ArakanYoma|

ရခိုင်အမျိုးသားပါတီ – ANP တာဝန်ရှိသူတိနန့် မြန်မာနိုင်ငံဆိုင်ရာ ကုလသမဂ္ဂဌာနီကိုယ်စားလှယ်ရို့ ရခိုင်အရေးကို ဆွေးနွေးခကတ် တေလို့ ရခိုင်အမျိုးသားပါတီက ဧပြီလ ၃၀ ရက်နိမှာ ထုတ်ပြန်ပါရေ။

ယင်းအွင်လိုင်းကတစ်ဆင့်ပြုလုပ်တေ Online Video Conference မာ မြန်မာနိုင်ငံဆိုင်ရာကုလသမဂ္ဂဌာနီကိုယ်စားလှယ်၊ ကုလသမဂ္ဂ လူသားချင်းစာနာထောက်ထားမှုဆိုင်ရာညှိနှိုင်းရေးမှူး နန့် ရခိုင်အမျိုးသားပါတီ၏ မူဝါဒရေးရာဦးဆောင်ကော်မတီဝင် တိဖြစ်တေ ဒေါ်အေးနုစိန်၊ ဦးခိုင်ပြည်စိုးနန့် အထွေထွေအတွင်းရေးမှူး ဦးအောင်မြကျော်ရို့ပါဝင်ဆွေးနွေးခကတ်စွာ ဖြစ်ပါရေ။

ဆွေးနွေးမှုထဲမာ လက်ရှိ ရခိုင်မှာ စစ်ပွဲတိ အဆက်မပြတ်ဖြစ်ပွားနီရစွာ၊ ရပ်ရွာအတွင်းက အရပ်သားတိ ပစ်မှတ်ထားထိခိုက်ခံနီရစွာနန့် အရပ်သားတိ သီဆုံးထိခိုက်ပြီးကေ ဖမ်းဆီးခံနီရရေ ကိစ္စရပ်တိပါဝင်ပါရေ။

နောက်ပြီးကေ စစ်ပွဲနောက်ဆက်တွဲအကျိုးဆက်ကြောင့် စစ်ဘေးရှောင်ဒုက္ခသည်တိတိုးပွားလာပြီးကေ အရေးပေါ်လိုအပ်ချက်တိရှိနီစွာ၊ ရခိုင်ဒုက္ခသည်အရေးကို ပြည်တွင်း၊ ပြည်ပက ရခိုင်လူမျိုးတိ၏ အကူအညီနဲ့ရာ ထောက်ပံ့နီရပြီးကေ ရခိုင်အရေးအပေါ် တစ်ခြားကိစ္စရပ် တိလောက် စိတ်ဝင်စားမှုမရှိစွာ၊ ကိုဗစ်နိုက်တင်းနဲ့ ပတ်သတ်လို့ ကာကွယ်ရေးအစီစိုင်တိနန့် လာဖို့ ရွေးကောက်ပွဲဆိုင်ရာကဏ္ဍအသီးသီး ကို အကျယ့်တဝင့်ဆွေးနွေးခကတ်တေလို့ ထုတ်ပြန်ထားပါရေ။

စစ်တွေမြို့မာ အခြေစိုက်နီရေ ကုလသမဂ္ဂစီမံကိန်းရေးဆွဲရေးနန့် အကြံပီးပုဂ္ဂိုလ်နန့် အဖွဲ့ဝင်တိက ရခိုင်အမျိုးသားပါတီရုံးမှာ ပြုလုပ်တေ ယင်းဆွေးနွေးမှုကို တက်ရောက်ခကတ်ပါရေ။ ပြီးခရေ ဧပြီလ ၅ ရက်နန့်ကလေ့ အဆိုပါ မြန်မာနိုင်ငံဆိုင်ရာ ကုလသမဂ္ဂဌာနီ ကိုယ်စားလှယ်၊ ကုလသမဂ္ဂလူသားချင်း စာနာထောက်ထား မှုဆိုင်ရာ ညှိနှိုင်းရေးမှူး နဲ့ ရခိုင်ပြည်နယ်လွှတ်တော်ဥက္ကဌ ဦးစံကျော်လှရို့က ရခိုင်အရေးကို အခုပိုင်ဗျာလ် အွင်လိုင်း ကတဆင့် ဆွေးနွေးခကတ်ပါသိရေ။

 542 total views,  1 views today