ရိုးမရေဒီယိုမဂ္ဂဇင်း

နိုင်ငံတော် ဒုတိယသမ္မတ၏ ရခိုင်ပြည်နယ်သို့ လာရောက်မည့် ခရီးစဉ်အတွင်းတွင် အကျဉ်းဦးစီးဌာနမှ သိမ်းဆည်း ထားသည့် ရခိုင်ပြည်နယ် မြေပုံမြို့နယ် မြောက်ကြိမ်ကျေးရွာရှိ လယ်ယာမြေ ၃၀၀ ခန့်ကို တောင်သူများထံ ပြန်လည် ပေးအပ်သွားမည်ဖြစ်ကြောင်း ရခိုင်ပြည်နယ်လွှတ်တော် လယ်ယာ၊ သားငါး၊ သစ်တောနှင့် ဆည်မြောင်း လုပ်ငန်းအဖွဲ့မှ သိရသည်။

နိုင်ငံတော်ဒုတိယသမ္မတကိုယ်တိုင် လာမည့် အောက်တိုဘာလ ဒုတိယအပတ်တွင် တောင်သူများကို မြောက်ဦးခရိုင်သို့ ခေါ်ယူကာ လယ်ယာမြေပြန်လည် ပေးအပ်ပွဲပြုလုပ်ထားကြောင်း ပြည်နယ် စိုက်ပျိုးရေးနှင့် မွေးမြူရေးဝန်ကြီးဌာနက အကြောင်းကြားလာခြင်း ဖြစ်ကြောင်း သိရသည်။

“ပြန်လည်စွန့်လွှတ်မယ်ဆိုပြီးတော့ ပြည်ထဲရေးဝန်ကြီးဌာနက အကျဉ်းဦးစီးဌာနက သိမ်းဆည်းထားတဲ့ လယ်ယာ မြေတွေကို ဝန်ကြီးကို အကြောင်းကားလာတယ်လို့ တစ်ဆင့် ကျနော်က သိရတယ်။ ဒီလမှာ ဝန်ကြီးက ကျနော့်ကို ထပ်ပြီး အကြောင်းကြား လာတယ်ပေါ့။ ” ဟု ရခိုင်ပြည်နယ် လွှတ်တော်တွင် လယ်ယာ၊ သားငါး၊ သစ်တောနဲ့ ဆည်မြောင်း လုပ်ငန်းအဖွဲ့ ဥက္ကဌ တာဝန်ယူထားသည့် မြေပုံမြို့နယ်မှ လွှတ်တော် ကိုယ်စားလှယ် ဦးအောင်ဝင်းက ပြောသည်။

တောင်သူ ၄၅ ဦးက ပိုင်ဆိုင်သည့် အဆိုပါ မြေယာများကို အကျဉ်းဦးစီးဌာနခွဲတစ်ခု တည်ဆောက်ရန် ၂၀၀၄ ခုနှစ်က သိမ်းဆည်းခဲ့ ခြင်းပြီး ထိုဒေသမှာ သဘာဝဘေးအန္တရာယ် နှစ်စဉ် ကျရောက်တတ်သည့် နယ်မြေတစ်ခုဖြစ်သောကြောင့် ၂၀၀၈ ခုနှစ်က ပြန်လည် ရုတ်သိမ်းသွားခဲ့သည်။

ဒေသခံများမှ ၎င်းတို့ကြုံရသည့် အခက်ခဲများနှင့် လယ်ယာမြေများကို ပြန်လည်ရလိုကြောင်း တင်ပြလာ၍ ပြီးခဲ့သည့် အစိုးရလက် ထက်က တစ်ကြိမ်၊ ယခုအစိုးရလက်ထက်က တစ်ကြိမ်လွှတ်တော်တွင် မေးမြန်းခဲ့ပြီး ယခုနှစ်တွင်သာ ပြန်လည်စွန့်လွှတ်ခဲ့ခြင်းဟု ဦးအောင်ဝင်းက ပြောသည်။

လာမည့် သမ္မတခရီးစဉ်တွင် ရခိုင်ပြည်နယ်မြောက်ပိုင်းနှင့် မြောက်ဦးခရိုင်ဖက်သို့ သွားရောက်မည်ဟု သိရပြီး မြောက်ဦးမှ အစိုးရက သော်လည်းကောင်း၊ တပ်ကသော်လည်း သိမ်းဆည်းထားသည့် လယ်ယာမြေအချို့ကို စွန်လွှတ် သွားမည်ဟုလည်း သိရသည်။

Leave a Reply

Your email address will not be published. Required fields are marked *