ArakanYoma|
ရီနက်ဆိပ်ကမ်းနန့် စီးပွားရေးလုပ်ငန်းတိ အကောင်အထည်ဖော်ဆောင်လျှက်ရှိရေ ရခိုင်ပြည်နယ် ကျောက်ဖြူမြို့နယ်အတွင်း ကိုရိုနာဗိုင်း ရပ်စ်ကူးစက်ရောဂါကာကွယ်တားဆီးရေး ဆောင်ရွက်ရာမာ အသုံးပြုနိုင်ဖို့အတွက် အထောက်အကူပြုပစ္စည်း တစ်ချို့ကို တရုတ်ကုမ္ပဏီ တစ်ခုက လှူဒါန်းလာပါရေ။
CITIC Group လို့ခေါ်ရေ တရုတ်ကုမ္ပဏီက လှူဒါန်းခြင်း ဖြစ်ပြီးကေ ယင်းအထဲမာ ကာကွယ်ရေး ဝတ်စုံ PPE အထည် ၃၅၀၊ နှာခေါင်းစ ည်း ၂ သောင်း ၅ ထောင်နန့် မျက်နှာကာ ၅၆၀ ခုရို့ ပါဝင်ပါရေ။
အဆိုပါ တရုတ်ကုမ္ပဏီက အခုပိုင်လှူဒါန်းခြင်းရေ ဒုတိယ အကြိမ်ဖြစ်ပြီးကေ ပထမအကြိမ်အဖြစ် ပြီးခရေ မေလဆန်းပိုင်းက တစ်ကြိမ် လှူဒါန်လာပြီးကေ ယင်းအကြိမ်မာ ဆန်တန်ချိန် ၃၀၊ ပိုးသတ်ဆီးဖြန်းဗူး ၁၀ ဗူးပါဝင်ပါရေ။
ယင်းကုမ္ပဏီအနေနန့် ဆွေးမျိုးပေါက်ဖော်ဆက်ဆံရေးအရ လူမှုရေးဆိုင်ရာတာဝန်ခံမှုကို ရည်ရွယ်လှူဒါန်းခြင်းဖြစ်ကြောင်း တရုတ်သံရုံး ၏ စီးပွားရေးနန့် ကူးသန်းရောင်းဝယ်ရေးဆိုင်ရာ သံအရာရှိ တန်ရှုဖူက ပြောဆိုကြောင်း ဆင်ဟွာသတင်းက ဖော်ပြထားပါရေ။
415 total views, 1 views today