ထူး၊ ရိုးမရေဒီယိုမဂ္ဂဇင်း
“အထပ်ချေ”ဆိုစွာက ရခိုင်လိုခေါ်ရေ ဝေါ်ဟာရတစ်ခုပါ။ ဒေဝေါဟာရကို နားလည်အောင်ရှင်းပြရကေ မိုးထပိုင်းစားရေ အစားစာတစ်မျိုး လို့ ပြောရပါဖို့။ ရှရှင်းချေပြောရဖို့ဆိုကေတော့ ထမင်းတစ်မျိုးပါရာ။ ယကေလေ့ အထပ်ချေလို့ခေါ်ရေ ဒေထမင်းကိုအဝပိုင်မျိုးစားကတ်စွာ မဟုတ်ဘဲ ပိုင်စရာနေရာမှာ အစားထိုးစားသုံးကတ်စွာ ဖြစ်ပါရေ။
အထပ်ချေစားရေ ဓလေ့ကို ရခိုင်ပြည်နယ်ရဲ့ မြို့နယ်တစ်ချို့မှာတွိရပါရေ။ စစ်တွေမြို့မှာဆိုကေတော့ ဒေဓလေ့ရေ အတိုင်းတာတစ်ခုထိ ကျယ်ပြန့်ပြီးကေ လူကြိုက်လေ့များပါရေ။
ဒေမိုးထစာကို မိုးထအရုဏ် ၄၊ ၅ နာရီလောက်ကပင်စလို့ မိုးထပိုင်း ၈ နာရီ၊ ၉ နာရီဝန်းကျင်လောက်ထိ လာရောက်စားသုံးကတ်ပါရေ။ ဒေပိုင်ပဲ စားသုံးသူတိအပေါ်မူတည်ပြီးကေ ရောင်းချသူတိကလေ့ အချိန်ပီးရပါရေ။ ယကေလေ့ ပုံမှန်ရောင်းချရေ ထမင်းဆိုင်တိ ဖွင့်ရေ အချိန်၊ နေ့လည်စာစားရေအချိန်ထိတော့ မရောင်းချကတ်ပါ။
“ဆီးခန်းလာပြရေလူတိက ဆီးခန်းဖွင့်ချိန် မွန်းတည့်ဖို့ဆိုကေ နိခင်း ၃၊ ၄ နာရီလောက်မှ ဖွင့်ဖို့ဆိုကေ အထပ်ချေစားပြီး ပန်းခြံထဲမှာ ထိုင်စောင့်ကတ်သူတိလေ့ရှိပါရေ။ ယကေလေ့ အရီးက ထမင်းဆိုင်ပုံစံမျိုး မရောင်း။ အထပ်ချေကို အထပ်ချေသဘောမျိုးရာ ရောင်းရေ။”
အခုပြောပြလားရေ စစ်တွေမြို့ မင်းဂံရပ်ကွက်က အရီးဒေါ်ခင်လှနုဆိုကေ စစ်တွေမြို့လယ် ဦးဥတ္တမပန်းခြံရှိမှာ လာရောင်းစွာပါ။ ရောင်းချစွာ ၂ နှစ်ဝန်းကျင် လောက်ရာရှိသိမ့်ကေလေ့ စားသုံးသူပရိသတ် အခိုင်အမာရရှိထားဗျာလ်လေ့ ဖြစ်ပါရေ။
ဒေါ်ခင်လှနု ဆက်ပြောစွာက “မိုးထပိုင်းဆိုကေ ၁ နာရီလောက်ကနီထပနာ ထမင်းချက်၊ ဟင်းချက်ရရေ။ ငါးတိ၊ ဟင်းတိ ချက်လို့ ပြင်ဆင်ပြီးကေ မိုးထပိုင်း ၅ နာရီ၊ တစ်ခါတစ်ခါ ၅ နာရီကျော်လားရေ။ ဒေနားကိုရောက်ကေ ဆိုင်ခင်းရရေ။ ချိုင်ရည်တယ်ရရေ။ စားဖို့လူလာကေ ရောင်းဗျာလ်။ အရင်က ဆိုကေ ၃ နာရီ၊ ၄ နာရီလောက်ကပင်ရောင်းဖြစ်တေ။ အခုက ခေတ်မကောင်းလို့ ၅ နာရီ၊ ၅ နာရီကျောက်လောက်မှ ရောင်းဖြစ်တေပေါ့။”
အထပ်ချေကို များသောအားဖြင့်တော့ ဆောင်းတွင်းရာသီမှာ ရောင်းလေ့ရှိကတ်ပြီးကေ ဆောင်းရာသီမှာဆိုကေ မိုးထပိုင်းလမ်းလျှောက် တေလူတိ စားသုံးကတ်ပိုင် တစ်ခြားရာသီတိမှာတော့ စောစောစီးစီးအလုပ်လားရရေ ဝန်ထမ်းတိကလေ့ စားသုံးကတ်ပိုင် အမြဲလိုလို စားသုံးသူတိလေ့ ရှိပါရေ။
“စစောစစီးအလုပ်လားရေလူတိ၊ မိုးထပိုင်း မုန့်စားတတ်သူတိက အဆာပြေ သဘောမျိုးစားကတ်တေလေ။ မုန့်မစားဘဲနဲ့ ထမင်းစားတတ်သူတိပေါ့။ ရုံးလားကတ်တေလူတိ စစောစစီး ၆ နာရီဝင်ရရေ အလုပ်တိရှိရေ။ ယင်းလူတိ ကျောင်းဆရာ၊ ဆရာမတိ၊ အ လုပ်လားရေ အချေတိကျကေ ထမင်းချိုင့်ယူလားရေ။ တခါပြင်စားလားလူ စားလားရေ။ ယင်းပိုင်မျိုးပေါ့။”
မိုးထပိုင်းမှာရာ ရောင်းချရရေ ဒေအလုပ်ကို သူမတစ်ယောက်တည်းဆိုကေ လက်မလည်ပါ။ ယင်းကြောင့် အိမ်က အမျိုးသားအပါအဝင် သား၊ သမီးတိကလေ့ တတ်နိုင်သလောက် ဝိုင်းအုံလုပ်ပီးကတ်ရပါရေ။ ယင်းထဲမှာ ကိုသန်းမောင်လေ့ ပါဝင်ပါရေ။
ကိုသန်းမောင်က “ဝေရာဝိစ္စတိပေါ့။ စားနေရေ customer တိလေ့ အဆင်ပြေအောင် လာလုပ်ပီးနီစွာ။ ပြောရဖို့ဆိုကေ အားလုံးက ဝမ်းဆာလို့ လာကတ်စွာပါလေ။ တစ်ပြိုင်တည်း မိုးထစောစော ရောက်လာကတ်တေ မေမေကလေ့ တစ်ယောက်တည်း လက်မလည်ဆိုခါ မေမေကို အရီး ဇငါးနဲ့ ထည့်ပီးပါ။ ဇာဟင်းနဲ့ထည့်ပီးပါ။ ရှေ့က ထိုင်ပြီးကေ တောင်းနီကတ်တေ လူတိကိုလေ့ မေမေက လုပ်ပီးရရေ။ ဆိုခါ နောက်က ရပ်ပနာ နေရာလပ်လေ့ မရှိဆိုခါ အရီးဇာနဲ့ထည့်ပီးပါဆိုစွာတိကို ပီးဖို့ မရစွာလေ့ရှိရေ။ ဝမ်းဆာလို့လာကတ်တေလူတိကို စိတ်တိုလို့ ထွက်လားဖို့ဟော် စိုးရိမ်ရေ။ အားပီးဖို့လာရေလူတိကို စိတ်ချမ်းသာသာနဲ့ရာ ဖြစ်စီချင်ရေ။ ယင်းတွက်နန့် ထိုင်ခုံတိ၊ ရပူတိ၊ တို့စားတိ ပြုပြင်ရေ။ ယင်းပိုင် လုပ်ပီးရေပေါ့။ ကျနော်က အမိကိုကူညီပေးစွာပါ။”
ဒေပိုင်ရောင်းချရေအခါမှာ ဟင်းတိကို စားသုံးသူတိရဲ့ အကြိုက်လိုက်ချက်ရပြီးကေ အဓိက ဟင်းလျာတိဖြစ်တေ အမဲသား၊ ဝက်သား၊ ကြက်သား၊ ကြက်ဥနဲ့ ကလီစာတိ၊ ပုစွန်တိ၊ ပြည်ကြီးငါးတိကတော့ မပါမဖြစ်ပါ။ တစ်ခါတစ်ခါမှာလေ့ တောင်းဆိုသူတိရှိကေ ရှိပိုင် သူရို ့အကြိုက်လိုက်ချက် ပီးရစွာလေ့ ရှိပါရေ။
“ဘူးသီးတောင်၊ မောင်တောဖက်မှာဆိုကေ ကြက်သားဆိုကေ ကြက်သားတစ်မယ်။ ခုံ ၂၀ ဆိုကေ ၂၀။ လူအယောက် ၂၀၀ ဆိုကေ ၂၀၀ စာ ယပိုင်ရောင်းရေ။ အန်ရီးရို ့မှာကျကေ ၉ မယ်၊ ၁၀ မယ်ရောင်းရေ။ ပုစွန်၊ ရဂက်၊ ငါး၊ ငါးခြောက်။ အသားမှာဆိုကေ အမဲသား၊ ဝက်သားနဲ့ အမဲအူ၊ ဝက်နံကိုင်း၊ ကြက်သား၊ ကြက်ကလီစာရို ့ဆိုကေ မပါမဖြစ်။ ယင်းချင့်တိက နိတိုင်း လုပ်ပီးရရေ။ လူစားများလို့ပေါ့။ ကြက်သားဆိုကေလေ့ ဒေအတိုင်းဗျလ်။ ကြက်ဥဆိုကေ သရေစာပိုင်မျိုး ကြက်သားနဲ့စားကေလေ့ ကြက်ဥတစ်လုံးထည့်ပီးပါ။ ငါးနဲ့စားကေလေ့ ကြက်ဥတစ်လုံးထည့်ပီးပါ။ ယပိုင်မျိုးစားကတ်တေ။” လို့ အရီးဒေါ်ခင်လှနုက ပြောပါရေ။
အရံဟင်းလျာတိ အနေနဲ့လေ့ သာမာန်ထမင်းစားပွဲတိမှာပိုင် ချိုင်ရည်နဲ့ တို့စရာတိကိုလေ့ အသင့်ပြင်ထားရရေလို့ ဆိုပါရေ။ နောက်ပြီး ချိုင်ရည်မကြိုက်သူတိလေ့ ရှိစွာကြောင့် ရပူကိုလေ့ အသင့်ထားရှိရပါရေ။
ကိုသန်းမောင်က “တချို့ဆိုကေ ညပိုင်းကျန်းမာရေးအရ ထမင်းမစား။ မိုးထစစောထမင်းလာစားကတ်တေ။ တချို့က ပြောရေပေါ့။ မုန့်စားစွာ ထက်တော့သာရေ။ မုန့်လားစားဖို့ဆိုကေလေ့ ၇၀၀၊ ၈၀၀၊ ၉၀၀ ကုန်ရေလတ်။ ဒေပိုင်ပုံစံမျိုးဆိုကေ ထမင်းလာစားလိုက်ကေ အားရှိလားရေပေါ့။ နောက်ပြီးကေ ဟင်းရည်၊ တို့စရာတိနဲ့ မြိန်ရေချက်ရေ ပပူလလောင်စားရခါ စားကတ်စွာလို့ ပြောကတ်တေ။ ကျနော်ကတော့ ကိုယ်ကြိုက်လို့ ကိုယ်လာစားကတ်တေလို့ပဲ ထင်ရေ။” ပြောပါတယ်။
အထပ်ချေမှာ အားသားချက်တိအများကြီးရှိပါရေ။ ကျန်းမာရေးအရ ညဖက်တိမှာ ထမင်းမစားဖြစ်တေ သက်ကြီးပိုင်းတိကလေ့ မိုးထပိုင်းရောက်ချိန်မှာ လာစားလို့ရပိုင် လမ်းလျှောက်သူတိ၊ အလုပ်လားသူတိအတွက်လေ့ အဆင်ပြေပြီးကေ ငွေကြေးလေ့ အများကြီး မကုန်ကျပါ။
“ထမင်းဆိုင်မှာဆိုကေ ငါးတစ်တုံးကို ၁ ထောင်ဆိုကေ ၁ ထောင်။ ၁၅၀၀ ဆိုကေ ၁၅၀၀ ပေါ့။ ငါးတစ်ပွဲချပီးလိုက်ကေ ထမင်းတစ်ပွဲကို ၃၀၀ ဆိုကေ ၃၀၀ ပေါ့။ အရီးရို ့မှာက ယင်းပိုင်မဟုတ်လေ။ ထမင်းတစ်ပွဲကို ၂၀၀ ရရေ။ ထမင်းတစ်ပွဲနဲ့ ငါးတစ်တုံး ဆိုလို့ရှိကေ ဝက်သား၊ အမဲသား၊ အမဲအူရို့ဆိုကေ ၁ ထောင်။ ထမင်းတစ်ပွဲနဲ့ ငါးနဲ့ပေါ့။ ကြက်သားနဲ့ဆို ၁၂၀၀။ နိခင်းထမင်းဆိုင်မှာဆိုကေ ကြက်သား ၁ ပွဲကို ၁၅၀၀၊ ထမင်းတစ်ပွဲကို ၃၀၀ ယင်းပိုင်ရောင်းရေ။ အရီးရို ့မှာက ယင်းပိုင်မရ။ ကြက်ဥနဲ့ဆိုကေ ၅၀၀။ အခု ကြက်ဥစျီးတက်နီလို့ ၆၀၀ ရောင်းရရေ။ ယင်းပိုင်ရောင်းရစွာ။ ဟိုပိုင်ထမင်းဆိုင်ပုံစံမျိုးရောင်းလို့ မရ။ အထပ်ချေမှာ အထပ်ချေ သဘောမျိုးရောင်းရရေ။” လို့ အရီးဒေါ်လှခင်နုက ဆိုပြန်ပါရေ။
ယင်းကြောင့်လေ့ အထပ်ချေကို လူကြိုက်များရေလို့ ဆိုရပါဖို့။ နောက်ပြီးကေ အထပ်ချေကို သရေစာတစ်ခုအဖြစ်စားသုံးကတ်တေ ဆိုကေလေ့ တစ်ချို့ကလေ့ အဝစားကတ်စွာလေ့ ရှိပါရေ။ အသူရို့အတွက် ပိုပြီးကေအဆင်ပြေရေဆိုရေအကြောင်းကိုလေ့ အခုပိုင် ပြောပါရေ။
“အဝလေ့ စားခါ စားကတ်တေပေါ့။ ဥပမာ ကားမောင်းကတ်တေ။ ဟိုင်းဂျက်၊ ဆိုင်ကယ်တက္ကစီတိပေါ့။ သူရို ့ အငှားကျ လားကေ နိခင်း ၁ နာရီ၊ ၂ နာရီထိုးလားစွာတိရှိရေ။ ယင်းနိတိကျကေ နယ်ပိုင်းတိမှာဆိုကေ ထမင်းဝယ်စားဖို့ကလေ့ အချိန်လိုက်မမှီ။ ဇာစားရဖို့လေ့ မသိဖြစ်နီခါတော့ ဒေနားက တခါတည်းစားလားကတ်တေပေါ့။ အရင်တကဆိုကေ ပိုရောင်းကောင်းသိမ့်ရေ။ ဘုရားဖူး လားကတ်တေ။ ငှက်ခေါင်း၊ ဆံတော်ရှင်ရို့ကို လားကတ်ဖို့ဆိုကေ အရီးက ပိုရောင်းရရေပေါ့။ ပါဆယ်တိနဲ့ ဝယ်လားကတ်လို့လေ။ ဒံပေါက်၊ ခေါက်ဆွဲရို့ပိုင် အထပ်ချေကလေ့ ရောင်းရရေ။ ယင်းပိုင်ကားမောင်းရေ လူတိဆိုကေလေ့ အထပ်ချေကို ဝအောင်စားလား ကတ်ပြီးကေ ရောက်တေနေရာမှာ စားရရေနိစားရရေ။ မစားရရေ နိတိဆိုကေ ငတ်ကေလေ့ ငတ်ဖို့ပေါ့။ သူရို့ကလေ့ ပြောရေ။ အထပ်ချေစားလားခလို့ရာ အရီး မဟုတ်ကေ ကျနော်ရို့ ထမင်းငတ်ပါရေလတ်။”
စားသုံးသူတွေထဲမှာ လူကြီးလူငယ်၊ အမျိုးသမီး၊ အမျိုးသားမရွီး ပါဝင်ပါရေ။ ယကေလေ့ အမျိုးသားတိအများကြီး လာရောက်ကတ်စွာ ကြောင့် တချို့အမျိုးသမီးတိဆိုကေ တစ်ယောက်တည်း မလာကတ်ဘဲ အဖွဲ့လိုက်ဖြစ်ဖြစ်၊ အိမ်ထောင်ရှိတဲ့ အမျိုးသမီးတိမှာဆိုကေ အမျိုးသားနဲ့ ဖြစ်ဖြစ် လာရောက်ကတ်ပါရေ။
“အပျိုအအိုရယ်လို့မရှိပါ။ မိန်းမတိလေ့ လာစားရေ။ မိန်းမရာများလားကေ သူရို့ကို သီးသန့် တစ်ဝိုင်းပြင်ပီးရရေ။ တစ်ချို့ဆိုကေ အိမ်ရှင်မနဲ့ အိမ်ရှင်နဲ့ လာစားကတ်တေ။ ယပိုင်ဆိုကေ သူရို့ကို သီးသန့်လုပ်ပီးရေ။ အပျိုချေတိကလေ့ တစ်ခါတစ်လီ အခုပိုင် ဆောင်းတွင်းမျိုးမှာဆိုကေ လမ်းလျှောက်ရင်းနဲ့ ဝင်စားလားကတ်တေ။ မမချေတေိကလေ့ ကြိုက်ကတ်တေ။ ယကေလေ့ တစ်ခါ တစ်လီကျကေ ယောက်ျားများနီလို့လား မသိ။ သူရို့ မဝင်ခကတ်စွာရာဖြစ်ဖို့။”
အခုပိုင် အားသာချက်တိရှိပြီးကေ အာဟာရဖြစ်တေ အထပ်ချေကို စစ်တွေမြို့ပေါ်က ဒေသခံတိရာမက တစ်ခြားမြို့နယ်က ဧည့်သည်တိ ကလေ့ အချက်ကြုံကေ ကြုံရေပိုင် စားကတ်စွာလေ့ ရှိပါရေ။ တစ်ချို့လူငယ်တိဆိုကေ မိုးထစောစောကထပြီးကေ သူ့ရို့ပါးကို အလည် ရောက်နီရေ သူငယ်ချင်းတိကို အရေးတယူလုပ်ပြီးကေ အထပ်ချေလိုက်ကျွေးစွာလေ့ ရှိပါရေ။ စစ်တွေမြို့မှာနီထိုင်ရေ ပေါက်တော မြို့နယ်က ကိုကျော်တင်ဝင်းက အခုပိုင် ပြောပါရေ။
“ကျနော်ဆိုလို့ရှိကေ ပေါက်တောမြို့နယ်ကပါ။ နယ်ဖက်ဆိုခါ ဒေချင့်တိ မရှိပေါ့။ ဆိုခါ ကျနော် စစ်တွေမှာစနီတုန်းက သူငယ်ချင်းတိခေါ်လို့ လိုက်စားဖူးရေ။ နောက်ပိုင်းဆိုကေ ကျနော်က မကြာမကြာစားဖြစ်တေပေါ့။ အခုလေ့ တစ်ခြားမြို့နယ်က သူငယ်ချင်းတိအလည်လာကေ မိုးထအစောကြီး လမ်းလျှောက်လားကေဖြစ်ဖြစ်၊ သီးသန့်ဖြစ်ဖြစ် ခေါ်ကျွေးဖြစ်တေပေါ့။”
အရီးဒေါ်ခင်လှနုနဲ့ ကိုသန်းမောင်ရို့ မိသားစုတိကတော့ အခုပိုင် စားသုံးသူပရိသတ်တိ အခိုင်အမာရရှိနီဗျာလ်ဖြစ်စွာကြောင့် အခါကြီး နိတိမှာ ဆိုင်ပိတ်ရဖို့စွာကိုတောင် ပရိသတ်တိကို အားနာမိရေလို့ ဆိုပါရေ။ ဇာကြောင့်လဲဆိုကေ ပရိသတ်တိရဲ့ တောင်းဆိုမှုကြောင့်ပါ။
“Decoration ပိုင်းနဲ့ ဆင်ပြင်ပြီးကေ လုပ်ကေလေ့ လာကတ်ဖို့လို့တော့ ထင်ပါရေ။ ကျနော့်စိတ်ထဲမှာတော့ မိုးထပိုင်းသား ဆိုင်ကြီးကြီးမားမားနဲ့ အထပ်ချေသီးသန့်ရောင်းဖို့ဆိုကေလေ့ လာစားကတ်ဖို့လို့ ထင်ပါရေ။ ယကေလေ့ လူတိကတော့ နည်းနည်းရှိန်လားဖို့ပေါ့။ ဇာလို့ဆိုကေ သူရဲ့ခင်းကျင်းမှုအပိုင်းနဲ့ဖြစ်လို့လေ။ ယကေလေ့ တစ်ခါ ၂ ခါစားဖူးကေတော့ တစ်ယောက်စကား တစ်ရာနားဆိုပိုင် လာစားကတ်ဖို့။ အများအားဖြင့်တော့ အထပ်ချေဆိုစွာကို အရုဏ်ကို ဦးစားပီးလို့ ရောင်းစွာပါ။ မွန်းတည့်နဲ့ မတူပါလေ။”လို့ ကိုသန်းမောင်က ဆိုပြန်ပါရေ။
အထပ်ချေမစားဖူးသိရေ တစ်ခြားမြို့နယ်က ဧည့်သည်တိအနေနဲ့လေ့ စစ်တွေကို ရောက်ကေဖြစ်ဖြစ် မိုးထပိုင်းအစောကြီးထပြီးစားရရေ အထပ်ချေကို မြည်းစမ်းကြည့်ရင်း ဒေချစ်စရာကောင်းရေ ဓလေ့ရဲ့အရသာကို ခံစားကြည့်ကတ်ပါဦး။
(Zawgyi Version)
ထူး၊ ႐ိုးမေရဒီယိုမဂၢဇင္း
“အထပ္ေခ်”ဆိုစြာက ရခိုင္လိုေခၚေရ ေဝၚဟာရတစ္ခုပါ။ ေဒေဝါဟာရကို နားလည္ေအာင္ရွင္းျပရေက မိုးထပိုင္းစားေရ အစားစာတစ္မ်ိဳး လို႔ ေျပာရပါဖို႔။ ရွရွင္းေခ်ေျပာရဖို႔ဆိုေကေတာ့ ထမင္းတစ္မ်ိဳးပါရာ။ ယေကေလ့ အထပ္ေခ်လို႔ေခၚေရ ေဒထမင္းကိုအဝပိုင္မ်ိဳးစားကတ္စြာ မဟုတ္ဘဲ ပိုင္စရာေနရာမွာ အစားထိုးစားသုံးကတ္စြာ ျဖစ္ပါေရ။
အထပ္ေခ်စားေရ ဓေလ့ကို ရခိုင္ျပည္နယ္ရဲ႕ ၿမိဳ႕နယ္တစ္ခ်ိဳ႕မွာတြိရပါေရ။ စစ္ေတြၿမိဳ႕မွာဆိုေကေတာ့ ေဒဓေလ့ေရ အတိုင္းတာတစ္ခုထိ က်ယ္ျပန္႔ၿပီးေက လူႀကိဳက္ေလ့မ်ားပါေရ။
ေဒမိုးထစာကို မိုးထအ႐ုဏ္ ၄၊ ၅ နာရီေလာက္ကပင္စလို႔ မိုးထပိုင္း ၈ နာရီ၊ ၉ နာရီဝန္းက်င္ေလာက္ထိ လာေရာက္စားသုံးကတ္ပါေရ။ ေဒပိုင္ပဲ စားသုံးသူတိအေပၚမူတည္ၿပီးေက ေရာင္းခ်သူတိကေလ့ အခ်ိန္ပီးရပါေရ။ ယေကေလ့ ပုံမွန္ေရာင္းခ်ေရ ထမင္းဆိုင္တိ ဖြင့္ေရ အခ်ိန္၊ ေန႔လည္စာစားေရအခ်ိန္ထိေတာ့ မေရာင္းခ်ကတ္ပါ။
“ဆီးခန္းလာျပေရလူတိက ဆီးခန္းဖြင့္ခ်ိန္ မြန္းတည့္ဖို႔ဆုိေက နိခင္း ၃၊ ၄ နာရီေလာက္မွ ဖြင့္ဖို႔ဆိုေက အထပ္ေခ်စားၿပီး ပန္းၿခံထဲမွာ ထိုင္ေစာင့္ကတ္သူတိေလ့ရွိပါေရ။ ယေကေလ့ အရီးက ထမင္းဆိုင္ပုံစံမ်ိဳး မေရာင္း။ အထပ္ေခ်ကို အထပ္ေခ်သေဘာမ်ိဳးရာ ေရာင္းေရ။”
အခုေျပာျပလားေရ စစ္ေတြၿမိဳ႕ မင္းဂံရပ္ကြက္က အရီးေဒၚခင္လွႏုဆိုေက စစ္ေတြၿမိဳ႕လယ္ ဦးဥတၱမပန္းၿခံရိွမွာ လာေရာင္းစြာပါ။ ေရာင္းခ်စြာ ၂ ႏွစ္ဝန္းက်င္ ေလာက္ရာရွိသိမ့္ေကေလ့ စားသုံးသူပရိသတ္ အခိုင္အမာရရွိထားဗ်ာလ္ေလ့ ျဖစ္ပါေရ။
ေဒၚခင္လွႏု ဆက္ေျပာစြာက “မိုးထပိုင္းဆိုေက ၁ နာရီေလာက္ကနီထပနာ ထမင္းခ်က္၊ ဟင္းခ်က္ရေရ။ ငါးတိ၊ ဟင္းတိ ခ်က္လို႔ ျပင္ဆင္ၿပီးေက မိုးထပိုင္း ၅ နာရီ၊ တစ္ခါတစ္ခါ ၅ နာရီေက်ာ္လားေရ။ ေဒနားကိုေရာက္ေက ဆိုင္ခင္းရေရ။ ခ်ိဳင္ရည္တယ္ရေရ။ စားဖို႔လူလာေက ေရာင္းဗ်ာလ္။ အရင္က ဆိုေက ၃ နာရီ၊ ၄ နာရီေလာက္ကပင္ေရာင္းျဖစ္ေတ။ အခုက ေခတ္မေကာင္းလို႔ ၅ နာရီ၊ ၅ နာရီေက်ာက္ေလာက္မွ ေရာင္းျဖစ္ေတေပါ့။”
အထပ္ေခ်ကို မ်ားေသာအားျဖင့္ေတာ့ ေဆာင္းတြင္းရာသီမွာ ေရာင္းေလ့ရွိကတ္ၿပီးေက ေဆာင္းရာသီမွာဆိုေက မိုးထပိုင္းလမ္းေလွ်ာက္ ေတလူတိ စားသုံးကတ္ပိုင္ တစ္ျခားရာသီတိမွာေတာ့ ေစာေစာစီးစီးအလုပ္လားရေရ ဝန္ထမ္းတိကေလ့ စားသုံးကတ္ပိုင္ အၿမဲလိုလုိ စားသုံးသူတိေလ့ ရွိပါေရ။
“စေစာစစီးအလုပ္လားေရလူတိ၊ မိုးထပိုင္း မုန္႔စားတတ္သူတိက အဆာေျပ သေဘာမ်ိဳးစားကတ္ေတေလ။ မုန္႔မစားဘဲနဲ႔ ထမင္းစားတတ္သူတိေပါ့။ ႐ုံးလားကတ္ေတလူတိ စေစာစစီး ၆ နာရီဝင္ရေရ အလုပ္တိရွိေရ။ ယင္းလူတိ ေက်ာင္းဆရာ၊ ဆရာမတိ၊ အ လုပ္လားေရ အေခ်တိက်ေက ထမင္းခ်ိဳင့္ယူလားေရ။ တခါျပင္စားလားလူ စားလားေရ။ ယင္းပိုင္မိ်ဳးေပါ့။”
မိုးထပိုင္းမွာရာ ေရာင္းခ်ရေရ ေဒအလုပ္ကို သူမတစ္ေယာက္တည္းဆိုေက လက္မလည္ပါ။ ယင္းေၾကာင့္ အိမ္က အမ်ိဳးသားအပါအဝင္ သား၊ သမီးတိကေလ့ တတ္ႏိုင္သေလာက္ ဝိုင္းအုံလုပ္ပီးကတ္ရပါေရ။ ယင္းထဲမွာ ကိုသန္းေမာင္ေလ့ ပါဝင္ပါေရ။
ကုိသန္းေမာင္က “ေဝရာဝိစၥတိေပါ့။ စားေနေရ customer တိေလ့ အဆင္ေျပေအာင္ လာလုပ္ပီးနီစြာ။ ေျပာရဖို႔ဆိုေက အားလုံးက ဝမ္းဆာလို႔ လာကတ္စြာပါေလ။ တစ္ၿပိဳင္တည္း မိုးထေစာေစာ ေရာက္လာကတ္ေတ ေမေမကေလ့ တစ္ေယာက္တည္း လက္မလည္ဆိုခါ ေမေမကို အရီး ဇငါးနဲ႔ ထည့္ပီးပါ။ ဇာဟင္းနဲ႔ထည့္ပီးပါ။ ေရွ႕က ထိုင္ၿပီးေက ေတာင္းနီကတ္ေတ လူတိကိုေလ့ ေမေမက လုပ္ပီးရေရ။ ဆုိခါ ေနာက္က ရပ္ပနာ ေနရာလပ္ေလ့ မရွိဆိုခါ အရီးဇာနဲ႔ထည့္ပီးပါဆိုစြာတိကို ပီးဖို႔ မရစြာေလ့ရွိေရ။ ဝမ္းဆာလို႔လာကတ္ေတလူတိကို စိတ္တိုလို႔ ထြက္လားဖို႔ေဟာ္ စိုးရိမ္ေရ။ အားပီးဖို႔လာေရလူတိကို စိတ္ခ်မ္းသာသာနဲ႔ရာ ျဖစ္စီခ်င္ေရ။ ယင္းတြက္နန္႔ ထိုင္ခုံတိ၊ ရပူတိ၊ တို႔စားတိ ျပဳျပင္ေရ။ ယင္းပိုင္ လုပ္ပီးေရေပါ့။ က်ေနာ္က အမိကိုကူညီေပးစြာပါ။”
ေဒပိုင္ေရာင္းခ်ေရအခါမွာ ဟင္းတိကို စားသုံးသူတိရဲ႕ အႀကိဳက္လိုက္ခ်က္ရၿပီးေက အဓိက ဟင္းလ်ာတိျဖစ္ေတ အမဲသား၊ ဝက္သား၊ ၾကက္သား၊ ၾကက္ဥနဲ႔ ကလီစာတိ၊ ပုစြန္တိ၊ ျပည္ႀကီးငါးတိကေတာ့ မပါမျဖစ္ပါ။ တစ္ခါတစ္ခါမွာေလ့ ေတာင္းဆိုသူတိရိွေက ရွိပိုင္ သူ႐ို ႔အႀကိဳက္လိုက္ခ်က္ ပီးရစြာေလ့ ရွိပါေရ။
“ဘူးသီးေတာင္၊ ေမာင္ေတာဖက္မွာဆိုေက ၾကက္သားဆိုေက ၾကက္သားတစ္မယ္။ ခုံ ၂၀ ဆိုေက ၂၀။ လူအေယာက္ ၂၀၀ ဆိုေက ၂၀၀ စာ ယပိုင္ေရာင္းေရ။ အန္ရီး႐ို ႔မွာက်ေက ၉ မယ္၊ ၁၀ မယ္ေရာင္းေရ။ ပုစြန္၊ ရဂက္၊ ငါး၊ ငါးေျခာက္။ အသားမွာဆိုေက အမဲသား၊ ဝက္သားနဲ႔ အမဲအူ၊ ဝက္နံကိုင္း၊ ၾကက္သား၊ ၾကက္ကလီစာ႐ို ႔ဆိုေက မပါမျဖစ္။ ယင္းခ်င့္တိက နိတိုင္း လုပ္ပီးရေရ။ လူစားမ်ားလို႔ေပါ့။ ၾကက္သားဆိုေကေလ့ ေဒအတိုင္းဗ်လ္။ ၾကက္ဥဆိုေက သေရစာပိုင္မ်ိဳး ၾကက္သားနဲ႔စားေကေလ့ ၾကက္ဥတစ္လုံးထည့္ပီးပါ။ ငါးနဲ႔စားေကေလ့ ၾကက္ဥတစ္လုံးထည့္ပီးပါ။ ယပိုင္မ်ိဳးစားကတ္ေတ။” လို႔ အရီးေဒၚခင္လွႏုက ေျပာပါေရ။
အရံဟင္းလ်ာတိ အေနနဲ႔ေလ့ သာမာန္ထမင္းစားပြဲတိမွာပိုင္ ခ်ိဳင္ရည္နဲ႔ တို႔စရာတိကိုေလ့ အသင့္ျပင္ထားရေရလို႔ ဆိုပါေရ။ ေနာက္ၿပီး ခ်ဳိင္ရည္မႀကိဳက္သူတိေလ့ ရွိစြာေၾကာင့္ ရပူကိုေလ့ အသင့္ထားရွိရပါေရ။
ကိုသန္းေမာင္က “တခ်ိဳ႕ဆိုေက ညပိုင္းက်န္းမာေရးအရ ထမင္းမစား။ မိုးထစေစာထမင္းလာစားကတ္ေတ။ တခ်ိဳ႕က ေျပာေရေပါ့။ မုန္႔စားစြာ ထက္ေတာ့သာေရ။ မုန္႔လားစားဖို႔ဆိုေကေလ့ ၇၀၀၊ ၈၀၀၊ ၉၀၀ ကုန္ေရလတ္။ ေဒပိုင္ပုံစံမ်ိဳးဆိုေက ထမင္းလာစားလိုက္ေက အားရွိလားေရေပါ့။ ေနာက္ၿပီးေက ဟင္းရည္၊ တို႔စရာတိနဲ႔ ၿမိန္ေရခ်က္ေရ ပပူလေလာင္စားရခါ စားကတ္စြာလို႔ ေျပာကတ္ေတ။ က်ေနာ္ကေတာ့ ကိုယ္ႀကိဳက္လို႔ ကိုယ္လာစားကတ္ေတလို႔ပဲ ထင္ေရ။” ေျပာပါတယ္။
အထပ္ေခ်မွာ အားသားခ်က္တိအမ်ားႀကီးရွိပါေရ။ က်န္းမာေရးအရ ညဖက္တိမွာ ထမင္းမစားျဖစ္ေတ သက္ႀကီးပိုင္းတိကေလ့ မိုးထပိုင္းေရာက္ခ်ိန္မွာ လာစားလို႔ရပိုင္ လမ္းေလွ်ာက္သူတိ၊ အလုပ္လားသူတိအတြက္ေလ့ အဆင္ေျပၿပီးေက ေငြေၾကးေလ့ အမ်ားႀကီး မကုန္က်ပါ။
“ထမင္းဆိုင္မွာဆိုေက ငါးတစ္တုံးကို ၁ ေထာင္ဆိုေက ၁ ေထာင္။ ၁၅၀၀ ဆိုေက ၁၅၀၀ ေပါ့။ ငါးတစ္ပြဲခ်ပီးလိုက္ေက ထမင္းတစ္ပြဲကို ၃၀၀ ဆိုေက ၃၀၀ ေပါ့။ အရီး႐ို ႔မွာက ယင္းပိုင္မဟုတ္ေလ။ ထမင္းတစ္ပြဲကို ၂၀၀ ရေရ။ ထမင္းတစ္ပြဲနဲ႔ ငါးတစ္တုံး ဆိုလို႔ရွိေက ဝက္သား၊ အမဲသား၊ အမဲအူ႐ို႕ဆိုေက ၁ ေထာင္။ ထမင္းတစ္ပြဲနဲ႔ ငါးနဲ႔ေပါ့။ ၾကက္သားနဲ႔ဆို ၁၂၀၀။ နိခင္းထမင္းဆိုင္မွာဆိုေက ၾကက္သား ၁ ပြဲကို ၁၅၀၀၊ ထမင္းတစ္ပြဲကို ၃၀၀ ယင္းပိုင္ေရာင္းေရ။ အရီး႐ို ႔မွာက ယင္းပိုင္မရ။ ၾကက္ဥနဲ႔ဆိုေက ၅၀၀။ အခု ၾကက္ဥစီ်းတက္နီလို႔ ၆၀၀ ေရာင္းရေရ။ ယင္းပိုင္ေရာင္းရစြာ။ ဟိုပိုင္ထမင္းဆိုင္ပုံစံမ်ိဳးေရာင္းလို႔ မရ။ အထပ္ေခ်မွာ အထပ္ေခ် သေဘာမ်ိဳးေရာင္းရေရ။” လို႔ အရီးေဒၚလွခင္ႏုက ဆိုျပန္ပါေရ။
ယင္းေၾကာင့္ေလ့ အထပ္ေခ်ကို လူႀကိဳက္မ်ားေရလို႔ ဆိုရပါဖို႔။ ေနာက္ၿပီးေက အထပ္ေခ်ကို သေရစာတစ္ခုအျဖစ္စားသုံးကတ္ေတ ဆိုေကေလ့ တစ္ခ်ိဳ႕ကေလ့ အဝစားကတ္စြာေလ့ ရွိပါေရ။ အသူ႐ို႕အတြက္ ပိုၿပီးေကအဆင္ေျပေရဆိုေရအေၾကာင္းကိုေလ့ အခုပိုင္ ေျပာပါေရ။
“အဝေလ့ စားခါ စားကတ္ေတေပါ့။ ဥပမာ ကားေမာင္းကတ္ေတ။ ဟိုင္းဂ်က္၊ ဆိုင္ကယ္တကၠစီတိေပါ့။ သူ႐ို ႔ အငွားက် လားေက နိခင္း ၁ နာရီ၊ ၂ နာရီထိုးလားစြာတိရွိေရ။ ယင္းနိတိက်ေက နယ္ပိုင္းတိမွာဆိုေက ထမင္းဝယ္စားဖို႔ကေလ့ အခ်ိန္လိုက္မမွီ။ ဇာစားရဖို႔ေလ့ မသိျဖစ္နီခါေတာ့ ေဒနားက တခါတည္းစားလားကတ္ေတေပါ့။ အရင္တကဆုိေက ပိုေရာင္းေကာင္းသိမ့္ေရ။ ဘုရားဖူး လားကတ္ေတ။ ငွက္ေခါင္း၊ ဆံေတာ္ရွင္႐ို႕ကို လားကတ္ဖို႔ဆိုေက အရီးက ပိုေရာင္းရေရေပါ့။ ပါဆယ္တိနဲ႔ ဝယ္လားကတ္လို႔ေလ။ ဒံေပါက္၊ ေခါက္ဆြဲ႐ို႕ပိုင္ အထပ္ေခ်ကေလ့ ေရာင္းရေရ။ ယင္းပိုင္ကားေမာင္းေရ လူတိဆိုေကေလ့ အထပ္ေခ်ကို ဝေအာင္စားလား ကတ္ၿပီးေက ေရာက္ေတေနရာမွာ စားရေရနိစားရေရ။ မစားရေရ နိတိဆိုေက ငတ္ေကေလ့ ငတ္ဖို႔ေပါ့။ သူ႐ို႕ကေလ့ ေျပာေရ။ အထပ္ေခ်စားလားခလို႔ရာ အရီး မဟုတ္ေက က်ေနာ္႐ို႕ ထမင္းငတ္ပါေရလတ္။”
စားသုံးသူေတြထဲမွာ လူႀကီးလူငယ္၊ အမ်ိဳးသမီး၊ အမ်ိဳးသားမရီြး ပါဝင္ပါေရ။ ယေကေလ့ အမ်ိဳးသားတိအမ်ားႀကီး လာေရာက္ကတ္စြာ ေၾကာင့္ တခ်ိဳ႕အမ်ိဳးသမီးတိဆိုေက တစ္ေယာက္တည္း မလာကတ္ဘဲ အဖြဲ႔လိုက္ျဖစ္ျဖစ္၊ အိမ္ေထာင္ရွိတဲ့ အမ်ိဳးသမီးတိမွာဆိုေက အမ်ိဳးသားနဲ႔ ျဖစ္ျဖစ္ လာေရာက္ကတ္ပါေရ။
“အပ်ိဳအအိုရယ္လို႔မရွိပါ။ မိန္းမတိေလ့ လာစားေရ။ မိန္းမရာမ်ားလားေက သူ႐ို႕ကို သီးသန္႔ တစ္ဝိုင္းျပင္ပီးရေရ။ တစ္ခ်ိဳ႕ဆိုေက အိမ္ရွင္မနဲ႔ အိမ္ရွင္နဲ႔ လာစားကတ္ေတ။ ယပိုင္ဆိုေက သူ႐ို႕ကို သီးသန္႔လုပ္ပီးေရ။ အပ်ိဳေခ်တိကေလ့ တစ္ခါတစ္လီ အခုပိုင္ ေဆာင္းတြင္းမ်ိဳးမွာဆိုေက လမ္းေလွ်ာက္ရင္းနဲ႔ ဝင္စားလားကတ္ေတ။ မမေခ်ေတိကေလ့ ႀကိဳက္ကတ္ေတ။ ယေကေလ့ တစ္ခါ တစ္လီက်ေက ေယာက္်ားမ်ားနီလို႔လား မသိ။ သူ႐ို႕ မဝင္ခကတ္စြာရာျဖစ္ဖို႔။”
အခုပိုင္ အားသာခ်က္တိရွိၿပီးေက အာဟာရျဖစ္ေတ အထပ္ေခ်ကို စစ္ေတြၿမိဳ႕ေပၚက ေဒသခံတိရာမက တစ္ျခားၿမိဳ႕နယ္က ဧည့္သည္တိ ကေလ့ အခ်က္ႀကံဳေက ႀကံဳေရပိုင္ စားကတ္စြာေလ့ ရွိပါေရ။ တစ္ခ်ိဳ႕လူငယ္တိဆိုေက မိုးထေစာေစာကထၿပီးေက သူ႔႐ို႕ပါးကို အလည္ ေရာက္နီေရ သူငယ္ခ်င္းတိကို အေရးတယူလုပ္ၿပီးေက အထပ္ေခ်လိုက္ေကြ်းစြာေလ့ ရွိပါေရ။ စစ္ေတြၿမိဳ႕မွာနီထိုင္ေရ ေပါက္ေတာ ၿမိဳ႕နယ္က ကိုေက်ာ္တင္ဝင္းက အခုပိုင္ ေျပာပါေရ။
“က်ေနာ္ဆုိလို႔ရွိေက ေပါက္ေတာၿမိဳ႕နယ္ကပါ။ နယ္ဖက္ဆိုခါ ေဒခ်င့္တိ မရွိေပါ့။ ဆိုခါ က်ေနာ္ စစ္ေတြမွာစနီတုန္းက သူငယ္ခ်င္းတိေခၚလို႔ လိုက္စားဖူးေရ။ ေနာက္ပိုင္းဆိုေက က်ေနာ္က မၾကာမၾကာစားျဖစ္ေတေပါ့။ အခုေလ့ တစ္ျခားၿမိဳ႕နယ္က သူငယ္ခ်င္းတိအလည္လာေက မိုးထအေစာႀကီး လမ္းေလွ်ာက္လားေကျဖစ္ျဖစ္၊ သီးသန္႔ျဖစ္ျဖစ္ ေခၚေကြ်းျဖစ္ေတေပါ့။”
အရီးေဒၚခင္လွႏုနဲ႔ ကိုသန္းေမာင္႐ို႕ မိသားစုတိကေတာ့ အခုပိုင္ စားသုံးသူပရိသတ္တိ အခိုင္အမာရရွိနီဗ်ာလ္ျဖစ္စြာေၾကာင့္ အခါႀကီး နိတိမွာ ဆိုင္ပိတ္ရဖို႔စြာကိုေတာင္ ပရိသတ္တိကို အားနာမိေရလို႔ ဆိုပါေရ။ ဇာေၾကာင့္လဲဆိုေက ပရိသတ္တိရဲ႕ ေတာင္းဆိုမႈေၾကာင့္ပါ။
“Decoration ပိုင္းနဲ႔ ဆင္ျပင္ၿပီးေက လုပ္ေကေလ့ လာကတ္ဖုိ႔လို႔ေတာ့ ထင္ပါေရ။ က်ေနာ့္စိတ္ထဲမွာေတာ့ မိုးထပိုင္းသား ဆိုင္ႀကီးႀကီးမားမားနဲ႔ အထပ္ေခ်သီးသန္႔ေရာင္းဖို႔ဆိုေကေလ့ လာစားကတ္ဖို႔လို႔ ထင္ပါေရ။ ယေကေလ့ လူတိကေတာ့ နည္းနည္းရွိန္လားဖို႔ေပါ့။ ဇာလို႔ဆိုေက သူရဲ႕ခင္းက်င္းမႈအပိုင္းနဲ႔ျဖစ္လို႔ေလ။ ယေကေလ့ တစ္ခါ ၂ ခါစားဖူးေကေတာ့ တစ္ေယာက္စကား တစ္ရာနားဆိုပိုင္ လာစားကတ္ဖိ႔ု။ အမ်ားအားျဖင့္ေတာ့ အထပ္ေခ်ဆိုစြာကို အ႐ုဏ္ကို ဦးစားပီးလို႔ ေရာင္းစြာပါ။ မြန္းတည့္နဲ႔ မတူပါေလ။”လို႔ ကိုသန္းေမာင္က ဆိုျပန္ပါေရ။
အထပ္ေခ်မစားဖူးသိေရ တစ္ျခားၿမိဳ႕နယ္က ဧည့္သည္တိအေနနဲ႔ေလ့ စစ္ေတြကို ေရာက္ေကျဖစ္ျဖစ္ မိုးထပိုင္းအေစာႀကီးထၿပီးစားရေရ အထပ္ေခ်ကို ျမည္းစမ္းၾကည့္ရင္း ေဒခ်စ္စရာေကာင္းေရ ဓေလ့ရဲ႕အရသာကို ခံစားၾကည့္ကတ္ပါဦး။
566 total views, 2 views today