Arakan Yoma|
တက္ကသိုလ်တိ ဖွင့်လှစ်ဖို့ယာ ဆိုပြီးကေ ကြေညာချက် ထွက်ပေါ်လာပြီးရေနောက် ကျောင်း လာတက်ဖို့ ဖိအားပီး ခံနီရသူတိထဲမှာ ရခိုင်တက္ကသိုလ် ကျောင်းသားတိလည်း ပါဝင်လာပါရေ။
မေလ ၄ ရက်နိန့်ကို နောက်ဆုံး ထားပြီးကေ ကျောင်း လာအပ်ကတ်ဖို့ ကျောင်းသားရေးရာ ဌာနက အသိပီးစာ ပီးပို့ ထားပနာ သတ်မှတ်ရက်ထက် ကျော်လွန်ရေ ကျောင်းအပ် လျှောက်လွှာတိကို လက်ခံလားဖို့ မဟုတ်ကြောင်း ဖော်ပြပါရှိရေ လို့ လည်း အစိုးရ စက်မှုလက်မှု သိပ္ပံ – သံတွဲမြို့က ကျောင်းသား တစ်ဦးက Arakan Yoma သို့ ပြောပါရေ။
လက်ရှိ ကာလစွာ နိုင်ငံရေး မတည်ငြိမ်မှုတိ့ကြောင့် CDM လှုပ်ရှားမတိ့ ရှိနီရေပိုင် အဂု ဖွင့်လှစ်လားဖို့ ကျောင်းကို တက်ရောက်ပနာ ဘွဲ့ရလာသူတိ့ကို လုပ်ငန်းခွင့်တိ့မှာ အလုပ်မခန့်ကတ်ဖို့ လှုံ့ဆော်ရီးသားမှုတိ့ကိုလည်း လူမှုကွန်ရက် စာမျက်နှာတိ့မှာ ဖတ်သိရပါရေ။
ရခိုင်ပြည်ကျောင်းသားသမဂ္ဂ အဖွဲ့အနေနန့် ယင်း အရေးတိကို သမဂ္ဂအဖွဲ့တိကြား စုဝေး ဆွေးနွေးလျက် ရှိနီပနာ ကျောင်းသားတိ၏ ဆန္ဒသဘောထား အတိုင်းယာ ဆုံးဖြတ်ဖို့လို့ ဆိုပါရေ။
တက္ကသိုလ်၊ ဒီဂရီကောလိပ်၊ ကောလိပ်တိမှာ ၂၀၁၉ – ၂၀၂၀ ပညာသင်နှစ်က ဖွင့်လှစ်ခရေ နောက်ဆုံး နှစ် သင်တန်းတိနှင့် မဟာဘွဲ့ရ သင်တန်းတိကို ၂၀၂၁ ခုနှစ် မေလ ၅ ရက်နိန့်မှာ စတင် ဖွင့်လှစ်လားဖို့လို့ အဆင့်မြင့်ပညာ ဦးစီးဌာနက ဧပြီ ၁၄ ရက်နိန့်မှာ ညွှန်ကြားခပါရေ။
424 total views, 1 views today