ရိုးမရေဒီယိုမဂ္ဂဇင်း

ပဋိပက္ခတိဖြစ်ပွားပြီးနောက်ပိုင်း ရခိုင်ပြည်နယ်အတွင်း နေထိုင်ကြရေ မတူညီရေ လူမျိုးစုတိနဲ့ ဘာသာတိဝင်အကြား ယုံကြည်မှု ကျဆင်းလာစွာတိ၊ သံသယတိနဲ့ တစ်ဖက်နဲ့ တစ်ဖက် အမြင်မတူမှုတိ လျှော့ချနိုင်ဖို့ ရခိုင်ပြည်နယ်အတွင်းက တိုင်းရင်းသားမျိုးနွယ်စု တိကို စုစည်းပနာ ၂ ရက်တာ အလုပ်ရုံဆွေးနွေးမှုတစ်ခု ပြုလုပ်ပေးခပါရေ။

ဆွေးနွေးမှုကို မဇ္ဈိမဖောင်ဒေးရှင်း၏ ဦးဆောင်မှုနဲ့အတူ ရခိုင်အမျိုးများသမီးကွန်ယက်နဲ့ ရခိုင်အမျိုးသမီးများ အစည်းအရုံးရို့က ပူးပေါင်းပနာ ရခိုင်ပြည်နယ် စစ်တိမြို့မှာရှိရေ Memory Hotel မှာ ဒီဇင်ဘာလ ၂၈ ရက်ကနိ ၂၉ ရက်နေ့ထိ ပြုလုပ်ပီးခစွာဖြစ်ပါရေ။

“ရခိုင်ပြည်နယ်မှာဆိုလို့ရှိကေ ပဋိပက္ခတိဖြစ်လာရေ။ ဖြစ်လာရေ နောက်ပိုင်းတိမှာလည်း မတူညီရေ ဘာသာဝင်တိကြား၊ မတူညီရေ လူမျိုးတိ ကြားထဲမှာ မယုံကြည်မှုတိ၊ သံသယတိ ဖြစ်လာရေ။ နောက်ပြီးကေ ခွဲခြားမြင်ရေ အမြင်ချေတိ ဖြစ်လာရေ။ ယင်းကနေ တဆင့် ငြိမ်းချမ်းစွာ အတူတကွယှဉ်တွဲနေထိုင်ရေးကို ထိခိုက်စီလာနိုင်ရေအတွက်ကြောင်မို့ အခု ဒေလူငယ်တိကနေတဆင့် မတူ ကွဲပြားရေ လူငယ်တိအချင်း ချင်းကြားထဲမှာ ခွဲခြားဆက်ဆံမှုတိပပျောက်ရေး၊ လျှော့ချရေး။ နောက်ပြီးကေ တစ်ယောက်နဲ့ တစ်ယောက် ကြားမှာ အပြန်အလှန် နားလည်မှုတိ၊ ယုံကြည်မှုတိ၊ ခင်မင်မှုတိတည်ဆောက်နိုင်ရေးနဲ့ သူ၏ ယဉ်ကျေးမှုဓလေ့ထုံးစံတိကိုလည်း အချင်းချင်း အပြန်အလှန် နားလည်သဘောပေါက်ဖို့ ရည်ရွယ်ပနာ ဒီ Workshop ကို လုပ်စွာဖြစ်ရေ။”

အေချင့်ကတော့ မဇ္ဈိမဖောင်းဒေးရှင်း၏ အတွင်းရေးမှူး ဒေါ်သင်းသင်းအောင်က Work Shop ပြုလုပ်ရရေ ရည်ရွယ်ချက်ကို ရှင်းပြခစွာ ဖြစ်ပါရေ။ ရခိုင်တိုင်းရင်းသားတိအပါအဝင် ရခိုင်မျိုးနွယ်စုဝင်တိဖြစ်ရေ မြို၊ သက်၊ ခမီ၊ ဒိုင်းနက် (ခ) သက္ကမ၊ ကမန်၊ မရာမကြီးနဲ့ ဟိန္ဒူစရေ အသက် ၃၀ အောက် တိုင်းရင်းသားမျိုးနွယ်စုတိပါဝင်ရေ လူငယ် ၂၂  ယောက်ကို ဖိတ်ကြား ဆွေးနွေးစီခစွာလည်း ဖြစ်ပါရေ။

လက်ရှိ ပြုလုပ်ရေ အလုပ်ရုံဆွေးနွေးပွဲမှာ ကြားနီအဖြစ် ဆောင်ရွက်ပေးခရေ Facilitator ဒေါ်ခင်စန္ဒာထွန်းကလည်း အခုပိုင် ဆွးနွေးမှုတိ အများ အပြားပြုလုပ်ပီးဖို့ လိုအပ်ကြောင်း အကြံပြုပါရေ။

“အဓိကက ရခိုင်စွာ ရှုပ်ထွေးရေ အခြေအနေရှိရေ။ Complex ဖြစ်ရေ လူမျိုးရေး၊ ဘာသာရေး ပြီးကေ သက်ဆိုင်ရာမျိုးနွယ်စု အသေးချေတိလည်း ရှိရေ။ တန်းတူအခွင့်အရေး မရကတ်။ ကျားမအချင်းချင်းတန်းတူ ညီညွတ်မှု မရှိ။ ဘာသာရေး၊ လူမျိုးရေးတိလည်း ရှိနေရေအတွက် အခြေနေက ရှုပ်ရှုပ်ဖြစ်နေရေ။ အေချင့်ကို အရမ်း Sensitive ဖြစ်ရေ။ ထိလွယ်ရှလွယ်ဖြစ်ရေဆိုပနာ မဆွေးနွေးကတ်ပေါ့နော်။ မဆွေးနွေးလေ အဖြေကို မတွိ့လေ။ ဖြေရှင်းဖို့ နေရာနဲ့ ပိုဝီးလေဖြစ်ရေ။ ဆွေးနွေးသင့်ရေ။ ဆွေးနွေးဖြေရှင်းမှပဲ ပြဿနာကို ဖြေရှင်းရေ ဆီရောက်ပါဖို့။”

တက်ရောက်လာကြရေ လူငယ်တိစွာ သာသာရေး၊ လူမျိုးရေးကိစ္စရပ်တိအပါအဝင် ကျား၊ မ တန်းတူအခွင့်အရေးဆုံးရှုံးနေမှုတိ၊ ပညာရေး ကဏ္ဍမှာ နိမ့်ကျနေမှုတိနဲ့ စရေ ကဏ္ဍအသီးသီးကိုလည်း ညှိနှိုင်းဆွေးနွေးခကတ်ပါသေးရေ။

“ကျနော်တို့ လူ့အသိုင်းအဝိုင်းထဲမှာ ဇာလူမျိုးမို့လို့ ဇာကဏ္ဍမှာ မပါရ။ ရခိုင်လူမှုအသိုင်းအဝိုင်းမှာဆိုကေ ကမန်ဟာ ကုလားနဲ့ ဆင်လို့လား။ အစ္စလမ်ဘာသာ ကိုးကွယ်လို့လား။ ယင်းစာတိကြောင့် ပါဝင်ခွင့် မရစွာတိ ရှိရေပေါ့။ နောက်ပြီးကေ ဒိုင်းနက်၊ မြို၊ သက်၊ ခမီရို့မှာလည်း ရှိကြ ရေ။ ဒေတိုင်းရင်းသားတိ အနေနဲ့လည်း ပါဝင်မှုစွာ တော်တော်လည်း အားနည်းရေ။ ကိုယ်ရို့ ရခိုင်ကလည်း လုပ်လို့ချည်း အဆင်မပြေလေ ။ မျိုးနွယ်စု ခုနှစ်မျိုးရှိကေ ခုနှစ်မျိုးစလုံးကို ဆွဲခေါ်ပနာမှရာ ကျနော်ရို့ အတူတူ လက်တွဲပြီး ဆောင်ရွက်လားဖို့ လိုရေ။”ဟု ရခိုင်အမျိုးသမီးကွန်ယက်က ကျားမရေးရာညှိနှိုင်းရေးမှူးအနေနန့် ပါဝင်ဆွေးနွေးခရေ လူငယ် ကိုကျော်နိုင်ဌေးက ပြောပါရေ။

အခုပိုင် လူငယ်တိ သီးသန့်ဆွေးနွေးရစွာက လူကြီးတိနဲ့ ပူးပေါင်းပြီး ဆွေးနွေးရစွာထက် ပိုမို ထိရောက်မှုရှိရေပိုင် ဆွေးနွေးပွဲက ရလာဒ်တိ ကိုလည်း တတ်နိုင်သလောက် လက်ဆင့်ကမ်းမျှဝေလားဖို့လို့ တက်ရောက်လာရေ တိုင်းရင်သား လူငယ်တိက ဆိုပါရေ။

အခုပြုလုပ်ရေ အလုပ်ရုံဆွေးနွေးပွဲစွာ ပထမအကြိမ်ဖြစ်ပနာ လာဖို့ နှစ်တိမှာလည်း ဒေထက်မက ပြုလုပ်ပီးနိုင်ဖို့ ကြိုးပမ်းလားဖို့လို့လည်း မဇ္ဈိမဖောင်းဒေးရှင်းက ပြောဆိုချက်အရ  သိရပါရေ။

 217 total views,  2 views today