံေရ။ နိတိုင္းေတာ့ ကင္ပီးထားရေရ။ တစ္ေရာင္းစာဖုတ္ေတ။ ဆန္ ၆ သစ္ (ႏို႔ဆီဗူး ၂၄ ဗူး) ေရာင္းရေရ နိေရာင္းရေရ။ ငါးသစ္(ႏို႔ဆီဗူး ၂၀ ဗူး)ေရာင္းရေရနိ ေရာင္းရေရ။”
ေဒေကာက္ညွင္းက်ည္ေတာက္ကို ျပဳလုပ္ရာမွာေတာ့ ဝါးကအဓိကပါ။ ဝါးရေရရာသီမွရာလုပ္ရစြာျဖစ္လို႔ပါ။
ဝါးမွာေလ့ တင္းဝါးတစ္ခုတည္းနဲ႔ရာ ျပဳလုပ္လို႔ အဆင္ေျပစြာပါ။ တစ္ျခားဝါးတိနဲ႔ အဆင္မေျပပါ။ ေဒဝါးဆိုေကေလ့ ရခိုင္ျပည္နယ္မွာဆို ေက ရမ္းၿဗဲၿမိဳ႕နယ္တစ္ခုတည္းကရာ ထြက္ရွိပါေရ။ ေဒဝါးေရ ရာသီအလိုက္ရာ ထြက္ေစာ္ျဖစ္လို႔ ဝါးရာသီ ကုန္လားစြာနဲ႔ ေဒလုပ္ငန္းကို ရပ္တန္႔ကတ္ရၿပီးေက ေနာက္လုပ္ငန္းတစ္ခုကို ေျပာင္းလဲလုပ္ကိုင္ကရပါဗ်လ္။
“တင္းဝါးက ဝါကြ်တ္လမွာေပၚေရ။ ဝါကြ်တ္၊ တန္ေဆာင္မုန္း၊ နတ္ေတာ္၊ ျပာသို၊ တပို႔တြဲ၊ တေပါင္းလေလာက္ဆိုေကပြဲ ယာ။ ယင္းအခ်ိန္ဆိုေက မလုပ္ရယာ။ စုမိေရလို႔လဲ ဇာဟုတ္ဖို႔လဲ။ စားေရ။ ေသာက္ေတ။ နည္းနည္းေတာ့ ဝၿဖိဳေရေပါ့။ တစ္ႏွစ္ကုန္ လားေကေလ့ စုမိေရလို႔ မရွိ။ တင္းဝါးရာသီကုန္ေက ငုံးဥေရာင္းေရ။ ပန္းသီးတိေရာင္းေရ။ စစ္ေတြကိုလားေရ ခရီးသည္တိ အမ်ားဆုံး ဝယ္ေရ။ နယ္ကလာေရ လူတိေလ့ ဝယ္ေရ။ ေဒနား(သေဘၤာဆိပ္) မွာေရာင္းေက စစ္ေတြကို လားေရလူတိဝယ္ေရ။ စက္ေလွဆိပ္မွာ ဆိုေက နယ္ကလူတိဝယ္ေရ။”
ရခိုင္ျပည္နယ္ရဲ႕ တစ္ခ်ိဳ႕ေဒသတိမွာေလ့ တင္းဝါးျပဳလုပ္ကတ္ေကေလ့ ေပါက္ေတာၿမိဳ႕က တင္းဝါးကိုရာ လူႀကိဳက္မ်ားစြာပါ။ ေဒပိုင္လူ ႀကိဳက္မ်ား ရစြာကလည္း ဖုတ္လုပ္ေတေနရာမွာ နည္းစနစ္က်စြာ၊ ပါဝင္ပစၥည္းတိကို ေပါင္းစပ္ႏႈန္း မွန္ကန္စြာတိေၾကာင့္လို႔ ဆိုရပါဖို႔။ ေနာက္ၿပီးေက ေပါက္ေတာၿမိဳ႕ေရ ဆိပ္ကမ္းၿမိဳ႕ တစ္ခုေလ့ျဖစ္ေတအေလ်ာက္ ရီေၾကာင္းလမ္းကို အသုံးျပဳေရ သေဘၤာနဲ႔ဘုတ္တိ ဆိပ္ ကပ္ရာၿမိဳ႕ေလ့ျဖစ္လို႔ လူဝင္လူထြက္မ်ားပါေရ။
ယင္းေၾကာင့္ေလ့ ခရီးသည္တိက အိမ္ျပန္လက္ေဆာင္အျဖစ္ တင္းဝါးကို ဝယ္ယူလားေလ့ရွိစြာပါ။ သူ႐ို ႔ဖုတ္ေတအခါမွာ အသုံးျပဳေရ နည္းလမ္းကိုေလ့ စိတ္ရွည္ရွည္နဲ႔ ေဒအတိုင္းရွင္းျပပါေရ။
“ဖုတ္ဖို႔တတ္လို႔ရွိပါဖို႔။ တခ်ိဳ႕မွာက မသြီးနဲ႔ မဖုတ္ဘဲနဲ႔ ထင္းနဲ႔ထည့္လိုက္ေတ။ အကြ်န္႐ို ႔မွာ ဖုတ္လို႔ၿပီးေက တင္းဝါးကို အဝတ္စကို ရီဆြတ္ၿပီးေက သုတ္ရေရ။ စစ္ေတြက တင္းဝါးတိဆိုေက မီးနဲ႔ ဖုတ္ခါ မဲတူးလားေရ။ ယင္းတြက္နဲ႔ရွိပါဖို႔။ မဲတူးမလားေအာင္ လို႔ မသြီးနဲ႔ ဖုတ္ရေရ။ မသီြးကို မီးရဲေအာင္လုပ္ထားရေရ။ မသီြးရဲလာေရ။ ျပာက်လာေရဆိုစြာနဲ႔ ခင္းလိုက္ေတ။ ဟိုဖက္သံလုံး၊ ေဒဖက္သံလုံးနဲ႔ ခင္းလိုက္ေတ။ ၿပီးေက အလယ္မွာ တင္းဝါးကိုခ်ေရ။ ယင္းတင္းဝါး ဆူလာေရ။ အရည္ထြက္လာေရဆိုေက ျပန္ပီးရေရ။ ယင္းပိုင္ဆိုေက မခ်စ္လား။ ျပန္မပီးလိုက္ေက ခ်စ္လားေရ။”
တစ္ျခားဝါးနဲ႔ ဖုတ္လို႔ အဆင္မေျပေရအေၾကာင္းကိုေလ့ သူက“ဝါးေျခာက္လားလို႔ မီးဖုတ္မခံ။ ေဖာက္ဆပ္က်ေရ။ မီးမွာ ခုရာ ခ်လိုက္ေတ။ ခ်စ္လားေရ။ အစိမ္းဆိုေကေတာ့တစ္ခုေလ့မျဖစ္။ အေျခာက္တိဆိုေက ဖုတ္ရစြာ အခက္ခဲရွိေရ။ ျပန္လို႔ေလ့ မရ။ အၿမဲတမ္းျပန္ပီးနီရေရ။ အကြ်န္႔မွာက အားလုံးအိမ္ေထာင္က်လားယာ။ မိဘနဲ႔ တစ္ေယာက္တစ္ျခားနီေရ။ အမိက ထမင္းစားခ်ိန္က်ေက အကြ်န္႔အိမ္မွာလာစားေရ။ ယေကေလ့ ကိုယ့္အိမ္နဲ႔ကိုယ္သီးသန္႔နီေရ။ အကြ်န္႔မွာေလ့ သမီးေခ်တစ္ေယာက္ေတာ့ ရွိေရ။ ၿခံတစ္ခုတည္း မွာ ၃ အိမ္ေဆာက္ထားစြာ။ ေအးမအိမ္တစ္အိမ္။ အမိအိမ္တစ္အိမ္။ အကြ်န္႔အိမ္တစ္အိမ္။”လို႔ ဆိုပါေရ။
ေကာက္ညွင္းတင္းဝါး တစ္ေခ်ာင္းစီေရ လက္တံေတာင္ဆစ္ေလာက္ အတိုင္းအတာရွည္လ်ားပါေရ။ အရင္က တစ္ေထာင္ဖိုးမွာ ၆ ခု၊ ၇ ခုေလာက္ထိ ေရာင္းခကတ္ေကေလ့ ကုန္စီ်းႏႈန္းတက္လာၿပီးေရ ခုေနာက္ပိုင္းမွာေတာ့ တစ္ေခ်ာင္းစီကို ၂၅၀ က်ပ္ေလာက္ကနီ ၅၀၀ က်ပ္ေလာက္ထိ ေစ်းျမွင့္ေရာင္းခ်ၾကရပါေရ။ ေပါက္ေတာၿမိဳ႕ ရပ္ကြက္ (၄) က ေဒၚမဘုဆိုေက တင္းဝါးကို ဒိုင္တိပါးက တစ္ဆင့္ ဝယ္ယူေရာင္းခ်နီစြာျဖစ္ပါေရ။ သူ႔မွာေတာ့ မစႏၵာေခ်႐ို႕ပိုင္ ကိုယ္ပိုင္လုပ္စြာ မဟုတ္လို႔ အျမတ္က ေကာင္းမက်န္ပါ။ တစ္ေထာင္ ဖိုးေလာက္ေရာင္းရမွ ၂၀၀ ေလာက္ရပါေရ။
“မမွာေတာ့ေက ကိုယ္တိုင္မဖုတ္။ သူမ်ားပါးက ဝယ္ေရာင္းေရ။ သူမ်ားပါးက ဝယ္ေရာင္းရစြာကေလ့ ကိုယ့္မွာ တင္းဝါးဝယ္မရလို႔။ သူမ်ားပါးက ဝယ္ေရာင္းေက ၁ ေထာင္ဖိုးေရာင္းရေက ၂၀၀ အျမတ္စားရေရ။ ကိုယ့္မွာဖုတ္ေတဆိုေကေတာ့ ၁ ေသာင္းဖိုးေရာင္းရေက ဖဲသာ ၄ ေထာင္ေလာက္ ကိုယ့္အတြက္က်န္ေရ။”
ေကာက္ညွင္းဖုတ္လုပ္ရာမွာ အဓိကအသုံးျပဳေရ တင္းဝါးကို ရမ္းၿဗဲၿမိဳ႕ကလားဝယ္ကတ္ရစြာျဖစ္လို႔ ဒိုင္ႀကီးေရာင္းခ်သူတိက လားဝယ္ ႏိုင္ေကေလ့ တပိုင္တႏိုင္လုပ္သူတိက်ေက ကိုယ္တိုင္လားေရာက္မဝယ္ႏိုင္ပါ။ ယင္းတြက္နန္႔ သူ႐ို ႔က သီးျခားလာေရာင္းသူတိပါးက တစ္ဆင့္ ဝယ္ယူၿပီးေက လုပ္ကတ္ရစြာပါ။ ယေကေလ့ ဖုတ္လုပ္သူတိုင္းက ဝါးမရႏိုင္ပါ။ ယင္းေၾကာင့္ သူ႐ို႕က တစ္ျခားသူတိပါးက ဝယ္ယူေရာင္းခ်ကတ္ ရစြာေလ့ ျဖစ္ပါေရ။
“ဒိုင္ႀကီးသမားတိရွိေရ။ ဒိုင္းႀကီးတိက်ခါ ဝါးကိုေလ့ ကိုယ့္စြာလားဝယ္ေရ။ ကိုယ့္ဘုတ္နဲ႔ ကိုယ္လားေရ။ သူမ်ားကိုေလ့ တစ္ဆင့္ခံေရာင္းေရ။ သူ႐ို႕က်ခါ ဝါးကေလ့ အျမတ္ရေရ။ ဝါးဖုတ္လို႔ေရာင္းေရထဲကေလ့ အျမတ္ရေရ။ ၂ တန္ရေရ။ မ႐ို ႔ကက်ခါ သူမ်ားပါးက ယူေရာင္းစြာျဖစ္လို႔ အျမတ္နည္းေရ။”
အခုပိုင္ေရာင္းခ်ရာမွာေလ့ တင္းဝါးထဲမွာမွ စိမ္းစိုနီေရ ဝါးတိနဲ႔ ဖုတ္လုပ္ေက အရသာကေလ့ ပိုေကာင္းေရပိုင္ လူကေလ့ပိုႀကိဳက္ပါေရ။ တင္းဝါးမဟုတ္ေတ တစ္ျခားဝါးနဲ႔ ဖုတ္ေကခ်စ္လားစြာ၊ ျပာက်လားစြာတိ ျဖစ္တတ္လို ့ ဂ႐ုတ္တစိုက္ဖုတ္ဖို႔ေလ့ လိုအပ္ျပန္ပါေရ။
“ဝါးလွေကလွသေလာက္ လက္တည့္ရာ၊ လက္တည့္ရာဝယ္လားကေတ။ ဝါးလွဖို႔ေလ့လိုေရေလ။ အဆက္မျပတ္စားနီေရ လူတိက်ခါ ေကာင္းမွစားေရ။ လူ ၁၀၀ မွာ ၅၀ ေတာင္မက ၉၀ ရာခိုင္ႏႈန္းေလာက္က ဝါးလွစြာကိုႀကိဳက္ေတ။ လွေကစိမ္းနီစြာကို။ ေယနန္႔ ပိုစားလို႔ေလ့ေကာင္းေရ။ အသစ္ဆိုေကေလ။ ဝါးက ရမ္းၿဗဲတစ္ခုတည္းကရာထြက္ေတ။ ယင္းဖက္ကို ဘုတ္နဲ႔ ကားနဲ႔ လားလို႔ရ ေရ။ ဇာတ္ဝန္တင္ပိုင္ကားႀကီးတိနဲ႔ေလ။ တစ္ခါတစ္လီ လမ္းပိတ္ထားေကမရ။”
ေပါက္ေတာၿမိဳ႕ေပၚရပ္ကြက္သားတိရဲ႕ ေျပာဆိုခ်က္အရ သူ႐ို႕ၿမိဳ႕ကို အရင္ကထက္ လူသူအေရာက္အေပါက္နည္းပါးလာၿပီးေက စီးပြား ေရးကေလ့ အရင္ကေလာက္အဆင္မေျပကတ္ယာလို႔ ဆိုပါေရ။ ေဒအတြက္ေၾကာင့္ေလ့ တိုင္းေရးျပည္ေရးအီးခ်မ္းၿပီးေက ကုန္စ်ီးႏႈန္းတိက်စီ ခ်င္ေရလို႔ ေျပာကတ္ပါေရ။
“တိုင္းျပည္ကို အအီးခ်ခ်မ္း ျဖစ္စီခ်င္ေရ။ ၿပီးမွေလ့ လူလားလူလာမ်ားေရ။ လူလားလူလာမ်ားမွေလ့ ဝယ္သားလည္းမ်ား မယ္။ ခုက လူတိလည္း အလာနည္းေရ။ အေရာင္းခ်မေကာင္း။ အရင္က စက္ေလွတစ္စီးမွာဆိုေကေလ့ လူအေယာက္ ၄၊ ၅ ဆယ္ပါေရ။ ခုက ဘုတ္တိမွာေလ့ လူမပါယာ။ အေရာင္းခ် မေကာင္းခါ စားဝတ္နီေရးအဆင္မေျပကတ္ယာ။”
သူက ေႏြရာသီ႐ို႕မွာဆိုေက ရခဲသုတ္ေရာင္းခ်ေကေလ့ အခုကေတာ့ အအီးပိုင္းရာသီမွာျဖစ္လို႔ ယင္းလုပ္ငန္းကိုရပ္တန္႔ပနာ အခုပိုင္ ေကာက္ညွင္းတင္းဝါးကို ေရာင္းခ်နီစြာပါ။ ယကေလ့ အရင္ကေလာက္ေရာင္းမေကာင္းဘဲ စားဝတ္ေနေရးအခက္ႀကံဳနီရေရလို႔ ေျပာပါေရ။
“တင္းဝါးေရာင္းစြာေတာ့ လခြဲေလာက္ရာရွိသိေရ။ နီရာသီဆိုေက ရခဲသုတ္တိဘာတိေရာင္းေရ။ ခုရခဲမေရာင္းရလို႔ ေဒခ်င့္ေရာင္းနီစြာ။ တင္းဝါးကိုေလ့ ကိုယ့္စြာကိုယ္ဖုတ္လို႔ ကိုယ့္စြာကိုယ္ေရာင္းေကေတာ့အဆင္ေျပဖို႔။ လူမ်ားပါးကဝယ္ေရာင္း စြျဖစ္လို႔။ ရခဲသုတ္ကေတာ့ ကိုယ့္စြာႀကိတ္၊ ကိုယ့္စြာ သံပုရာေရစပ္ခါ ျမတ္ေတ။ ေရာင္းေကာင္းေကေကာင္းသေလာက္။ ခုက ေဆာင္းတြင္းျဖစ္လို႔ မေရာင္းရ။”
“သား၊ သမီး ၃ ေယာက္မွာ တစ္ေယာက္ကေတာ့ အလုပ္လုပ္ေတ။ ၁၅ ႏွစ္သားေခ်ေလ။ စီ်းႀကီးမွာလုပ္ေတ။ ၈ တန္းေက်ာင္းထြက္။ အိမ္မွာက ၿပီးခေရႏွစ္က အေခ်တစ္ေယာက္မီြးလိုက္ခါ အလုပ္အကိုင္က်ပ္တည္းလားေရ။ အေခ်နဲ႔ဆိုခါ သားက ေက်ာင္းဖို႔လည္းပ်င္းလို႔ ထြက္ၿပီးေက စီ်းမွာလုပ္ခိုင္းလိုက္ေတ။ လုပ္နီစြာက ၂ လ၊ ၃ လေလာက္ပဲရွိသိေရ။ အဖကေတာ့ ေက်ာက္ခြဲေရ။ လမ္းခင္းေက်ာက္ေပါ့။ မက ေဒပိုင္ေရာင္းေရ။ ဆန္ဖိုးမရ။ ငါး၊ ဟင္းဝယ္ဖို႔ စရိတ္ပဲရေရ။ ဆန္ဖိုးကိုေတာ့ အိမ္ရွင္က(အမ်ိဳးသား) ရွာပီးေရ။ ေနာက္ထပ္ ၄ တန္းေက်ာင္းသားေခ် တစ္ေယာက္ရွိေရေပါ့။”
ယသူ႐ို႕ေရ စားဝတ္နီေရးအတြက္၊ မိသားစုအေရးအတြက္ တိုက္ပြဲဝင္နီကတ္သူတိ ျဖစ္နီစီကာမူ သူ႐ို႕ရဲ႕လူပ္ရွားနီေရ ျမင္ကြင္းတိရာဆို လို႔ရွိေက ေပါက္ေတာၿမိဳ႕သေဘၤာဆိပ္ရဲ႕ အလွကို ေဖာ္က်ဴးနီပိုင္၊ သူ႐ို႕ၿမိဳ႕ကို လူသိမ်ားေအာင္လုပ္နီပိုင္ပါဗ်ာလ္။
650 total views, 1 views today