Arakan Yoma |


ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးအကြီးအကဲအဖွဲ့နန့် အာဆီယံ ၁၀ နိုင်ငံက သံတမန်တိပါဝင်ရေအဖွဲ့ရေ ဘင်္ဂလားဒေ့ရ်ှကနီ မောင်တောကို ပြန်ဝင်လာရေ မူဆလင်တိကို စက်တင်ဘာ ၁၁ ရက်နိက စစ်တွေမြို့က ပြည်နယ် အ စိုးရဧည့်ဂေဟာမှာ ခေါ်ယူတွိဆုံခပါရေ။

ပြန်လည်ဝင်ရောက်လာရေ အဆိုပါ မူဆလင်တိအနက် အမျိုးသား ၈ ဦးနှင့် အမျိုးသမီး ၂ ဦးရို့ပါဝင်ပါရေ။

ယင်းနိက တွိဆုံစဉ်မှာတော့ သူရို့မြန်မာနိုင်ငံဖက်ကို ဇာကြောင့်ပြန်ဝင်လာကတ်ရပြီးကေ ဇာပိုင်အခက်ခဲတိကို ရင်ဆိုင်နီကတ်ရလေ စရေအကြောင်းအရာတိကို မီးမြန်းခရေလို့ တွိဆုံရာမှာ ပါဝင်သူတိက ပြောပါရေ။

ပြန်လည်ရောက်ရှိလာကတ်တေ မူဆလင်တိရေ အယင်က ရခိုင်ပြည်နယ်မှာ နီထိုင်ခသူတိ ဖြစ်ကတ်ပြီးကေ လက်ရှိမှာတော့ တည်းခိုနီ ဘင်္ဂလားဒေ့ရ်ှက ဒုက္ခသည်စခန်းကနီ ဒေဖက်ကို သူရို့ဆန္ဒအလျောက် ပြန်လည်ဝင်ရောက်လာကတ်စွာလို့ သိရပါရေ။

လက်ရှိမှာတော့ သူရို့ရေ မောင်တောမြို့မှာဗျာလ် ယာယီအဆောင် ငှားရမ်းနီထိုင်နီကတ်ကေလေ့ သူရို့တွိဆုံခကတ်တေ ကုလနဲ့ အာဆီယံနိုင်ငံတိက အကြီးအကဲတိကတော့ အစစအရာရာကို စီစဉ်ပီးဖို့ဖြစ်တေလို့ ပြောဆိုခရေလို့ ဆိုပါရေ။

အဆိုပါ တွိဆုံခကတ်တေ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး အကြီးအကဲ အဖွဲ့ဝင်တိနဲ့ အာဆီယံနိုင်ငံတိဖြစ်တေ ဘရူနိုင်း၊ အင်ဒိုနီးရှား၊ မလေးရှား၊ ဖီလစ်ပိုင်၊ စင်္ကာပူ၊ ထိုင်း၊ ဗီယက်နမ်၊ ဘင်္ဂလားဒေ့ရှ်၊ အိန္ဒိယနဲ့ တရုတ်နိုင်င်ရို့က သံတမန်တိ ပါဝင်ရေ အဖွဲ့စွာ မတွေ့ဆုံခင် ၁ ရက်အလိုမှာ မောင်တောကို လားရောက်ဖို့ စီစဉ်ခကေလေ့ ရာသီဥတုအခြေအနေကြောင့်အစီစဉ်ကို ဖျက်သိမ်းခရပါရေ။