Arakan Yoma


ကျောက်တော်မြို့နယ် က တင်းမကျေးရွာသားရို့တိအနီနဲ့ ကိုယ့်ရပ်ရွာမှာ ပြန်လို့လားဗြီး နီထိုင်ကတ်ဖို့အတွက် ရခိုင်ပြည်နယ်အစိုးရပါးကို တတိယအကြိမ် အကူအညီ တောင်းဆိုထားရရေလို့ သိရပါရေ။

ပြည်နယ်အစိုးရအဖွဲ့ ဥက္ကဌနဲ့ အနောက်ပိုင်းတိုင်း စစ်ဌာနချုပ်ရို့ပါးကို စက်တင်ဘာလ ၂ ရက်နိကစလို့ စာရီးဗြီး တင်ပြလိုက်ရေလို့ တင်းမဆရာတော် ဦးဝါယာမိန္ဒက မိန့်ပါရေ။


တင်းမရွာသားရို့က ပြီးခရေ မတ်လအတွင်း ၂ ကြိမ်တောင်းဆိုခကတ်ဗြီး အောက်တိုဘာလမှာ နီရပ် ရွာကို ပြန်ကတ်ဖို့ သဘောတူညီချက် ရခကေလေ့သင့် လက်ရှိအချိန်ထိ မိုင်းရှင်းလင်းရေးတိ၊ ဆုံးရှုံးလားခရရေ နီအိမ်တိ ပြန်လို့ ထူထောင်ရေး ကိစ္စတိ ဖြေရှင်းပီးစွာတိ မရှိသိန့်ပါ။


ယေဇူးနဲ့ ရွာသားရို့က တတိယအကြိမ်မြောက် တောင်းဆိုရစွာလို့ ဆိုပါရေ။
ကျေးရွာသားရို့တိ နီရပ်ပြန်ကေ မိသားစုတစ်စုစီကို ငွေကျပ်ငါးသိန်းစီ၊ ဆန်နဲ့ ရိက္ခာတစ်လစာအပြင် ရွာအတွင်းမှာလည်း နီအိမ်တိ ဆောက်လုပ်ပီးဖို့ ယေပြီးကေ အလုပ်အကိုင်အခွင့်အလမ်းတိလည်း ဖန်တီးပီးဖို့လို့ စစ်ကောင်စီက ပြောထားစွာပါ။


ဒေ ကျေးရွာစွာ ပြီးဆုံးခရေ တိုက်ပွဲကာလအတွင်း မီးတိုက်ခံခရပြီး ဘုန်းတော်ကြီးကျောင်းအပါအဝင် နီအိမ်ပေါင်း ၁၃၂ ဆောင် ပျက်စီးဆုံးရှုံးခံခရရေလို့ ရွာသားတိက ပြောကတ်ပါရေ။

 129 total views,  2 views today