Arakan Yoma
PDF ကို ငွေကြေးထောက်ပံ့လို့ ဆိုရေ သံသယနဲ့ ဖမ်းဆီးတရားစွဲဆိုခံထားရရေ ကျောက်ဖြူမြို့က တက္ကသိုလ်ကျောင်းသူ မအေးမြင့်မြတ်အောင် ဒီဇင်ဘာ ၃၀ ရက်နိက လွတ်မြောက်လာပါရေ။
သူမကို ဒီဇင်ဘာ ၃ ရက်နိက ဖမ်းဆီးခံခပြီးကေ နောက်ပိုင်းမှာ အကြမ်းဖက်မှုဥပဒေပုဒ်မ ၅၀ (ည) နဲ့ တရားစွဲခံခ ရပါရေ။
တရားစွဲဆိုခံထားရပြီးလို့ ဒုတိယမြောက် ရမန် ၂ ပတ်ပြည့်ရေနိမှာပင် ကျောက်ဖြူထောင်ချုပ်က လွတ်မြောက်လာခစွာလို့ မိသားစုဝင်တိက ပြောဆိုပါရေ။
ရခိုင်မှာ PDF နဲ့ ဆက်စပ်သံသယရှိရေ ဆိုပြိးကေ ဖမ်းဆီးတရားစွဲခံထားရသူ ၈ ယောက်ထိရှိနိန်သိန့် ဖြစ်ပြီးကေ ယင်းချင့်ထဲက ဒေါက်တာအေးမောင် ဦးဆောင်ရေ ရခိုင်ဦးဆောင်ပါတီဝင် တစ်ဦးလည်း ပါဝင်ပါရေ။
လက်ရှိမှာတော့ခါ ဖမ်းဆီးခံထားရသူတိကို အကြမ်းဖက်မှုတိုက်ဖျက်ရေးဥပဒေတိနဲ့ တရားစွဲထားပြီးကေ သက်ဆိုင်ရာမြို့နယ်က ထောင်ချုပ်၊ ရဲချုပ်တွေမှာ ထိန်းသိမ်းထားပါရေ။
760 total views, 1 views today