အီဟော် လော်ရင်ကူလပ် ရိုးမရေဒီယို သတင်းထောက် “ဒါထူး” ဘာရာစ်ဂျီး ထူယစ်တယ်။
ဗမား ဒါတ်တင် နော့စ် ပြည်နယ် လို တိုင်း ဘီဂျီ ရာစ် သပိတ်မှောက် ဂူရိ အီကုလ်နော် ဥဒီဂျောင်းတယ် သော မောက်ဂေါ ဒါတ်တင် နော့စ် အီကုလ် ဥဒါဝန်းတယ် စစ်အာဏာရှင် ရစ် ဘောလ်ဒီအာဆောင် ဘီလီ ဘဘီဂျောင်။ ဘာဘီဂျောင်တယ် ဒေါ်ဝါး ရစ် စစ်အာဏာရှင် ရစ် ဘောလ် နော်ဒီဂျောင်တယ် ဆန့်ရစ်ဒေ ဂိုက်ဂျောင်တယ် ယာအက်ကမ်တယ် မောက်ဂေါ မာနု ကျုံဒေဂါးလက်။
မောက်ဂေါ ဒါတ် အီကုလ် အက်ကာ သော ဘောဆောလ် ဒိန်ဂိုက် အာဆောင်တယ် ”တရားမျှတ၊လွတ်လပ်ခြင်း” ကော်ဂျပ် ဗမား ဂါဏာ သော မောက်ဂေါ ဂါဏာ ဂါးဂျောင်တယ်။ သီ ဂါဏာ ဝန်းရစ် ရခိုင့်တပ်တော် AA တုံး ဂူရိ ထူယစ်တယ်။
ဘိန်းညား အီကုလ် ခေါင်းလောင်း ဘိုက် ဂျာဝန်းလို့စ် ရခိုင်အလံတော် လပ် မောက်ဂေါ ကော်ဒါး လို ဂါဏာ ဂင်းတယ်။ “တော်ဝင်မြီကိုအောင်လံထူလို” ကူညင် အာရက္ခနိုင်ငံတော် ဂါဏာ ရစ် အီကုလ် ပေါ်ဝိုင်း အုံး လို မာကြော်ရုံ ယော ဒင်အက်တင် ရစ် ဘင်ငတ်တိဘုတ် ဂေါ်တူလီ ဂါဏာ ဂင်းတယ်။
အာမိတယ် အာရက္ခနိုင်ငံ ဂါဏာ ဂင်းတယ်။ အာမိတယ် ဒင် အက်ရစ်ဘင် ငတ်တိဘုတ် ဂေါ်တူလီဂါ ဒါတ်တ် ဆာမ်တီ အော ဘီလီ မော်ထောဂျပ် အာရက္ခနိုင်ငံတော် လိုက် ဂိုက်ဂျောင်တယ်။ အာမိတယ် ဂါဂါဂူရိ ထူယီတယ်။ ရုံးငေါ်တုံး ကုစ်ထူယစ်တယ် နော့စ်။ ဂါမော် လို ဂိုက်ဂူရိတယ် ဘီလီလုံခြုံရေး ဇူဒီနင် ကွနော် အာယစ်တယ် ကျောက်တော် ဆောလ်ရော တုံး မာကြော် အက်စောင် ကူဒေဂါးလော။
ရခိုင်တပ်တော် အွင်လိုင်း လူမှုကွန်ယက် သော တူလီ အီ ဂါဏာ ဂိုက်ညင် ဖေ့စ်ဘုတ် သော တူလီလက်တယ်။ သီပီဂျပ် ဂါဏာ ဝန် မောက်ဂေါ မာနု ဘီဂျီရစ် တယ်လီဖုန်း သော ရဂိုက်ထူညင်ဂါလပ် ယော အစိုးရပညာရေး အီကုလ် သော အာဏာ လုစ် ဘာဒယ် ပီဂျပ်အီဘော ဆောလ်ရော ဂါဂျောင်တယ် ဆန့်ေဒဂါးဇာတ်။
အလယ်တန်း မာကြော် ဘီရီ အက်စောင်တယ် မောက်ဂေါ အီကုလ် ပေါ်ဝိုင်းရစ်ဇာတ် ဒေါ်ရစ်ချုပ်ကူရီယာ အောဖင့် ဂူရိဂျပ် ဘီလီကူလော။ အာမားပေါ်ဝိုင်း အုံး ရစ် ဂါဇာတ်၊ ဂါ မာနု ရစ် ချုပ်ကူရီယာ အေဖင့် ဂါရာ ဇာလို ထာစ်ပါရစ်ဖင့်။ အီကုလ် ခူလာ လို ရခိုင့်တပ်တော်အလံ မူဇောင်းငတ်တိရစ် ချောက် ဥညင် ကော်ဂျပ် ဇောရော ရာသီ ဥလပ် အီကုလ် လေ် ဘီဂျီ ရစ်ကော်ဂျပ်။
အီနားဇော ဒါးဝါး ဂါဏာ ဂိုက် ဂျပ်ဆန့် ဖာရာ အီကုလ် လော် တုံး ဆောလ်ရော အီကုလ် အက်ကာသောယော ဂူရိ ထားညင့် အီကုလ်လော်နင် ယော မာကြော်ရော် နင် ယောလီဂီနော် ထူယီဆန့်တယ်လုံခြုံရေး ဇူဒီ ဘီလီ ကူထူယစ်။ (2015) ဘော ဆောလ်ရော ရွေးကောက် ပို့လ် သော ဒေါ်အောင်ဆန်းစုကြည် ဒေါ်ဝါး NLD ဇီနီ လော်တယ် လောက်ကပ်မဲ ဘီချီး ပါယစ်တယ် ရခိုင်အမျိုးသားပါတီ ရစ် နော်ဆာညင် ဒါစကာ ရှင်း နော်ဂူရိ နင့် ပြည်ထောင်စုစနစ် လို သပ်အုပ်ချုပ် ဂူယစ်တယ်။
သီပီဂျပ် ICJ မာန့် လူမိ အာညင့် အနောက်ဖက် နယ်စပ်ဒေသ ဘူးသီးတောင် ၊ မောင်တော မာမာလာ ဥအာနင့် NLD အစိုးရ တယ် ဒေသခံ မာနု ဂျော မော်န်နိရော ယော ကာဒီူယစ်တယ်။
ရခိုင့်ဘုရင့်နိုင်ငံတော် အချုပ်အခြာအာဏာ ကျဆုံးခြင်း ဒိန် ဂေါ်ရား နော်ဒီနင် မြောက်ဦး မာနုအက် ဒေါ်ဝါး ရစ် ဘောင်ဒူမာရီ ဘာဒယ် ရခိုင့်နိုင်ငံရေး ခေါင်းဆောင် ဒေါက်တာအေးမောင် လို့စ်စာရေးဆရာ ဝေဟင်အောင် ရစ် ဒူရီ ဇေအောလ် ဖဲလီ လက်တယ်။
ရခိုင်မြောက်ပိုင်း သော AA လို တပ်မတော် အုံး ဘောင်ဒူလာရိုက် ပဋီပက္ခ ဥညင် မာနု ကျုံ ရစ်ဒူရီဇေအောလ် ဖဲလီ လက်တယ်။ ဖာရာ ဘီဂျီရစ် လာရိုက် ဥညင် မောက်ကာနိ တပ်မတော် ရစ်ယော NLD အစိုးရ ရစ် ယော ဘောလ်နော်ဒယ်။ သီဇူဒီ ရခိုင်မြောက်ပိုင်း ငေါ့ ဒေသခံ ဒေါ်ဝါး ဂေလ်တယ် ဘောင်ဒူလာရိုက် ဝါ ကာလ သော တပ်မတော် လို အစိုးရ ရစ် ဆားနော် အားညင့် ရခိုင်အလံ ဘာဇာလ် ယောရစ်၊ ကူလာဘိုက်ဂျာ ဂါဇာတ်တွားရစ် ဥဗူးရစ် တူလာစ်တယ် ရခိုင်တပ်တော် AA ရစ် သပ် မော်ထုစ် အာဂျီးလက်တယ်။ အာရက္ခနိုင်ငံတော် ဂါဏာ ရစ် အီကုလ်လော်ဂါးဂျောင်းတယ် ဂေလ်တယ် ဘော ဆောလ် အက်ဘက်တူဒီ ဂူရိဂျောင်းတယ်။
မြတန်းဆောင်းဖောင်းဒေးရှင်း၊ ပညာရေး အီကုလ် ဘာဏီ လော်တယ် မြတန်းဆောင်း ဆရာတော် ဝါး တယ် ယင်ကူလပ် မောက်ဂေါ နိုင်ငံရေး ဂေါင်ဥအာယစ်တယ် လက္ခဏာ အက်ကမ် ဘီလီ ဒီဂီတယ်။ ကိုယ်တော် တယ်အီဒူလာ ဝါအာယစ်တယ် ဒေရီဥလပ်ယော မူဇောင်းငတ်တိ ဇာငင်ဒေးဂါးဂ်ျ ဘီလီ ကူပါရစ်။ ဂါပီဂျပ်တိ အာယစ်တယ် လိုက် မော်ဆာမ်တီအော့၊ မော်ဆာမ်တီဝါးရစ် ဆားလပ် မောက်ကူလပ် မောက်ဝါး ပူရီဘော်။ မောက်တယ် အာ မာနု ဇာတ် ဒူလာနော့စ်။မောက် ကူလပ် ဂါကာရိုက်တာ၊ လက္ခဏာ လို ထာစ်ဇာနပ်။ ကင်ဂေါ်ရား၊ ဘာဘောင်၊ မာမာလာကာဒါ သော ဗျာကုံ မေက်ဂေါ မာနု ဇာတ် လိုက် ဂေါ်ရစ်တယ်။ အီနား ပညာရေး သော ယောမောက်ဂေါ ပုံစံ ဒူလာဇာတယ် လိုက် မော်ဆာမ်တီအော။ မောက်ဂေါ လိုက် နိုင်ငံရေး သော ဥဗူးရစ်ဥဒတ် လက္ခဏာ ဘီလီ ကုစ်ပါရစ်။
ပညာရေး မာနု မာကြော်၊ မာကြော် ဘီရီ အုံး ယော ဂါ အေဂေနာ ဇူးဒီ လုံခြုံရေး လိုက် ဘာဘီနင်ကင်ဂေါ်ရား ပူရီဘော် ဘီလီကူထူယစ်။ မြောက်ဦး ဆောလ်ရော ဖာရာ သော ပူရီအာသပ်တယ်အထက်တန်း မာကြော် အက်စောင် ယေ ာတာရားအီကုလ် လော် ယော မောက်ဂေါ ဂါဏာ ဂါးအာလပ် ယော လုံခြုံရေး လိုက် ဒေါ်ရိုက် ဘီလီကူလော။ တာရား ဖာရားဝန်းတယ် တပ်မတော် လို့စ် ကာစပ်တယ်လိုက်။
ရခိုင်တပ်တော် တယ် ကာကွယ်ရေး သော ယော အုပ်ချုပ်ရေး သော ယော ပြည်သူ့အာဏာပိုင်အဖွဲ့ ဂူရိနင် ဇာကာလုစ် ဘာဒယ် မောက်ဂေါ ဆောလ်ရင် နိသော တရားစီရင်မှု အုံး ယော ဂူရိအာဆောင့်။ မောက်ဂေါ ဒါတ်တင် နော့စ် မောက်ဂေါ ကော်ဒါးလို့စ် ဇီနှိပ်၊ ယဉ်ကျေးမှု ယာ အုံး သီငါစ်ဂျောင်တယ် စနစ် အက်ကမ်ယော နယ်လာစ် အာယစ် ဘီလီ မောက်ဂေါ ဒေသခံ အီကုလ်ပေါ်ဝိုင်းဗစ် အက်စောင် ဦးမောင်မောင်ဆန် ကူဒေဂါးလော။
တပ်ယော မောက်ဂေါ ကော်ဒါး လို့စ် မောက်ဂေါ ဇီနှိပ်၊ ယဉ်ကျေးမှု အုံး ရစ်သီငှား အာယစ်တယ်။ပြည်နယ်ပညာရေးမှူးရုံး လက်ထောက်ညွန်ကြားရေးမှူး ဒေါက်တာထွန်းထွန်းသိန်း တယ် မောက်ဂေါ ဒါတ် အီကုလ်လာန့်နိ သော အာဂယ် ဘော ဆောလ်ဒူလာ ဗမား ဂါဏာ ရစ် ဂါပိုက်၊နိုင်ငံတော်အလံ ရစ် တူလီပိုက်ကုစ် ထူယစ် မောက်ဂေါ ဂါဏာ ဂါးဂျောင်တယ် ဥဗူးရစ် မာနုတုံးထာမ့် နော်ပိုက် ဘီလီကူလော။
သမ်နိရစ် တာရားထာမ်နော်ပိုက် ဘီလီကူလော။ ဗမား ဂါဏာ ဂါပိုက် နိုင်ငံတော်အလံ တူလီ ပိုက်ဌာန ဒေါ်ဝါး စည်းမျဉ်းစည်းကမ်း အက်ကမ်အုလ်။ မောက်ဂေါ ဒါတ်တင် သော အီကုလ်ပေါ်ဝိုင်း (382705) စောင် ထာညင် (3) လက် (8) ဒေါလ် အာဇာ ဥဒီနင် (100) ရာခိုင်နုန်း အာနိ အီကုလ် ဥဒီဂျောင်းဆန့် ပြည်နယ်ပညာရေမှူးရုံး တုံး ကုစ်ထူယစ်။
မောက်ဂေါ ဒါတ် သော အစိုးရ အီကုလ်ဒယ် (3309) ဝန်း နော့စ် ဘီဂျီရစ် အီနားအီကုလ် (128) ဝန် ဏာဒီ ထူယစ်ဆန့် ပြည်နယ်ပညာရေးဆိုင်ရာစာရင်းဇယား သော ဒေဂိုက်ထူယစ်။
442 total views, 1 views today