Arakan Yoma|
လာဖို့ ၂၀၂၀ အစောပိုင်း ဇန်နဝါရီလ ၄ ရက်နိက စတင်ပနာ ဦး (ဗိုလ်ချုပ်) အောင်ဆန်း ရုပ်ပုံပါ ဖေ့သာစက္ကူ တစ်ထောင် (၁၀၀၀) တန်ကို မြန်မာနိုင်ငံ ဗဟိုဘဏ်က ထုတ်ဝီအသုံးပြုလားဖို့ဘျာလ်ဖြစ်ပါရေ။
ယကေလေ့ လက်ရှိအသုံးပြုနီရေ ဖေ့သာ (၁၀၀၀) ကျပ်တန်ကိုလေ့ မပိတ်သိမ်းဘဲ ဆက်ပနာ အသုံးပြုခွင့်ပီးဖို့ဖြစ်ကြောင်း ပြန်ကြားရေး ဝန်ကြီးဌာန၏ ဒီဇင်လာလ ၂၀ ရက်နိက ထုတ်ပြန်ကြေညာချက်အရ သိရပါရေ။
အလျား ၁၅၀ မီလီမီတာ၊ အနံ ၇၀ မီလီမီတာ အရွယ်အစားပြုလုပ်ထားရေ ယင်းအသစ်ထုတ်ဝီအသုံးပြုဖို့ ငွေကျပ်တစ်ထောင်တန်၏ ရှေ့မျက်နှာအလယ်တည့်တည်မှာ ဦးအောင်ဆန်း၏ ပုံရိုက်နှိပ်ထားပြီးကေ ကျောဖက်မှာ လွှတ်တော်ပုံပါရှိပါရေ။
ယင်းအပြင် ငွေစက္ကူ ရှေ့နှင့်ကျောမျက်နှာ နှစ်ဖက်စလုံးမှာ အပြာရောင်၊ မီးခိုးရောင်၊ အဖြူရောင်၊ ပန်းရောင်၊ အနီရောင် စသဖြင့် အရောင် ၆ ရောင်လောက်သုံးစွဲထားပြီး အထက်ပိုင်းမှာ မြန်မာနိုင်ငံတော် ဗဟိုဘဏ်လို့လည်းကောင်း၊ ထောင့်သုံးထောင့်မှာလေ့ လက်ရှိအသုံးပြုနီရေ ငွေစက္ကူတိမှာပိုင် ယင်း၏တန်ဖိုးကိုလည်းကောင်း အင်္ဂလိပ်၊ မြန်မာနှစ်ဘာသာနဲ့ ဖော်ပြထားစွာကို တွိရှိရပါရေ။
ယင်းနည်းတူ ငွေသားတန်ဖိုးကို ဂဏန်းနဲ့ မဟုတ်ဘဲ စာသားနဲ့ရီးသားထားသိမ့်ရေပိုင် ငွေရောင်ကြိုးချေနဲ့ ပြုလုပ်ထားရေ လျို့ဝှက်ဂ ဏန်းတိနန့် ငွေတစ်ရွက်စီ၏ အစဉ်လိုက်ဂဏန်းတိလေ့ မြန်မာ၊ အင်္ဂလိပ်နှစ်သာနန့် ရီးထိုးထားပြန်ပါရေ။
ယင်းအပြင် မြန်မာနိုင်ငံတော်ဗဟိုဘဏ်အနေနန့် ၎င်း၏ ရုပ်ပုံပါ ငွေသားစက္ကူတိ အများကြီး ဆက်လက်ထုတ် ဝီသုံးစွဲဖို့ ကြိုးပမ်းနီကြောင်း ထုတ်ပြန်ပြောဆိုထားပါသိမ့်ရေ။
512 total views, 1 views today