ရွေးကောက်ပွဲဂူရိဗိုက် အာသပ်တဲ့မောက်ဂေါဒါတ် မဲဆန္ဒနယ် မာသပ်ဖီရီ ဂေါ့ရော့ဘီလီ သမ္မတ ကူလော

Arakan Yoma|

ရွေးကောက်ပွဲ ဂူရိဗိုက်အာသပ်တဲ့ မောက်ဂေါဒါတ် ဒေသေသာ မဲဆန္ဒနယ် မာသပ်ဖီရီဂေါရော့ ဘီလီ နိုင်ငံတော်သမ္မတဦးဝင်းမြင့် ကူဒေဂါလော။ ဒီဇင်ဘာ (15) ဒိန်နပ်လူမိလ် တယ် (45) ဘောဆောရစ် မောက်ဂေါ့ဒိန်သော ဘာရားဂျီလောတယ် သဝဏ်လွှာသော နိုင်ငံတော်သမ္မတ ဦးဝင်းမြင့် အီဇောဒါးဝါး ကူလာယာ ဝန်ယောအာလ်။

သီဒေသဝန်းနီသော ဆာမ်တီဥညင့်တရားမျှတေ အာဂျပ် ရွေးကောက်ပွဲဒါဘာ လူမာသ်ဖင့်ဆိုင်ရာမာနု၊ အဖွဲ့အစည်းဗျာ ကုံဘောလ်ဂျော့ ဘီလီဇီနှိပ်သော လီဂီးထူယစ်။ ဆာမ်တီ ဥညင့်တရားမျှတ အောဂျပ် ရွေးကောက်ပွဲ ဂူရိနော်ပါရီ လော်တယ် မောက်ဂေါ ဒါတ်ဒေသ ဝါးနိသော အာစောင့်တယ် မာနု ကျုံလိုက် မော် ဂေါင်နောဘီလီကူထူယစ်။

နိုင်ငံတော် သမ္မတဒူလာ တပ်မတော်ကာကွယ်ရေး ဦးစီးချုပ်ဗိုလ်ချုပ်မှုးကြီးမင်းအောင်လှိုင် ယောီဒိန်နာ ဘာရားဂျီ လောတယ် သဝဏ်လွှာသော အေအေ တုံး ရွေးကောက်ပွဲ ဖီရီဖယ်လာအာယ်တယ် ကော်ဂျပ်ကော် ဒါးရစ်ယော ဆာမ်တီအောလ်ကူလော။

အေအေလို တပ်မတော်အုံး ဘောင်ဒူလာရိုက်ဇူး ဒီမောက်ဂေါဒါ့တ် ဆောလ် (8) ဝန်နောသော ဒိန်ခေါရက်တယ်လိုက် အစိုးရ တုံး နော်ဂူ လောတယ်။

သီယာလိုက် မောက်ဂေါဒါ့တ်မာနု (12) လက်တုံး ဘီချီးမဲဒီနော် ပါလက်ဒူလာ အမျိုးသားလွှတ်တော်ကိုယ်စားလှယ် (7) စောင်၊ ပြည်သူ့လွှတ်တော် ကိုယ်စားလှယ်(9)စောင် လို ပြည်နယ်လွှတ်တော် ကိုယ်စားလှယ် (20) စောင်ဘာဇိဗိုက်အာသပ်။

အီဒူလာဂူရိနော်ပါရစ်တယ် မောက်ဂေါဒေသမာနု ကျုံ ရွေးကောက်ပွဲ ဖီရီဂူရိ ဗိုက် ပေါ်ရင်နပ် ကူလပ်ယော ဂူရိနော်ပါရိလပ် (2020) ဘော ဆောပီဂျပ်သော စစ်ရေးပဋိပက္ခ ဘီချီး ဘော်ဘီလီမော်နော် ဒုတ်ဆူ မိအာသပ်။

 500 total views,  1 views today